അദാനി കരാറാണ്​ പ്രതിപക്ഷത്തിന്‍റെ ബോംബെങ്കിൽ ചീറ്റിപോയെന്ന്​ പിണറായി

കണ്ണൂർ: കെ.എസ്​.ഇ.ബി ഉയർന്ന നിരക്കിൽ വൈദ്യുതി വാങ്ങാൻ അദാനിയുമായി 8850 കോടി രൂപയുടെ കരാർ ഉണ്ടാക്കിയെന്ന പ്രതിപക്ഷ നേതാവ്​ രമേശ്​ ചെന്നിത്തലയുടെ ബോംബ്​ തുടക്കത്തിൽ തന്നെ ചീറ്റിപ്പോയെന്ന്​ മുഖ്യമന്ത്രി പിണറായി വിജയൻ. എല്ലാ വൈദ്യുതി കരാറുകളും കെ.എസ്​.ഇ.ബി വെബ്​സൈറ്റിലുണ്ട്​. വൈദ്യുതി മേഖലയിൽ സ്വകാര്യവത്​കരണം കോൺഗ്രസാണ്​ തുടങ്ങിവെച്ചതെന്നും​ അദ്ദേഹം വാർത്തസമ്മേളനത്തിൽ പറഞ്ഞു​.

കേരളം വൈദ്യുതി രംഗത്തത്​ നല്ല പുരോഗതി ഇക്കാലത്ത്​ നേടിയിട്ടുണ്ട്​​. ഇതു തകർക്കണം എന്ന്​ പ്രതിപക്ഷം ആഗ്രഹിക്കുന്നുണ്ടാകും. പവർകട്ടും ലോഡ്​ ഷഡിങ്ങും ഇല്ലാത്ത അഞ്ചു വർഷമാണ്​ കടന്നുപോയത്​. അതിൽ അസൂയയും ഉണ്ടാകും. അതിന്​ വൈദ്യുതി ബോർഡി​െൻറ ഇടപെടലുകളെ താറടിച്ചു കാണിക്കുകയാണ്​. നേരത്തെ കരുതിയ ബോംബ്​ ഇതാണെങ്കിൽ അതും ചീറ്റിപ്പോയിരിക്കുകയാണ്​ -അദ്ദേഹം പറഞ്ഞു.

എൽ.ഡി.എഫിന്​ പി.ആർ. ഏജൻസികളുടെ ആവശ്യ​മൊന്നുമില്ല. ജനങ്ങളുടെ ജീവൽ പ്രശ്​നങ്ങൾ ചർച്ച ചെയ്യാതിരിക്കാനാണ്​ പ്രതിപക്ഷം നുണപ്രചരണം നടത്തുന്നത്​. ഇതിനെതിരെ സമൂഹം മറുപടി നൽകു​േമ്പാൾ അത്​ പി.ആർ ഏജൻസിയാണെന്നാണ്​ ഇവർ കരുതുന്നത്​. പ്രതിപക്ഷം ഉന്നയിക്കുന്ന നുണപ്രചരണങ്ങൾക്ക്​ അൽപായുസ്സ്​​ മാത്രമാണ്​ ഉണ്ടാകുന്നത്​. പ്രളയം മനുഷ്യനിർമിതമാണെന്ന്​ ശാസ്​ത്രീയ തെളിവുകൾ പുറത്തുവന്ന സാഹചര്യത്തിൽ യു.ഡി.എഫ്​ അധികാരത്തിൽ വന്നാൽ വിദഗ്​ധരുടെ അഭിപ്രായം തേടി തുടർ നടപടി സ്വീകരിക്കുമെന്ന ഉമ്മൻ ചാണ്ടിയുടെ പ്രസ്​താവന സംശയാസ്​പദമാണ്​. ആഴക്കടൽ മത്സ്യബന്ധന കരാർ റദ്ദാക്കിയെന്ന്​​ വ്യവസായ സെക്രട്ടറിതന്നെ വ്യക്തമാക്കിയതാണ്​. റദ്ദാക്കിയ കരാറിനെക്കുറിച്ച്​ പുകമറ സൃഷ്​ടിക്കാനാണ്​ പ്രതിപക്ഷം ശ്രമം

കേരളത്തെ ലോകത്തിനു മുന്നിൽ വ്യാജ വോട്ടർമാരുടെ നാടാക്കി പ്രതിപക്ഷ നേതാവ്​ ചിത്രീകരിച്ചിരിക്കുകയാണ്​. വികസനം ചർച്ചചെയ്യാനില്ല, ഇരട്ട വോട്ട്​​ ചർച്ച ചെയ്യാം എന്ന നിലപാടാണ്​ യു.ഡി.എഫി​െൻറത്​​. വോട്ട്​​ ചേർക്കുന്നത്​ ഉൾപ്പെടെയുള്ള കാര്യങ്ങൾ തെരഞ്ഞെടുപ്പ് ​കമീഷനാണ്​ ചെയ്യേണ്ടത്.​ ഇരട്ടിപ്പുണ്ടെങ്കിൽ ഒഴിവാക്കപ്പെടണം. അപാകതകൾ കണ്ടെത്തി തിരുത്തുകയാണ്​ വേണ്ടത്​. നാലുലക്ഷത്തിലധികം ​പേരുകൾ പ്രസിദ്ധീകരിച്ച്​ വോട്ടർമാരെ കള്ള വോട്ടർമാരായി ചിത്രീകരിച്ചിരിക്കുകയാണ്​. ഒരേ പേരുള്ളവർ, സമാനമായ പേരുകൾ ഉള്ളവർ, ഇരട്ട സ​േഹാദരങ്ങൾ ഇവരൊക്കെ അദ്ദേഹത്തി​െൻറ കണ്ണിൽ കള്ള വോട്ടർമാരാണ്​. രണ്ട്​ സ്​ഥലത്ത്​ വോട്ടുണ്ടാകാം. എന്നാൽ, രണ്ടു സ്​ഥലത്ത്​ വോട്ടു ചെയ്യാൻ പാടില്ല. പ്രതിപക്ഷ ​നേതാവി​െൻറ ആരോപണത്തെ തുടർന്ന്​ ദേശീയ തലത്തിൽ തന്നെ കേരളത്തിനെതിരെ വലിയ അപവാദ പ്രചരണങ്ങളാണ്​ നടന്നുവരുന്നതെന്നും മുഖ്യമന്ത്രി പറഞ്ഞു.