സത്യപ്രതിജ്ഞ ചടങ്ങിനെ എതിർക്കുന്നത്​ ഒരാഘോഷവും പാടില്ലെന്ന് ചിന്തിക്കുന്ന മാനസികാവസ്ഥയുള്ളവർ -പിണറായി

തിരുവനന്തപുരം: ഒരാഘോഷവും പാടില്ലെന്ന് ചിന്തിക്കുന്ന മാനസികാവസ്ഥക്കാരാണ് സത്യപ്രതിജ്ഞ ചടങ്ങിെൻറ ആഘോഷങ്ങളെ എതിർക്കുന്നതെന്ന് മുഖ്യമന്ത്രി. ജനങ്ങൾ ഒരുമിച്ചിരുന്ന് ഭക്ഷണം പോലും കഴിക്കരുതെന്ന് പറയു​േമ്പാൾ മറുവശത്ത് ആളുകളെ കൂട്ടി സത്യപ്രതിജ്ഞാ ചടങ്ങ് നടത്തുന്നതും കേക്ക്​ മുറിക്കുന്നതും ശരിയാണോയെന്ന മാധ്യമപ്രവർത്തകരുടെ ചോദ്യത്തിന് മറുപടി പറയുകയായിരുന്നു പിണറായി വിജയൻ.

ഒരാഘോഷവും പാടി​െല്ലന്നുതന്നെയാണ് തങ്ങളുടെയും നിലപാട്. ആഘോഷം പരമാവധി ഒഴിവാക്കുന്ന കാര്യങ്ങളാണ് ചെയ്തുവരുന്നത്. എന്നാൽ, ആഘോഷം നടത്തണമെന്ന് വീർപ്പുമുട്ടിയിരിക്കുന്നവരാണ് കേരളത്തിലെ ജനങ്ങൾ. അത് നടത്താൻ പറ്റാത്തതിെൻറ വിഷമത്തിലുമാണ്. അത് കോവിഡ് മാനദണ്ഡങ്ങളുടെയും കരുതലിെൻറയും ഭാഗമാണെന്നും അദ്ദേഹം പറഞ്ഞു.

വളരെ വിസ്​തരിച്ചും ശാരീരികാകലം പാലിച്ചുമാണ് ആളുകൾ അവിടെ ഇരിക്കുക. ഒരിടത്തും ഒരു തിരക്കും അനുഭവപ്പെടില്ല. കൃത്യമായി ആളുകൾക്ക് വന്നുപോകാനുള്ള സൗകര്യങ്ങളാണ് ഒരുക്കുക. അതിനാലാണ് ആൾക്കാരെ ചുരുക്കിയത്. ഇതൊരു ചരിത്രവിജയമാണ്. അത് എക്കാലത്തും ഒാർക്കണം. അത് ആഘോഷത്തിലൂടെയല്ല. അതിെൻറ ദൃശ്യത്തിലൂടെ ആസ്വദിക്കാനാകണമെന്നും അദ്ദേഹം ചൂണ്ടിക്കാട്ടി