കോവിഡ് ചികിത്സക്ക്​ പീപ്​ൾസ് ഫൗണ്ടേഷൻ 300 കിടക്കകൾ ഒരുക്കുന്നു

കോ​ഴി​ക്കോ​ട്: കോ​വി​ഡ്​ ക്ര​മാ​തീ​ത​മാ​യി കൂ​ടു​ന്ന സാ​ഹ​ച​ര്യ​ത്തി​ൽ ചി​കി​ത്സ​ക്കാ​യി 300 കി​ട​ക്ക​ക​ൾ ഒ​രു​ക്കാ​ൻ പീ​പ്​​ൾ​സ് ഫൗ​ണ്ടേ​ഷ​ൻ തീ​രു​മാ​നി​ച്ചു. കോ​ഴി​ക്കോ​ട് ഓ​മ​ശ്ശേ​രി ശാ​ന്തി, തൃ​ശ്ശൂ​ർ പെ​രു​മ്പി​ലാ​വ് അ​ൻ​സാ​ർ, ആ​ല​പ്പു​ഴ ഹ​രി​പ്പാ​ട് ഹു​ദ എ​ന്നീ ആ​ശു​പ​ത്രി​ക​ളു​മാ​യും സ​ർ​ക്കാ​ർ സം​വി​ധാ​ന​ങ്ങ​ളു​മാ​യും സ​ഹ​ക​രി​ച്ചാ​യി​രി​ക്കും പ​ദ്ധ​തി. ​

ആ​വ​ശ്യ​മാ​യ കി​ട​ക്ക, റൂം/​വാ​ർ​ഡ്‌ സൗ​ക​ര്യ​ങ്ങ​ൾ, ഓ​ക്സി​ജ​ൻ, വെൻറി​ലേ​റ്റ​ർ ഉ​ൾ​പ്പെ​ടെ​യു​ള്ള എ​ല്ലാ സൗ​ക​ര്യ​ങ്ങ​ളും ഒ​രു​ക്കാ​ൻ ഈ ​ആ​ശു​പ​ത്രി​ക​ളെ പീ​പ്​​ൾ​സ് ഫൗ​ണ്ടേ​ഷ​ൻ സ​ഹാ​യി​ക്കു​മെ​ന്ന്​ ചെ​യ​ർ​മാ​ൻ എം.​കെ. മു​ഹ​മ്മ​ദ​ലി അ​റി​യി​ച്ചു.

എ​ത്തി​ക്ക​ൽ മെ​ഡി​ക്ക​ൽ ഫോ​റം (ഇ.​എം.​എ​ഫ്), ഐ​ഡി​യ​ൽ റി​ലീ​ഫ് വി​ങ് (ഐ.​ആ​ർ.​ഡ​ബ്ല്യു) എ​ന്നീ സ​ന്ന​ദ്ധ സം​ഘ​ട​ന​ക​ളു​മാ​യി സ​ഹ​ക​രി​ച്ച് ഡോ​ക്ട​ർ​മാ​ർ, പാ​രാ​മെ​ഡി​ക്ക​ൽ സ്​​റ്റാ​ഫു​ക​ൾ, വ​ള​ണ്ടി​യ​ർ സേ​വ​ന​ങ്ങ​ൾ ഒ​രു​ക്കും. കോ​വി​ഡ് ബാ​ധി​ച്ച്​ മ​രി​ച്ച നി​ർ​ധ​ന പ്ര​വാ​സി കു​ടും​ബ​ങ്ങ​ളു​ടെ പു​ന​ര​ധി​വാ​സ പ​ദ്ധ​തി 'ത​ണ​ലൊ​രു​ക്കാം ആ​ശ്വാ​സ​മേ​കാം' അ​വ​സാ​ന ഘ​ട്ട​ത്തി​ലാ​ണ്. 63 കു​ടും​ബ​ങ്ങ​ൾ​ക്ക് 2.36 കോ​ടി​യു​ടെ പ​ദ്ധ​തി​യാ​ണ് ന​ട​പ്പാ​ക്കി​യ​ത് -അ​ദ്ദേ​ഹം കൂ​ട്ടി​ച്ചേ​ർ​ത്തു.