പെരിയ ഇരട്ടക്കൊലപാതകം: പല തവണ മൊഴി തിരുത്തി പീതാംബര​ൻ

കാസർകോട്​: പെരിയയിൽ യൂത്ത്​ കോൺഗ്രസ്​ പ്രവർത്തകരായ കൃപേഷും ശരത്​ ലാലും കൊല്ലപ്പെട്ട സംഭവത്തിൽ അറസ്​റ്റി ലായ സി.പി.എം മുൻ പെരിയ ലോക്കൽ കമ്മിറ്റി അംഗം പീതാംബരൻ പല തവണ മൊഴി തിരുത്തി.

ശരത് ലാലിനേയും കൃപേഷിനേയും കല് ലുകൊണ്ട് ഇടിച്ച് കൊലപ്പെടുത്താന്‍ ശ്രമിച്ചെന്നായിരുന്നു പീതാംബര​​െൻറ ആദ്യമൊഴി. എന്നാൽ പിന്നീട്​ വെട്ടിയത് താനാണെന്ന് മൊഴി തിരുത്തി. വെട്ടിയത് കൂടെയുള്ളവരാണെന്നായിരുന്നു പിന്നീട് നൽകിയ മൊഴി. പല തവണ മൊഴി മാറ്റിയതിനാല്‍ ഇതൊന്നും പൊലീസ് വിശ്വാസത്തിലെടുത്തിട്ടില്ലെന്നാണ് സൂചന.

കസ്റ്റഡിയിലുള്ളവര്‍ സുഹൃത്തുക്കളാണെന്ന മൊഴിയും പൊലീസ്​ വിശ്വാസത്തിലെടുത്തിട്ടില്ല. ഇവർ കൊലപാതകത്തിന് വേണ്ടി ഒരുമിച്ചവരാണെന്നാണ് പൊലീസ് നിഗമനം. പുറത്തുനിന്നുള്ളവരെ പീതാംബരന്‍ ഭയപ്പെടുന്നതായും​ പൊലീസ്​ സംശയിക്കുന്നുണ്ട്​.

അതേസമയം, കേസില്‍ കൂടുതല്‍ അറസ്റ്റ് ഇന്നുണ്ടായേക്കുമെന്നാണ്​ ലഭിക്കുന്ന വിവരം. കൂടുതല്‍ പ്രതികള്‍ സംഭവത്തിൽ ഉള്‍പ്പെട്ടിട്ടുള്ളതായും ഇവരെക്കുറിച്ചുള്ള സൂചനകള്‍ ലഭിച്ചതായും പൊലീസ് പറഞ്ഞു. കൊലപാതകത്തിന് കാരണം രാഷ്ട്രീയവിരോധമെന്നാണ് പൊലീസി​​െൻറ റിമാന്‍ഡ് റിപ്പോര്‍ട്ടിൽ പറഞ്ഞിരിക്കുന്നത്​. കൊലക്ക് പിന്നില്‍ സി.പി.എം പ്രവര്‍ത്തകരാണെന്നും കൊല്ലണമെന്ന ഉദ്ദേശത്തോടെയാണ് കൃപേഷിനെയും ശരത് ലാലിനെയും പ്രതികള്‍ ആക്രമിച്ചതെന്നും റിപ്പോര്‍ട്ടില്‍ പറയുന്നു.