അടുത്തജന്മത്തിൽ അധകൃതനായി ജനിക്കണം- പി.സി. ജോർജ്​

കണ്ണൂർ: തോമസ്​ ചാണ്ടി എം.എൽ.എ ആയതുപോലും തെറ്റാണെന്നും കൈയേറുന്നവരെ എം.എൽ.എ ആക്കുന്ന ദൗത്യം സി.പി.എം ഏ​റ്റെടുത്തിട്ടുണ്ടോയെന്നും കേരള ജനപക്ഷം ചെയർമാൻ പി.സി. ജോർജ്​ എം.എൽ.എ. ജനപക്ഷം പ്രഥമ ജില്ല സംഘടനാസമ്മേളനം കണ്ണൂരിൽ ഉദ്​ഘാടനം ചെയ്യുകയായിരുന്നു അദ്ദേഹം. എം.എൽ.എ ആയപ്പോൾ ഒന്നും പറയാതിരുന്നവർ മന്ത്രി ആയപ്പോഴാണ്​ കുറ്റം കണ്ടുപിടിക്കുന്നത്​. കേരള സർവകലാശാലയുടെ സ്ഥലം ​ൈകയേറി സ്ഥാപിച്ച എ.കെ.ജി സ​െൻററിലിരുന്നാണ്​ കോടിയേരി ബാലകൃഷ്​ണൻ കൈയേറ്റത്തിനെതിരെ സംസാരിക്കുന്ന​െതന്നും പി.സി. ജോർജ്​ കുറ്റ​െപ്പടുത്തി. 

അടുത്തജന്മത്തിൽ ബ്രാഹ്മണനായി ജനിക്കണമെന്നാണ്​ സുരേഷ്​ ഗോപി എം.പി ആഗ്രഹംപ്രകടിപ്പിച്ചത്​. അധകൃതനായി ജനിക്കണേ എന്നാണ്​ ത​​െൻറ പ്രാർഥന. അധകൃതരോട്​ മോശമായി പെരുമാറുന്നവരുടെ കരണക്കുറ്റി അടിച്ചുപൊട്ടിക്കുന്ന​െതങ്ങനെയെന്ന്​ ക്ലാസെടുത്തുകൊടുക്കാമായിരുന്നു. ന്യൂനപക്ഷങ്ങൾക്ക്​ എല്ലാ അവകാശ​ങ്ങളോടെയും ഇന്ത്യയിൽ ജീവിക്കണം. ഹിന്ദുയിസം ബി.ജെ.പിയുടെ കുടുംബസ്വത്തല്ല. 60 കൊല്ലത്തിനിടെ കൊച്ചി മെട്രോ അല്ലാതെ ഏതെങ്കിലും വ്യവസായസ്ഥാപനം തുടങ്ങാൻ ഇരുമുന്നണികൾക്കും ആയിട്ടുണ്ടോ എന്നും അദ്ദേഹം ചോദിച്ചു.
കമ്യൂണിസവും കോൺഗ്രസും കേരളത്തിൽ നശിക്കരുതെന്നാണ്​ ജനപക്ഷത്തി​​െൻറ ആഗ്രഹം. മത്സരിച്ച്​ കൊലപാതകം നടത്തിയിരുന്ന സി.പി.എം-ബി.ജെ.പി നേതാക്കൾ വളരെ ​െഎക്യത്തിലാണ്​. ഇനി​യെങ്കിലും നേതൃത്വം കൊലപാതകമവസാനിപ്പിച്ചെന്ന്​ പറയണം -പി.സി. ജോർജ്​ ആവശ്യപ്പെട്ടു.

ഒാടാൻപറ്റാത്തവർ നേതൃസ്ഥാനത്തുണ്ടെങ്കിൽ മാറിക്കോളാൻ പി.സി. പ്രവർത്തകരോട്​ പറഞ്ഞു. സമരം നടത്താൻ ചുറുചുറുക്കുള്ളവരെയാണ്​ ആവശ്യം. മലബാർ മേഖലയോട്​ എന്തുകൊണ്ട്​ നീതിചെയ്​തില്ല എന്ന്​ ഇരുമുന്നണികളും വ്യക്തമാക്കണം. തിരുവനന്തപുരത്തെത്തി സുഖസൗകര്യങ്ങൾ ലഭിച്ച​േപ്പാൾ കണ്ണൂർ സഖാക്കൾ നാട്​ മറന്നുപോയെന്നും പി.സി. ജോർജ്​ പരിഹസിച്ചു.