Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightLocal Newschevron_rightIdukkichevron_rightമയിലിനെ ചത്തനിലയിൽ...

മയിലിനെ ചത്തനിലയിൽ കണ്ടെത്തി; സംസ്‌കരണം ഔദ്യോഗിക ബഹുമതികളോടെ

text_fields
bookmark_border
peacock death
cancel
camera_alt

 ചത്തനിലയിൽ കണ്ടെത്തിയ മയിൽ

തൊടുപുഴ: നഗരത്തിനു സമീപം മയിലിനെ ചത്തനിലയിൽ കണ്ടെത്തി. ആനക്കൂട് സരസ്വതീ സ്‌കൂളിന് സമീപമുള്ള കിഴക്കേതിൽ കെ.ആർ. ശ്രീവത്സ​​​​െൻറ പറമ്പിലാണ് ഒരുവയസ്സോളം പ്രായമുള്ള ആൺമയിലി​​​​െൻറ ജഡം കണ്ടത്. തിങ്കളാഴ്ചയാണ്​ സംഭവം.

വീട്ടുകാർ വനംവകുപ്പ് ഉദ്യോഗസ്ഥരെ വിവരമറിയിച്ചു. അറക്കുളം സെക്​ഷൻ ഫോറസ്​റ്റ്​ ഓഫിസർ ഇ.ബി. ഷാജുമോ​​​​െൻറ നേതൃത്വത്തിൽ വനംവകുപ്പ് ഉദ്യോഗസ്ഥർ സ്ഥലത്തെത്തി മേൽനടപടി സ്വീകരിച്ചു. ജില്ല മൃഗാശുപത്രിയിലെ സീനിയർ വെറ്ററിനറി സർജൻ വി.ആർ. രാജേഷെത്തി പോസ്​റ്റ്​മോർട്ടം നടത്തി.

തുടർന്ന് വനംവകുപ്പ് ഉദ്യോഗസ്ഥർ മൃതദേഹം ഏറ്റുവാങ്ങി അറക്കുളം സെക്​ഷൻ ഓഫിസിന് സമീപം ഔദ്യോഗിക ബഹുമതികളോടെ സംസ്‌കരിച്ചു. മയിലി​​​​െൻറ ശരീരത്തിൽ പ്രത്യക്ഷത്തിൽ മുറിവുകളില്ല.

ആന്തരിക അവയവങ്ങളുടെ പരിശോധനഫലം വന്നതിനുശേഷമേ മരണകാരണം വ്യക്തമാകുകയുള്ളൂവെന്ന് അധികൃതർ അറിയിച്ചു. ജൂലൈ 27ന് കുഞ്ചിത്തണ്ണി ദേശീയം മൂലക്കടയിലും മയിലിനെ ചത്തനിലയിൽ കണ്ടെത്തിയിരുന്നു.

Show Full Article
TAGS:peacock thodupuzha kerala news 
Next Story