സംസ്ഥാനത്തെ നദികളില്‍നിന്ന്​ വീണ്ടും മണല്‍വാരാൻ അനുമതി

തി​രു​വ​ന​ന്ത​പു​രം: സം​സ്ഥാ​ന​ത്തെ ന​ദി​ക​ളി​ല്‍നി​ന്ന്​ മ​ണ​ല്‍വാ​രാ​ന്‍ അ​നു​മ​തി ന​ല്‍കി സ​ര്‍ക്കാ​ര്‍. 10 വ​ര്‍ഷ​മാ​യി നി​ര്‍ത്തി​വെ​ച്ചി​രു​ന്ന മ​ണ​ല്‍വാ​ര​ലി​നാ​ണ് അ​നു​മ​തി ന​ല്‍കി റ​വ​ന്യൂ വ​കു​പ്പ് ഉ​ത്ത​ര​വി​റ​ക്കി​യ​ത്. കേ​ന്ദ്ര വ​നം-​പ​രി​സ്ഥി​തി മ​ന്ത്രാ​ല​യം, കാ​ലാ​വ​സ്ഥ വ്യ​തി​യാ​ന മ​ന്ത്രാ​ല​യ​ത്തി​ന്റെ വി​ജ്ഞാ​പ​ന​ങ്ങ​ള്‍, മാ​ര്‍ഗ​നി​ര്‍ദേ​ശ​ങ്ങ​ള്‍, സു​പ്രീം​കോ​ട​തി, ദേ​ശീ​യ ഹ​രി​ത ട്രൈ​ബ്യൂ​ണ​ല്‍ വി​ധി​ക​ള്‍ എ​ന്നി​വ​യു​ടെ അ​ടി​സ്ഥാ​ന​ത്തി​ല്‍ ത​യാ​റാ​ക്കി​യ സ്റ്റാ​ന്‍ഡേ​ര്‍ഡ് ഓ​പ​റേ​റ്റി​ങ്​ പ്രൊ​സീ​ജ്യ​റി​ന്റെ അ​ടി​സ്ഥാ​ന​ത്തി​ലാ​ണ് അ​നു​മ​തി.

ഓ​രോ ജി​ല്ല​യി​ലേ​യും ന​ദി​ക​ളി​ലെ മ​ണ​ലി​ന്റെ അ​ള​വ്, വാ​രി​മാ​റ്റേ​ണ്ട മ​ണ​ല്‍ ശേ​ഖ​രം തു​ട​ങ്ങി​യ ഘ​ട​ക​ങ്ങ​ളു​ടെ അ​ടി​സ്ഥാ​വ​ത്തി​ല്‍ ജി​ല്ല സ​ര്‍വേ റി​പ്പോ​ര്‍ട്ട് ത​യാ​റാ​ക്ക​ണം. നാ​ഷ​ന​ല്‍ അ​ക്ര​ഡി​റ്റേ​ഷ​ന്‍ ബോ​ര്‍ഡ് ഓ​ഫ് എ​ജു​ക്കേ​ഷ​ന്‍ ആ​ന്‍ഡ് ട്രെ​യി​നി​ങ്​ (നാ​ബെ​റ്റ്) അ​ല്ലെ​ങ്കി​ല്‍ ക്വാ​ളി​റ്റി ക​ണ്‍ട്രോ​ള്‍ ഓ​ഫ് ഇ​ന്ത്യ അം​ഗീ​ക​രി​ച്ച ക​ണ്‍സ​ള്‍ട്ട​ന്റാ​വ​ണം മ​ണ​ല്‍ ല​ഭ്യ​ത സം​ബ​ന്ധി​ച്ച ജി​ല്ല സ​ര്‍വേ റി​പ്പോ​ര്‍ട്ട് ത​യാ​റാ​ക്കേ​ണ്ട​ത്. ഇ​തി​ന്റെ അ​ടി​സ്ഥാ​ന​ത്തി​ലാ​ക​ണം മ​ണ​ല്‍ വാ​ര​ലി​ന് പാ​രി​സ്ഥി​തി​ക അ​നു​മ​തി ന​ല്‍കേ​ണ്ട​ത്.

പാ​രി​സ്ഥി​തി​ക അ​നു​മ​തി​യു​ടെ അ​ടി​സ്ഥാ​ന​ത്തി​ല്‍ അ​ക്ര​ഡി​റ്റ​ഡ് ഏ​ജ​ന്‍സി​യാ​യ സി.​എ​സ്‌.​ഐ.​ആ​ര്‍, എ​ൻ.​ഐ.​ഐ.​എ​സ്.​ടി (നാ​ഷ​ന​ൽ ഇ​ൻ​സ്റ്റി​റ്റ്യൂ​ട്ട് ഓ​ഫ് ഇ​ന്റ​ർ​ഡി​സി​പ്ലി​ന​റി സ​യ​ൻ​സ​സ് ആ​ൻ​ഡ് ടെ​ക്നോ​ള​ജി) എ​ന്നി​വ​യെ വി​വി​ധ ജി​ല്ല​ക​ളി​ല്‍ ചു​മ​ത​ല​പ്പെ​ടു​ത്തി​യി​രു​ന്നു. ഇ​വ​ര്‍ 11 ജി​ല്ല​ക​ളി​ലെ ക​ര​ട് റി​പ്പോ​ര്‍ട്ട് സ​മ​ര്‍പ്പി​ച്ചി​ട്ടു​ണ്ട്. ഇ​തി​ന്റെ അ​ടി​സ്ഥാ​ന​ത്തി​ല്‍ ജി​ല്ല ക​ല​ക്ട​ര്‍മാ​രാ​ണ്​ മ​ണ​ല്‍വാ​രാ​ന്‍ അ​നു​മ​തി ന​ല്‍കേ​ണ്ട​ത്. ഇ​തോ​ടെ സം​സ്ഥാ​ന​ത്ത്​ ന​ദി​ക​ളി​ലെ മ​ണ​ല്‍വാ​ര​ല്‍ വീ​ണ്ടും സ​ജീ​വ​മാ​കും.