വയനാട്ടിൽ കാറിടിച്ച് കാൽനടയാത്രക്കാരി മരിച്ചു

സുൽത്താൻ ബത്തേരി: കാറിടിച്ച് കാൽനടയാത്രക്കാരി മരിച്ചു. അമ്പലവയൽ പഞ്ചായത്ത് മുൻ അംഗം കൊളഗപ്പാറ നെല്ലിക്കാമുറിയിൽ ഷൈല ജോയി (53) ആണ് മരിച്ചത്.

വ്യാഴാഴ്ച ഉച്ചക്ക് 2.45ടെ കൊളഗപ്പാറ കവലക്ക് സമീപമാണ് അപകടം. കൊളഗപാറ കവലയിൽ ഇവർ നടത്തുന്ന സ്ഥാപനം അടച്ച് വീട്ടിലേക്ക് നടന്നു പോകുമ്പോൾ പുറകിൽ നിന്നെത്തിയ കാർ ഇടിക്കുകയായിരുന്നു. ഗുരുതരമായി പരിക്കേറ്റതിനാൽ സംഭവസ്ഥലത്ത് വെച്ചു തന്നെ മരിച്ചു.

ഭർത്താവ്: ജോയി. മക്കൾ: അന്ന ഷെഗൻ, സാറാ ജോയി, മരിയ ജോയി. മരുമകൻ: ഷെഗൻ ജോസഫ്.