പ്രവാസികൾക്ക് കോവിഡ് വാക്‌സിനേഷനിൽ മുൻഗണന ആവശ്യപ്പെട്ട്​ ഹരജി

കൊച്ചി: വിദേശത്തേക്ക്​ മടങ്ങുന്ന പ്രവാസികൾക്ക് കോവിഡ് വാക്‌സിനേഷനിൽ മുൻഗണന നൽകണമെന്നാവശ്യപ്പെട്ട് ഹൈകോടതിയിൽ ഹരജി.

നാട്ടിലേക്ക് മടങ്ങിയ പ്രവാസികളിലേറെയും തിരിച്ചുപോകാൻ തയാറെടുക്കുന്ന സാഹചര്യത്തിൽ വാക്സിൻ ലഭ്യമാക്കുന്നതിൽ മുൻഗണന നൽകണമെന്നാവശ്യപ്പെട്ട്​ പ്രവാസി ലീഗൽ സെൽ പ്രസിഡൻറ്​ ജോസ് എബ്രഹാമാണ്​ ഹരജി നൽകിയത്.

വാക്സിൻ വിതരണത്തിൽ പ്രവാസികൾക്ക് മുൻഗണനയില്ലാത്തതിനാൽ രണ്ടുഡോസും ലഭിക്കാൻ ഏറെ സമയമെടുക്കും. കേന്ദ്ര-സംസ്ഥാന സർക്കാറുകൾക്ക് നിവേദനം നൽകിയെങ്കിലും നടപടിയുണ്ടായില്ലെന്ന്​ ഹരജിയിൽ പറയുന്നു.