ശബരിമലയെ വിവാദ ഭൂമിയാക്കാൻ ശ്രമിക്കരുത്​ -പി.സി. വിഷ്​ണുനാഥ്​

പന്തളം: ശബരിമലയെ ഒരു വിവാദ ഭൂമിയാക്കാൻ ശ്രമിക്കരുതെന്ന് എ.ഐ.സി.സി ജനറൽ സെക്രട്ടറി പി.സി. വിഷ്ണുനാഥ്. പന്തളം കൊട ്ടാരം നിർവ്വാഹക സംഘം പ്രസിഡൻറ്​ പി.ജി. ശശികുമാര വർമ്മയെ സന്ദർശിച്ച് സംസാരിക്കുവേയാണ്​ വിഷ്​ണുനാഥി​​​​െൻറ പ്രസ്​താവന. നിലവിലെ സാഹചര്യം തരണം ചെയ്യാൻ സർക്കാർ മുൻകൈയെടുത്ത് സർവ്വകക്ഷി യോഗം വിളിക്കണം. ഇതിൽ ആചാര്യരംഗത്തെ പ്രമുഖരെക്കൂടി ഉൾപ്പെടുത്തണമെന്നും വിഷ്​ണുനാഥ്​ പറഞ്ഞു.

നൂറ്റാണ്ടുകൾ പഴക്കമുള്ള ഹൈന്ദവാചാരങ്ങൾ സംരക്ഷിക്കാൻ എല്ലാവരും പ്രതിജ്ഞാ ബന്ധമാണ്. അയ്യപ്പഭക്തരായ യുവതികളാരും മലകയറി ശബരിമലയിൽ എത്തുമെന്ന് പ്രതീക്ഷിക്കുന്നില്ല, ശബരിമലയെ വിവാദമാക്കാൻ ബോധപൂർവ്വമായി ശ്രമിക്കുന്ന വനിതകൾ മാത്രമേ ശബരിമലയിലേക്ക് കടന്നു വരൂ എന്നാണ് കരുതുന്നതെന്നും വിഷ്​ണുനാഥ്​ ആരോപിച്ചു.

ഇതേ സമയം ആചാരലംഘനത്തിനാണ് സംസ്ഥാന സർക്കാർ മുൻകൈയെടുക്കുന്നത്. ഇതി​​​​െൻറ ഭാഗമാണ് പതിനെട്ടാംപടിയിലടക്കം വനിതാ പോലീസിനെ നിയോഗിക്കാനുള്ള നീക്കം. എന്നാൽ വനിതാ പോലീസുകാർ ഈ ആവശ്യം നിരാഹരിക്കുന്നുവെന്നതും ശ്രദ്ധേയമാണ്. മതേതരത്വത്തി​​​​െൻറ പ്രതീകമായ ശബരിമല യുവതി പ്രവേശന വിഷയത്തിൽ ഇതര മത വിഭാഗങ്ങളിൽ നിന്നുണ്ടാകുന്ന പ്രതികരണം സ്വാഗതാർഹമാണ്. എല്ലാവരും ആചാരങ്ങൾ സംരക്ഷിക്കപ്പെടണമെന്ന് ആഗ്രഹിക്കുന്നതി​​​​െൻറ തെളിവാണിതെന്നും വിഷ്ണുനാഥ് പറഞ്ഞു.