അംഗീകാരമില്ലാത്ത സ്കൂളുകളിലെ തുടർപഠനത്തിന് അനുമതി

തിരുവനന്തപുരം: അംഗീകാരമില്ലാത്ത സ്കൂളുകളിൽ ഒന്നു മുതൽ ഒമ്പത് വരെ ക്ലാസുകളിൽ പഠിക്കുന്ന കുട്ടികൾക്ക് തുടർപഠനം സാധ്യമാക്കാൻ സർക്കാർ ഉത്തരവ്. ഇത്തരം വിദ്യാർഥികൾക്ക് അംഗീകാരമുള്ള സ്കൂളുകളിൽ രണ്ടുമുതൽ എട്ടുവരെ ക്ലാസുകളിൽ വിദ്യാഭ്യാസ അവകാശ നിയമപ്രകാരം വയസ്സ് അടിസ്ഥാനത്തിലും ഒമ്പത്, പത്ത് ക്ലാസുകളിൽ വയസ്സിന്‍റെയും പ്രവേശനപരീക്ഷയുടെയും അടിസ്ഥാനത്തിലും 2022- 23 അധ്യയനവർഷം പ്രവേശനം നൽകുന്നതിനാണ് വിദ്യാഭ്യാസ വകുപ്പ് അനുമതി നൽകി ഉത്തരവിറക്കിയത്.