ബി.ജെ.പിയും ആർ.എസ്​.എസും നിയമവ്യവസ്ഥയെ വെല്ലുവിളിക്കുന്നു- പിണറായി

ദുബൈ: ബി.ജെ.പിയും ആർ.എസ്​.എസും കേരളത്തിലെ നിയമവ്യവസ്ഥയെ വെല്ലുവിളിക്കുകയാണെന്ന്​ മുഖ്യമന്ത്രി പിണറായി വിജയൻ. ​യു.എ.ഇയിൽ വെച്ചാണ്​ ശബരിമല വിഷയവുമായി ബന്ധപ്പെട്ട്​ ഉണ്ടായ അക്രമസംഭവങ്ങളിൽ ​പിണറായി പ്രതികരിച്ചത്​.

സുപ്രീംകോടതി വിധി നടപ്പിലാക്കാൻ സർക്കാർ ബാധ്യസ്ഥരാണ്​. ക്രമസമാധാനം തകർക്കാൻ ചിലർ ബോധപൂർവമായി പ്രശ്​നങ്ങളുണ്ടാക്കുന്നു. ശബരിമലയിൽ എത്തുന്ന അയ്യപ്പ ഭക്​തരുടെ സുരക്ഷ സംസ്ഥാന സർക്കാർ ഉറപ്പു വരുത്തുമെന്നും പിണറായി പറഞ്ഞു.

നേരത്തെ ശബരിമലയിലെ അക്രമങ്ങൾക്ക്​ പിന്നിൽ ആർ.എസ്​.എസും ബി.ജെ.പിയുമാണെന്ന വിമർശനം ദേവസ്വം മന്ത്രി കടകംപള്ളി സുരേന്ദ്രനും വ്യവസായ മന്ത്രി ഇ.പി ജയരാജനും ഉയർത്തിയിരുന്നു.