Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_right'നടി...

'നടി പീഡനത്തിരയായെങ്കില്‍ അടുത്തദിവസം എങ്ങനെ ഷൂട്ടിങ്ങിന് പോയി'

text_fields
bookmark_border
pc-george
cancel

ആലപ്പുഴ: കൊച്ചിയില്‍ ആക്രമണത്തിനിരയായ നടിയെ  അധിക്ഷേപിച്ച് പി.സി. ജോര്‍ജ് എം.എല്‍.എ. ഡൽഹിയിലെ നിര്‍ഭയ​െയക്കാള്‍ ക്രൂരമായി നടിയെ പീഡിപ്പിച്ചെന്നാണ് പൊലീസ് പറയുന്നത്. അങ്ങനെയെങ്കില്‍ ആ നടി എങ്ങനെയാണ് അടുത്തദിവസം സിനിമയില്‍ അഭിനയിക്കാന്‍ പോയതെന്ന് അദ്ദേഹം പ്രസ്​ ക്ലബിൽ നടത്തിയ വാർത്ത സമ്മേളനത്തിൽ ചോദിച്ചു.

നടി ആക്രമിക്കപ്പെട്ടതിന്​ തെളിവില്ലെന്ന്​ പി.സി. ജോര്‍ജ് പറഞ്ഞു. തെളിവ് നല്‍കാന്‍ താനെങ്ങും പോകില്ല. അന്വേഷണസംഘം ത​​െൻറ മുറിയില്‍ വന്നാല്‍ അറിയാവുന്ന കാര്യങ്ങള്‍ പറയും. പുരുഷന്മാരുമായി സമ്മതത്തോടെ ശരീരം പങ്കിട്ടശേഷം ബലാത്സംഗം ചെയ്​തെന്ന് പറഞ്ഞ് കേസ് കൊടുക്കുന്നത് ശരിയല്ല. പൊലീസ് കാണിക്കുന്നത് ശുദ്ധ മര്യാദകേടാണ്. സര്‍ക്കാറിന് ധൈര്യമുണ്ടെങ്കില്‍ മമ്മൂട്ടിയുടെയും മോഹന്‍ലാലി​​​െൻറയും ഉള്‍പ്പെടെ എല്ലാ നടീനടന്മാരുടെയും സാമ്പത്തിക സ്രോതസ്സ് അന്വേഷിക്കണം. ആക്രമിക്കപ്പെട്ട നടി ഏത് ആശുപത്രിയിലാണ് ചികിത്സ തേടിയത്. പള്‍സര്‍ സുനിയെ വ്യക്തമായി അറിയുകയും ഡ്രൈവറായി വെക്കുകയും ചെയ്ത മുകേഷിനെ എന്തുകൊണ്ടാണ് അറസ്​റ്റ്​ ചെയ്യാത്തതെന്നും ജോര്‍ജ് ചോദിച്ചു.  

മാധ്യമസ്​ഥാപനത്തിൽ മാധ്യമപ്രവർത്തക പീഡിപ്പിക്കപ്പെട്ട സംഭവത്തിലും പി.സി. ജോർജിന്​ വേറിട്ട അഭിപ്രായമായിരുന്നു. വിവാഹിതയായ സ്​ത്രീ സമ്മതത്തോടെ കിടക്ക പങ്കിടുന്നത്​ എങ്ങനെയാണ്​ പീഡനമാകുക. നടന്നത്​ പുരുഷ പീഡനമാണ്​. പുരുഷന്മാരെ സംരക്ഷിക്കുന്ന നിയമവും ഉണ്ടാക്കണമെന്ന്​ അദ്ദേഹം കൂട്ടിച്ചേർത്തു.

 

Show Full Article
TAGS:pc george mla actress attack case actress attack dileep arrest kerala news malayalam news 
News Summary - PC George MLA defaming actress attack-kerala news
Next Story