താനും ആത്മഹത്യ ചെയ്യാൻ തീരുമാനിച്ചിരുന്നതായി സൗമ്യ

തലശ്ശേരി: മാതാപിതാക്കളും മകളും മരിച്ചതോടെ ഒറ്റപ്പെട്ട താൻ പിതാവ്​ മരിച്ചതി​​​​െൻറ 12ാം ദിവസം ആത്മഹത്യ ചെയ്യാൻ തീരുമാനിച്ചിരുന്നതായി സൗമ്യ. തനിക്ക്​ ജീവിതം മടുത്തിരുന്നതായും അവർ വ്യാഴാഴ്​ചത്തെ ചോദ്യംചെയ്യലിൽ മൊഴിനൽകി. എന്നാൽ, അപ്പോഴേക്കും കാര്യങ്ങൾ മാറിമറിഞ്ഞതോടെ​ ആത്മഹത്യശ്രമം നടന്നില്ല. 

മാതാപിതാക്കളെയും മകളെയും വിഷം നൽകി കൊലപ്പെടുത്തിയത്​ താൻ ഒറ്റക്കാണെന്ന മൊഴിതന്നെയാണ്​ വ്യാഴാഴ്​ചയും സൗമ്യ ആവർത്തിച്ചത്​. ഇൗ മൊഴി അന്വേഷണസംഘം പൂർണമായും വിശ്വസിക്കുന്നില്ല. പ​േക്ഷ, സൗമ്യ മൊഴിയിൽതന്നെ ഉറച്ചുനിൽക്കുന്നതിനാൽ അന്വേഷണസംഘത്തിന്​ കേസിൽ മറ്റാരെയും പ്രതിചേർക്കാനും കഴിയാത്ത സ്ഥിതിയാണ്​. 

അന്വേഷണത്തിന്​ ​മേൽനോട്ടം വഹിക്കുന്ന തലശ്ശേരി എ.എസ്​.​പി ചൈത്ര തെരേസ ജോൺ, അന്വേഷണ ഉദ്യോഗസ്ഥനായ സി.​െഎ കെ.ഇ. പ്രേമചന്ദ്രൻ എന്നിവരുടെ നേതൃത്വത്തിലാണ്​ വ്യാഴാഴ്​ച ചോദ്യംചെയ്​തത്​. സൗമ്യയുടെ ബന്ധുക്കളും നാട്ടുകാരുമായ അമ്പതോളം പേരെ ഇതിനകംതന്നെ ചോദ്യം ചെയ്​തിട്ടുണ്ട്​. സൗമ്യയുമായി അടുത്തബന്ധമുള്ള നാലുപേരെയാണ്​ കൂടുതലായി ചോദ്യംചെയ്യുന്നത്​. ഇവർ സൗമ്യക്ക്​ വിവാഹവാഗ്​ദാനം നൽകിയവരാണ്​. സൗമ്യയെയും ഇവരെയും ഒപ്പമിരുത്തിയും പലവട്ടം ചോദ്യംചെയ്​തു. അതിനിടെ, കൊല്ലപ്പെട്ട മൂന്നുപേരെയും ചികിത്സിച്ച ആശുപത്രികൾ കേന്ദ്രീകരിച്ചും അന്വേഷണം നടത്തുമെന്ന്​ ടൗൺ സി.​െഎ കെ.ഇ. പ്രേമചന്ദ്രൻ പറഞ്ഞു. 

സൗമ്യയെ തെളിവെടുപ്പിനായി പിണറായിയിലെ വീട്ടില്‍ കൊണ്ടുവന്നപ്പോൾ

 

സൗമ്യയുടെ മുൻ ഭർത്താവിനെ തേടി അന്വേഷണസംഘം കൊടുങ്ങല്ലൂരിലേക്ക്​
തലശ്ശേരി: മാതാപിതാക്കളെയും മകളെയും വിഷം നൽകി കൊലപ്പെടുത്തിയ കേസിൽ അറസ്​റ്റിലായ പടന്നക്കരയിലെ വണ്ണത്താൻ വീട്ടിൽ സൗമ്യയുടെ രണ്ടാമത്തെ മകൾ കീർത്തനയുടെ (ഒന്നര) മരണത്തി​​​​െൻറ രഹസ്യം ഇനിയും ചുരുളഴിഞ്ഞില്ല. ശാസ്​ത്രീയതെളിവില്ലാത്തതാണ്​ കുട്ടിയുടെ മരണം സ്വാഭാവികമെന്ന നിഗമനത്തിലേക്ക്​ അന്വേഷണസംഘത്തെ എത്തിക്കുന്നത്​. സൗമ്യയുടെ മൂത്തമകൾ ​െഎശ്വര്യയുടെ മരണം കൊലപാതകമാണെന്ന്​ തെളിഞ്ഞ സാഹചര്യത്തിൽ കീർത്തനയുടെ മരണവും സംശയത്തി​​​​െൻറ നിഴലിലാണ്​. ഇൗ സാഹചര്യത്തിൽ സൗമ്യയുടെ മുൻ ഭർത്താവ്​ കിഷോറിനെ ചോദ്യം ചെയ്യാനൊരുങ്ങുകയാണ്​ അന്വേഷണസംഘം. 

