പെ​രി​ങ്ങ​ൽ​ക്കു​ത്തി​ൽ​നി​ന്ന്​ ​വെ​ള്ളം തു​റ​ക്കു​ന്നി​ല്ല; ആ​ശ​ങ്ക​യി​ൽ വി​നോ​ദ​സ​ഞ്ചാ​ര മേ​ഖ​ല

അ​തി​ര​പ്പി​ള്ളി: പെ​രി​ങ്ങ​ൽ​ക്കു​ത്തി​ൽ​നി​ന്ന് വെ​ള്ളം ചാ​ല​ക്കു​ടി​പ്പു​ഴ​യി​ലേ​ക്ക് തു​റ​ന്നു​വി​ടാ​ത്ത​ത് വൈ​ദ്യു​തി ഉ​ൽ​പാ​ദ​നം ആ​വ​ശ്യ​മി​ല്ലാ​ത്ത​തി​നാ​ലെ​ന്ന് പെ​രി​ങ്ങ​ലി​ലെ കെ.​എ​സ്.​ഇ.​ബി അ​ധി​കൃ​ത​ർ. ര​ണ്ട് ജ​ന​റേ​റ്റ​ർ രാ​ത്രി​യി​ൽ അ​ഞ്ചു​മ​ണി​ക്കൂ​റോ​ളം പ്ര​വ​ർ​ത്തി​പ്പി​ക്കു​ക മാ​ത്ര​മാ​ണ് നി​ല​വി​ൽ ചെ​യ്യു​ന്ന​ത്.

അ​തി​നാ​ൽ അ​തി​ര​പ്പി​ള്ളി, വാ​ഴ​ച്ചാ​ൽ വെ​ള്ള​ച്ചാ​ട്ട​ങ്ങ​ൾ വേ​ണ്ട​ത്ര ദൃ​ശ്യ​മാ​കാ​ൻ ആ​വ​ശ്യ​മാ​യ വെ​ള്ളം പു​ഴ​യി​ൽ എ​ത്തു​ന്നി​ല്ല. വൈ​ദ്യു​തി ഉ​ൽ​പാ​ദ​ന​ത്തി​ന്‍റെ കാ​ര്യ​ത്തി​ൽ എ​വി​ടെ​യൊ​ക്കെ ഉ​ൽ​പാ​ദ​നം ന​ട​ത്തേ​ണ്ട​തെ​ന്ന് തീ​രു​മാ​നി​ക്കു​ന്ന​ത് ക​ള​മ​ശ്ശേ​രി​യി​ലാ​ണ്. അ​വ​ർ നി​ർ​ദേ​ശി​ച്ചാ​ൽ മാ​ത്ര​മേ പെ​രി​ങ്ങ​ലി​ൽ​നി​ന്ന് വൈ​ദ്യു​തോ​ൽ​പാ​ദ​ന​ത്തി​ന്‍റെ ഭാ​ഗ​മാ​യി വെ​ള്ളം തു​റ​ന്നു​വി​ടൂ​വെ​ന്ന നി​ല​പാ​ടി​ലാ​ണ​വ​ർ.

