വർഗീയ പ്രതിരോധം ധാർഷ്​ട്യമെങ്കിൽ ഇനിയും ആവർത്തിക്കും -മുഖ്യമന്ത്രി

തിരുവനന്തപുരം: വർഗീയ ശക്തികളെ പ്രതിരോധിക്കുന്നത്​ ധാർഷ്​ട്യമാണെങ്കിൽ ഇനിയും ആവർത്തിക്കുമെന്ന്​ മുഖ്യമന് ത്രി പിണറായി വിജയൻ. തന്നിൽ അർപ്പിതമായ ഉത്തരവാദിത്തം വെച്ച്​ വർഗീയശക്തികളെ പ്രതിരോധിക്കുന്നതിന്​ മുന്നിൽ ന ിന്നിട്ടുണ്ടെന്നും അദ്ദേഹം പറഞ്ഞു. നിയമസഭയിൽ ധനാഭ്യർഥന ചർച്ചക്ക്​ മറുപടി പറയവേയാണ്​ ശൈലി മാറ്റണമെന്ന ആവശ്യത്തോട്​ പരോക്ഷമായി പ്രതികരിച്ചത്​.

‘നാടി​​െൻറ പൊതു അന്തരീക്ഷം മാറ്റാനും മതനിരപേക്ഷതക്ക്​ പോറലേൽപിക്കാനും ശ്രമമുണ്ടായി. വർഗീയശക്തികൾ ഇളകിയാടി വരുകയായിരുന്നു. അവർക്ക്​ വിധേയ​െപ്പട്ട്​ പഞ്ചപുച്ഛമടക്കി നിൽക്കുന്ന സർക്കാറായിരുന്നു അവർക്ക്​ വേണ്ടിയിരുന്നത്​. ആ ദുരുപദിഷ്​ട നീക്കത്തെ ശക്തമായി പ്രതിരോധിച്ചു. അത്​ ധാർഷ്​ട്യമാണെങ്കിൽ ഇനിയും ആവർത്തിക്കും. കേരളത്തെ വർഗീയക്കളമാക്കി മാറ്റാനുള്ള ശ്രമത്തെ പ്രതിരോധിക്കാൻ കഴിഞ്ഞതിൽ അഭിമാനമുണ്ട്​. അതിന്​ ഞങ്ങളോടൊപ്പം അണിനിരന്ന എല്ലാവരോടും നന്ദിയുണ്ട്​. നവോത്ഥാനമൂല്യം തകർക്കാൻ നീക്കമുണ്ടായാൽ കൂടുതൽ ശക്തിയോടെ പ്രതിരോധിക്കും. നവോത്ഥാന സംരക്ഷണ പ്രവർത്തനം ഇനിയും തുടരും. നവോത്ഥാനമൂല്യങ്ങൾ വ്യാപകമായി പ്രചരിപ്പിക്കും’ -പിണറായി പറഞ്ഞു.