2012ൽ കീർത്തന മരിക്കു​േമ്പാൾ കിഷോർ സൗമ്യയുടെ കൂടെയുണ്ടായിരുന്നു. കിഷോറിനെ ചോദ്യം ചെയ്യുന്നതിലൂടെ കീർത്തന മരിച്ചതിലെ സത്യാവസ്ഥ പുറത്തുകൊണ്ടുവരാൻ കഴിയുമെന്നും അന്വേഷണസംഘം കരുതുന്നുണ്ട്​. ഇതിനായി കിഷോറിനെ തേടി അന്വേഷണസംഘം കൊടുങ്ങല്ലൂരിലേക്ക്​ പുറപ്പെട്ടു. കോട്ടയം സ്വദേശിയായ കിഷോറി​​​​െൻറ മൊബൈൽ ഫോൺ ഏതാനും ദിവസമായി സ്വിച്ച്​ഒാഫായിരുന്നു. വ്യാഴാഴ്​ചയാണ്​ ഇയാൾ കൊടുങ്ങല്ലൂരിൽ ഉണ്ടെന്ന്​ തിരിച്ചറിഞ്ഞത്​. 

ഭർത്താവിൽനിന്ന്​ ക്രൂരപീഡനം ഏൽക്കേണ്ടിവന്നതായി സൗമ്യ അന്വേഷണസംഘത്തിന്​ മൊഴിനൽകിയിരുന്നു. രണ്ടാമത്തെ കുഞ്ഞിനെ ഗര്‍ഭം ധരിച്ചപ്പോള്‍ ഇയാള്‍ വിഷം നല്‍കി കൊലപ്പെടുത്താന്‍ ശ്രമിച്ചതായും സൗമ്യ മൊഴിനല്‍കിയിട്ടുണ്ട്. അക്കാലത്തൊന്നും തനിക്ക്​ വഴിവിട്ട ബന്ധമുണ്ടായിരുന്നില്ലെന്ന മൊഴിയും സൗമ്യ നൽകിയിരുന്നു. കുറച്ചുകാലം കഴിഞ്ഞപ്പോൾ ഭർത്താവ്​ ഉപേക്ഷിച്ചുപോയി. തുടർന്ന്​ പടന്നക്കരയിലെ സ്വന്തം വീട്ടിലേക്ക്​ മടങ്ങിയ സൗമ്യക്ക്​ വരുമാനമൊന്നും ഉണ്ടായിരുന്നില്ല. അതിനിടയിലാണ്​ വഴിവിട്ടനിലയിൽ ജീവിക്കാൻ തുടങ്ങിയത്​. ഇരിട്ടിയിലെയും തലശ്ശേരിയിലെയും ചില ഏജൻറുമാരാണ്​ ഇതിന്​ സഹായം നൽകിയതെന്നും അന്വേഷണസംഘം കണ്ടെത്തിയിട്ടുണ്ട്​.

വരുമാനമുണ്ടാക്കുന്നതിനായി സൗമ്യയെ മറ്റൊരു വഴിയിലേക്ക്​ തിരിച്ചുവിട്ടത് ഇവരുമായുള്ള ബന്ധമാണ്​​. ഇതി​​​​െൻറ ഭാഗമായി​ പടന്നക്കരയിലെ വീട്ടിൽ രാത്രിയിലും മറ്റും പലരും വരാൻ തുടങ്ങി​. ഇതുകണ്ട മൂത്തമകൾ സംഭവം പുറത്തുപറയുമെന്ന ഭയമാണ്​ കുട്ടിയെ കൊല്ലുന്നതിലേക്ക്​ നയിച്ചത്​. ത​​​​െൻറ വഴിവിട്ട ബന്ധങ്ങൾക്ക്​ മാതാപിതാക്കൾകൂടി തടസ്സമാകുമെന്ന്​ കണ്ടതോടെ അവരെയും കൊലപ്പെടുത്താൻ തീരുമാനിക്കുകയായിരുന്നു. 