എ​ന്നാ​ൽ, ഇ​വി​ടെ വൈ​ദ്യു​തി ഉ​ൽ​പാ​ദ​നം നി​ർ​ത്തു​ന്ന​ത് വി​നോ​ദ​സ​ഞ്ചാ​ര മേ​ഖ​ല​യി​ൽ വ​ലി​യ പ്ര​തി​സ​ന്ധി സൃ​ഷ്ടി​ക്കും. ചാ​ല​ക്കു​ടി​പ്പു​ഴ​യി​ൽ അ​തി​ര​പ്പി​ള്ളി, വാ​ഴ​ച്ചാ​ൽ, തു​മ്പൂ​ർ​മു​ഴി തു​ട​ങ്ങി​യ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ൾ പ്ര​വ​ർ​ത്തി​ക്കു​ന്നു​ണ്ട്. മ​റ്റ് ന​ദി​ക​ളി​ൽ ഇ​ത്ത​രം ആ​വ​ശ്യ​ങ്ങ​ൾ ഇ​ല്ലാ​ത്ത​തി​നാ​ൽ പെ​രി​ങ്ങ​ൽ​ക്കു​ത്തി​ൽ വൈ​ദ്യു​തി ഉ​ൽ​പാ​ദ​നം ന​ട​ത്ത​ണ​മെ​ന്ന​താ​ണ് ആ​വ​ശ്യം. ചാ​ല​ക്കു​ടി​പ്പു​ഴ​യി​ലെ അ​ടി​യ​ന്ത​ര സാ​ഹ​ച​ര്യം പ​രി​ഗ​ണി​ച്ച് സ​ഞ്ചാ​രി​ക​ൾ കൂ​ടു​ത​ൽ എ​ത്തി​ച്ചേ​രു​ന്ന വാ​രാ​ന്ത്യ ദി​വ​സ​ങ്ങ​ളി​ലെ​ങ്കി​ലും പു​ഴ​യി​ലേ​ക്ക് വെ​ള്ളം തു​റ​ന്നു​വി​ട​ണം. വെ​ള്ള​ച്ചാ​ട്ട​ങ്ങ​ളി​ൽ വെ​ള്ള​മി​ല്ലാ​ത്ത​തി​നാ​ൽ വി​നോ​ദ​സ​ഞ്ചാ​രി​ക​ൾ അ​തി​ര​പ്പി​ള്ളി മേ​ഖ​ല​യെ കൈ​​യൊ​ഴി​ഞ്ഞ​ത് ഇ​തി​നെ ആ​ശ്ര​യി​ച്ചു ക​ഴി​യു​ന്ന നൂ​റു​ക​ണ​ക്കി​ന് പേ​രു​ടെ ജീ​വി​തം ദു​രി​ത​മ​യ​മാ​ക്കി​യി​രി​ക്കു​ക​യാ​ണ്. വൈ​ദ്യു​തി​യു​ടെ ആ​വ​ശ്യം മാ​ത്രം നോ​ക്കി പു​ഴ​യൊ​ഴു​ക്ക് നി​ശ്ച​യി​ക്കു​ന്ന രീ​തി ശ​രി​യ​ല്ലെ​ന്നാ​ണ്​ പ​രി​സ്ഥി​തി പ്ര​വ​ർ​ത്ത​ക​രു​ടെ പ്ര​തി​ക​ര​ണം. പു​ഴ​യി​ലെ നീ​രൊ​ഴു​ക്കി​നെ നി​യ​ന്ത്രി​ക്കാ​ൻ കെ.​എ​സ്.​ഇ.​ബി.​എ​ലി​ന് ആ​രും അ​ധി​കാ​രം കൊ​ടു​ത്തി​ട്ടി​ല്ലെ​ന്നും ഇ​വ​ർ വി​മ​ർ​ശി​ക്കു​ന്നു.

ചാ​ല​ക്കു​ടി​പ്പു​ഴ​യി​ലെ നീ​രൊ​ഴു​ക്ക് കു​റ​ഞ്ഞ​തി​നാ​ൽ പെ​രി​ങ്ങ​ൽ​ക്കു​ത്തി​ൽ 16 മെ​ഗാ​വാ​ട്ടി​ന്റെ ജ​ന​റേ​റ്റ​ർ അ​ല്ലെ​ങ്കി​ൽ ഒ​മ്പ​ത്​ മെ​ഗാ​വാ​ട്ടി​ന്റെ ര​ണ്ട് ജ​ന​റേ​റ്റ​ർ നി​ർ​ബ​ന്ധ​മാ​യും പ്ര​വ​ർ​ത്തി​പ്പി​ക്ക​ണ​മെ​ന്നാ​ണ് ഇ​വ​ർ ആ​വ​ശ്യ​പ്പെ​ടു​ന്ന​ത്. വൈ​ദ്യു​തി മ​ന്ത്രി, ടൂ​റി​സം മ​ന്ത്രി, ബോ​ർ​ഡ്‌ ചെ​യ​ർ​മാ​ൻ, ക​ല​ക്ട​ർ തു​ട​ങ്ങി​യ​വ​ർ​ക്ക്​ പ​രാ​തി കൊ​ടു​ക്കാ​ൻ ഒ​രു​ങ്ങു​ക​യാ​ണി​വ​ർ. എ​ന്നി​ട്ടും ന​ട​പ​ടി ഉ​ണ്ടാ​യി​ല്ലെ​ങ്കി​ൽ നി​യ​മ ന​ട​പ​ടി കൈ​ക്കൊ​ള്ളാ​നാ​ണ് പ​രി​സ്ഥി​തി പ്ര​വ​ർ​ത്ത​ക​രു​ടെ നീ​ക്കം.