Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightഇനി പെട്ടിമുടിയിൽ വേല...

ഇനി പെട്ടിമുടിയിൽ വേല സെയ്യമുടിയാത്​; നൊമ്പരംപേറി അവർ മടങ്ങി

text_fields
bookmark_border
ഇനി പെട്ടിമുടിയിൽ വേല സെയ്യമുടിയാത്​; നൊമ്പരംപേറി അവർ മടങ്ങി
cancel
camera_alt

പെട്ടിമുടിയിൽ മണ്ണ്​ മൂടിയ ലയങ്ങളിൽനിന്ന്​ വീട്ടുസാധനങ്ങളുമായി മടങ്ങുന്നവർ

തൊടുപുഴ: 'ഇനി പെട്ടിമുടിയിൽ ഇരിക്ക മുടിയാത്​, വേല സെയ്യമുടിയാത്​'. മണ്ണ്​ മൂടിക്കിടക്കുന്ന ലയങ്ങളിലെ അവശേഷിക്കുന്ന സാധനങ്ങളുമെടുത്ത്​ പെട്ടിമുടിയിൽനിന്ന്​ ഇറങ്ങുകയാണ്​ കാളിയമ്മയെപ്പോലുള്ളവർ. ദുരന്തം നടന്നതിനുശേഷം പെട്ടിമുടിയിലെ അവശേഷിക്കുന്ന ലയങ്ങളിലുള്ളവരെ സമീപത്തെ എസ്​റ്റേറ്റുകളി​​ലേക്കടക്കം മാറ്റുകയായിരുന്നു. വീടുകളി​ലെ അവശേഷിക്കുന്ന സാധനങ്ങൾ എടുക്കാനാണ്​ ഇവർ ഒരിക്കൽകൂടി പെട്ടിമുടി കയറിയെത്തിയത്​​.

നാ​ലുത​ല​മു​റ​യു​ടെ പാ​ര​മ്പര്യവുമായി പെട്ടിമുടിയുടെ മണ്ണിൽ വേ​രു​റ​പ്പി​ച്ചവരായിരുന്നു ഇവർ. അപ്രതീക്ഷിതമായി ഇരുളി​െൻറ മറവിൽ എത്തിയ ദുരന്തം വേണ്ടപ്പെട്ടവരെയും ക​വ​ർ​ന്നെ​ടു​ത്തതി​െൻറ വേ​ദ​നനി​റ​ഞ്ഞ ഓ​ർ​മ​ക​ളായിരുന്നു. എത്തിയവരിൽ ചിലർ തങ്ങളുടെ ബന്ധുക്കളുടെയും സുഹൃത്തുക്കളുടെയും ഓർമകൾ കണ്ണീരോടെ പങ്കുവെച്ചു. പെ​ട്ടി​മു​ടി​യോ​ടു​ചേ​ർ​ന്ന രാ​ജ​മ​ല​യി​ലാ​ണ് ഏ​റെ​പ്പേ​രെ​യും പാ​ർ​പ്പി​ച്ചി​ട്ടു​ള്ള​ത്. അ​തേ​സ​മ​യം, വി​ദൂ​ര​ത്തി​ലു​ള്ള മ​റ്റ് എ​സ്​റ്റേറ്റു​ക​ളി​ലേ​ക്ക് ചി​ല​ർ മാ​റി​യി​ട്ടു​ണ്ട്.

ന​യ​മ​ക്കാ​ട്, ക​ട​ലാ​ർ, ക​ന്നി​മ​ല, അ​രു​വി​ക്കാ​ട് എ​ന്നി​വി​ട​ങ്ങ​ളി​ലേ​ക്ക്​ തൊ​ഴി​ലാ​ളി​ക​ൾ മാ​റി. മ​റ്റി​ട​ങ്ങ​ളി​ൽ വീ​ട് ല​ഭി​ച്ച തൊ​ഴി​ലാ​ളി​ക​ൾ അ​തേ എ​സ്​റ്റേറ്റു​ക​ളി​ൽ ജോ​ലി​ക്കുപോ​കു​ന്ന വി​ധ​ത്തി​ലാ​ണ് ക്ര​മീ​ക​ര​ണ​ം ഒരുക്കിയിട്ടുള്ളത്​. ഇതിനിടയാണ്​ കാളിയമ്മയടക്കമുള്ളവർ തങ്ങളുടെ വീടുകളിലെ എന്തെങ്കിലും അവശേഷിക്കുന്നു​ണ്ടോയെന്നറിയാൻ എത്തിയത്​.

നാലു ലയങ്ങളാണ്​ ഉരുൾ​െപാട്ടലിൽ തകർന്നത്​. ബാക്കിയുള്ളവ മണ്ണ്​ മൂടിയും പാതി തകർന്നും ദുരന്ത അവശേഷിപ്പുകളായി നിൽക്കുന്നു. അവശേഷിച്ചവയുമെടുത്ത്​ തിരികെ മടങ്ങു​േമ്പാൾ ഉരുൾ​െപാട്ടലിൽ കാണാതായ അഞ്ചുപേർക്കായി തിരച്ചിൽ തുടരണമെന്നാണ്​​ ഇവരുടെ ആവശ്യം.

Show Full Article
TAGS:pettimudi tragedy kerala land slide job estate worker 
Next Story