കൊല്ലത്തുനിന്ന്​ ഒതളങ്ങ കൊണ്ടുവരാൻ ശ്രമിച്ചു; നടക്കാതെവന്നതോടെ​ എലിവിഷത്തിലേക്ക്​ മാറി
തലശ്ശേരി: ഒതളങ്ങ ഉപയോഗിച്ച്​ മനുഷ്യരെ കൊല്ലാമെന്ന്​ പടന്നക്കരയിലെ സൗമ്യയെ ഉ​പദേശിച്ചത്​ ആരെന്നറിയില്ല. പ​േക്ഷ, സൗമ്യക്ക്​ അതറിയാമായിരുന്നുവെന്ന്​ വ്യക്തം. അതുകൊണ്ടാകണം​ ​െകാല്ലത്ത്​ സഹോദരിയുടെ വീട്ടിൽ പോയപ്പോൾ ഒതളങ്ങ കിട്ടുമോയെന്ന്​ അന്വേഷിച്ചത്. എന്നാൽ, അവിടെനിന്ന്​ ഒതളങ്ങ കൊണ്ടുവരാനായില്ല. ആ ശ്രമം പരാജയപ്പെട്ടപ്പോഴാണ്​ എലിവിഷത്തിലേക്ക്​ ചിന്ത വഴിതിരിഞ്ഞത്​. ഒതളങ്ങ കൊണ്ടുവരാന്‍ പറ്റാത്തതിനെ തുടര്‍ന്നാണ് എലിവിഷം ഉപയോഗിച്ച് കൃത്യം നടത്തിയതെന്ന്​ സൗമ്യ പൊലീസിന് മൊഴിനൽകിയിരുന്നു. 

പിതാവ്​ വണ്ണത്താൻ വീട്ടിൽ കുഞ്ഞിക്കണ്ണൻ (76), മാതാവ്​ കമല (65) എന്നിവർക്ക്് ഭക്ഷണത്തിൽ വിഷംകലർത്തിനൽകി കൊലപ്പെടുത്തിയ കേസിൽ ചൊവ്വാഴ്ചയാണ്​ സൗമ്യയെ പൊലീസ്​ അറസ്​റ്റ് ചെയ്തത്. ബുധനാഴ്​ച വൈകീട്ട്​ കോടതിയില്‍ ഹാജരാക്കിയ സൗമ്യയെ ശനിയാഴ്​ച വൈകീട്ട്​ അഞ്ചുവരെയാണ് പൊലീസ് കസ്​റ്റഡിയില്‍ വിട്ടിട്ടുള്ളത്​. മകൾ ഐശ്വര്യയെ (എട്ട്​) വിഷം നല്‍കി കൊലപ്പെടുത്തിയ സംഭവത്തിൽ കോടതിയുടെ അനുമതിലഭിക്കുന്ന മുറക്ക്​ അറസ്​റ്റ്​ രേഖപ്പെടുത്തും. എലിവിഷത്തി​​​​െൻറ പാക്കറ്റ്​ കത്തിച്ച ചാരവും വിഷം നൽകാൻ ഉപയോഗിച്ച പാത്രവും പടന്നക്കരയിലെ വീട്ടിൽ നടത്തിയ തെളിവെടുപ്പിനിടെ പൊലീസ്​ കണ്ടെത്തിയിരുന്നു. പൊലീസ്​ കസ്​റ്റഡിയിൽ വിട്ട സൗമ്യയെ തലശ്ശേരി ടൗണ്‍ സ്‌റ്റേഷനിലെ വനിത റൂമില്‍ കനത്ത കാവലിലാണ്​ പാർപ്പിച്ചിട്ടുള്ളത്​. ആറു​ വനിത പൊലീസുകാർവീതം രാവും പകലും കാവലുണ്ട്​.

സൗമ്യ മുഖ്യമന്ത്രിയുടെ ധനസഹായത്തിന് നൽകിയ അപേക്ഷ മടക്കി
തലശ്ശേരി: മാതാപിതാക്കളും മക്കളും മരിച്ച തനിക്ക് ധനസഹായം അനുവദിക്കണമെന്നാവശ്യപ്പെട്ട് സൗമ്യ മുഖ്യമന്ത്രിക്ക് നൽകിയ അപേക്ഷ തലശ്ശേരി താലൂക്ക്​ ഒാഫിസിൽനിന്ന്​ തിരിച്ചയച്ചു. ഈ അപേക്ഷ കഴിഞ്ഞദിവസമാണ് പരിശോധനക്കായി തലശ്ശേരി താലൂക്ക്​ ഒാഫിസിൽ എത്തിയത്​. എന്നാൽ, അപേക്ഷ നൽകിയ സൗമ്യ കൊലക്കേസിൽ അറസ്​റ്റിലായ സാഹചര്യത്തിൽ അപേക്ഷ തള്ളാനുള്ള ശിപാര്‍ശയോടെ തിരിച്ചയക്കുകയായിരുന്നു.