ആരോപണങ്ങൾക്ക്​ ഉറപ്പുവേണം; ബഹളംവെച്ച്​ നശിപ്പിക്കരുത് -ചെന്നിത്തലയോട്​​ മുഖ്യമന്ത്രി

തിരുവനന്തപുരം: ഉന്നയിക്കുന്ന ആരോപണങ്ങൾക്ക്​ ചെറുതായെങ്കിലും ഉറപ്പുവേണമെന്ന്​ പ്രതിപക്ഷ നേതാവ്​ ​രമേശ്​ ചെന്നിത്തലയോട്​​ മുഖ്യമന്ത്രി പിണറായി വിജയൻ. ഇലട്രിക്​ ബസ്​ പദ്ധതിയുമായി ബന്ധപ്പെട്ട ആരോപണങ്ങൾക്ക്​ മറുപടി നൽകുകയായിരുന്നു ​അദ്ദേഹം.
 
ഒരു പദ്ധതിയിലും തെറ്റായ ഒരു കാര്യവും നടന്നിട്ടില്ല, നടക്കുകയുമില്ല. ഏതെങ്കിലും ആക്ഷേപങ്ങൾ കേ​ട്ടതുകൊണ്ട്​ കേരളത്തി ​െ ൻറ ഭാവിക്ക്​ ആവശ്യമായ പദ്ധതികൾ ഉപേക്ഷിക്കാനും പോകുന്നില്ല. ഇലക്​ട്രിക്​ ബസ്​ നിർമാണത്തിനുള്ള പദ്ധതി കേരളത്തിൽ നിന്ന്​ മാറ്റാൻ ചില ശ്രമങ്ങൾ നടക്കുന്നുണ്ട്​. അത്തരം ശ്രമങ്ങൾക്ക്​ പ്രതിപക്ഷ നേതാവ്​ വളംവെച്ചുകൊടുക്കരുത്​.

കേരളത്തെ വൈദ്യുത വാഹന നിർമാണത്തി​​െൻറ ഹബ്ബാക്കി മാറ്റുകയെന്നതാണ്​ ലക്ഷ്യം. ഗതാഗത മേഖലയെ പരിസ്​ഥിതി സൗഹൃദമാക്കണം. കേരളത്തിലുള്ളവർക്ക്​ തന്നെ തൊഴിൽ സാധ്യതയും വളർത്തണം. എല്ലാ നടപടികളും പാലിച്ചു മാത്രമെ അന്തിമ തീരുമാനങ്ങളുണ്ടാവൂ. ബഹളംവെച്ച്​ അതിനെ നശിപ്പിക്കരുത്​.  കേരളത്തിൽ നിന്ന്​ പദ്ധതി ഇല്ലാതാക്കാൻ ശ്രമിക്കുന്ന കുബുദ്ധികൾക്ക്​ പിന്നാലെ ഓടാനും സമയമില്ല. 

പ്രതിപക്ഷ നേതാവ്​ ഉത്തരവാദപ്പെട്ട സ്​ഥാനത്തിരിക്കുന്ന ആളാണ്​. ഒരു കാര്യം മാത്രമെ അദ്ദേഹത്തോട്​ പറയാനുള്ളൂ. ആ സ്​ഥാനത്തിരിക്കുന്നുവെന്ന കാര്യം അദ്ദേഹം ആദ്യം മനസിലാക്കണം. ചീഫ്​ സെക്രട്ടറിയുടെ അടുത്തേക്ക്​ ആ ഫയൽ തനിയേ നടന്നു പോയതല്ല. അതിൽ മുഖ്യ മന്ത്രി ഒരു കാര്യം എഴുതിയിട്ടുണ്ട്​. ഫയലിൽ തീരുമാനമാവുന്നതിനു മുമ്പ്​ ചീഫ്​ സെക്രട്ടറി അതു പരിശോധിക്കണമെന്നാണത്​​. എന്തിനാണ്​ പ്രതിപക്ഷ നേതാവ്​ അതു മറച്ചു വെച്ചത്​. ഫയലി​െ ൻറ ഒരു ഭാഗം മാത്രം കണ്ടാൽ പോര- മുഖ്യമന്ത്രി പറഞ്ഞു.