പി.സി. ജോർജ് വർഗീയത വളർത്താൻ ശ്രമിക്കുന്നു, തടയണമെന്ന് സർക്കാർ

തിരുവനന്തപുരം: മതവിദ്വേഷ പ്രസംഗം നടത്തിയ കേസിൽ പി.സി. ജോർജിന്‍റെ ജാമ്യം റദ്ദാക്കണമെന്നും അല്ലാത്തപക്ഷം അദ്ദേഹത്തിന്‍റെ പ്രസ്താവനകൾ സംസ്ഥാനത്ത് വർഗീയ വിപത്ത് സൃഷ്ടിക്കുമെന്നും സർക്കാർ കോടതിയിൽ. ഉപാധികളോടെ അനുവദിച്ച ജാമ്യം റദ്ദാക്കണമെന്നാവശ്യപ്പെട്ട് സമർപ്പിച്ച ഹരജിയിൽ വാദം നടക്കവെയാണ് പ്രോസിക്യൂഷൻ ഇക്കാര്യം ആവശ്യപ്പെട്ടത്. ജാമ്യ വ്യവസ്ഥകൾ ജോർജ് ലംഘിച്ചെന്നും സർക്കാർ അറിയിച്ചു.

ജാമ്യം നേടിയ ശേഷം ദൃശ്യമാധ്യമങ്ങൾക്ക് മുന്നിലെത്തിയ ജോർജ് പ്രസംഗത്തിൽ ഉറച്ചുനിൽക്കുന്നതായി പറഞ്ഞിരുന്നു. വിദ്വേഷ പ്രസ്‌താവനകൾ പൊതുപരിപാടികളിലും സാമൂഹ മാധ്യമങ്ങളിലും ആവർത്തിച്ചു. ഇതു കോടതിയെയും നിയമ സംവിധാനങ്ങളെയും വെല്ലുവിളിക്കുന്നതാണ്. ഇക്കാരണങ്ങളാൽ ജാമ്യം റദ്ദാക്കണമെന്ന് പ്രോസിക്യൂഷൻ വാദിച്ചു. എന്നാൽ, ജാമ്യം റദ്ദാക്കാതിരിക്കാൻ കാരണം ഉണ്ടെങ്കിൽ ബോധിപ്പിക്കാൻ കോടതി ഒരാഴ്ച സമയം അനുവദിച്ചു.

തിരുവനന്തപുരം ഒന്നാം ക്ലാസ് മജിസ്‌ട്രേറ്റ് കോടതി രണ്ടാണ് കേസ് പരിഗണിക്കുന്നത്. സർക്കാർ അഭിഭാഷകന്‍റെ അഭാവത്തിൽ പ്രതിക്ക് കോടതി ജാമ്യം അനുവദിച്ചത് ഹൈകോടതി സർക്കുലറിന് എതിരാണെന്ന് പ്രോസിക്യൂഷൻ വാദിച്ചു. എന്നാൽ, പിടികിട്ടാപ്പുള്ളിയായി ഒളിവിൽ കഴിയുന്ന പ്രതി കോടതിയിൽ കീഴടങ്ങുമ്പോൾ ജാമ്യം സർക്കാർ ഭാഗം കൂടി പരിഗണിച്ചേ നൽകാവൂവെന്നാണ് ഹൈകോടതി സർക്കുലറിലുള്ളതെന്ന് മജിസ്‌ട്രേറ്റ് വ്യക്തമാക്കി. പാലാരിവട്ടത്തെ ക്ഷേത്രത്തിൽ ജോർജ് വീണ്ടും മതവിദ്വേഷ പ്രസംഗം നടത്തിയെന്നും എഫ്.ഐ.ആർ രജിസ്റ്റർ ചെയ്‌തിട്ടുണ്ടെന്നും പ്രോസിക്യൂഷൻ അറിയിച്ചു. ജോർജ് നടത്തിയ പ്രസംഗങ്ങളുടെ നാല് സീഡികളും പൊലീസ് ഹാജരാക്കി.

ജോർജിന്റെ അറസ്​റ്റ്​ തടയാനാവില്ല –കോടതി

കൊ​ച്ചി: മ​ത​വി​ദ്വേ​ഷം വ​ള​ർ​ത്തു​ന്ന പ്ര​സം​ഗം ന​ട​ത്തി​യ മു​ൻ എം.​എ​ൽ.​എ പി.​സി. ജോ​ർ​ജി​ന്‍റെ അ​റ​സ്​​റ്റ്​ ത​ട​യാ​നാ​വി​ല്ലെ​ന്ന്​ കോ​ട​തി. പി.​സി. ജോ​ർ​ജ്​ ന​ൽ​കി​യ മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ക്ക​വെ​യാ​ണ്​ അ​റ​സ്​​റ്റ്​ ത​ട​യ​ണ​മെ​ന്ന ആ​വ​ശ്യം, എ​റ​ണാ​കു​ളം പ്രി​ൻ​സി​പ്പ​ൽ സെ​ഷ​ൻ​സ്​ കോ​ട​തി നി​ര​സി​ച്ച​ത്. മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ക്കു​ന്ന​ത്​ ഈ​മാ​സം 16ലേ​ക്ക്​ മാ​റ്റി.

വെ​ണ്ണ​ല തൈ​ക്കാ​ട്ട് മ​ഹാ​ദേ​വ ക്ഷേ​ത്ര​ത്തി​ലെ സ​പ്​​താ​ഹ​യ​ജ്ഞ പ​രി​പാ​ടി​യി​ലാ​ണ്​ പി.​സി. ജോ​ർ​ജ്​ മ​ത​വി​ദ്വേ​ഷം വ​ള​ർ​ത്തു​ന്ന രീ​തി​യി​ലു​ള്ള പ​രാ​മ​ർ​ശ​ങ്ങ​ൾ ന​ട​ത്തി​യ​ത്. ഇ​തു​മാ​യി ബ​ന്ധ​പ്പെ​ട്ട്​ പൊ​ലീ​സ്​ കേ​സ്​ ര​ജി​സ്​​റ്റ​ർ ചെ​യ്ത​തോ​ടെ​യാ​ണ്​ മു​ൻ​കൂ​ർ ജാ​മ്യം തേ​ടി​യ​ത്. മു​ൻ​കൂ​ർ ജാ​മ്യാ​പേ​ക്ഷ പ​രി​ഗ​ണി​ക്കു​​മ്പോ​ൾ കേ​സ് ഡ​യ​റി ഹാ​ജ​രാ​ക്കാ​ൻ കോ​ട​തി പ്രോ​സി​ക്യൂ​ഷ​ന്​ നി​ർ​ദേ​ശം ന​ൽ​കി. തി​രു​വ​ന​ന്ത​പു​രം കി​ഴ​ക്കേ​ക്കോ​ട്ട​യി​ലെ വി​ദ്വേ​ഷ പ്ര​സം​ഗ​ത്തി​ന്റെ പേ​രി​ൽ പി.​സി. ജോ​ർ​ജി​നെ​തി​രെ മ​റ്റൊ​രു കേ​സും നി​ല​വി​ലു​ണ്ട്. ഈ ​കേ​സി​ൽ മ​ജി​സ്ട്രേ​റ്റ്​ കോ​ട​തി ജോ​ർ​ജി​ന്​ ജാ​മ്യം അ​നു​വ​ദി​ച്ചി​രു​ന്നു. സ​മു​ദാ​യ സ്പ​ർ​ധ​യു​ണ്ടാ​ക്ക​ൽ, മ​നഃ​പൂ​ർ​വ​മാ​യി മ​ത​വി​കാ​രം വ്ര​ണ​പ്പെ​ടു​ത്ത​ൽ തു​ട​ങ്ങി​യ വ​കു​പ്പു​ക​ളാ​ണ്​ ജോ​ർ​ജി​നെ​തി​രെ കൊ​ച്ചി സി​റ്റി പൊ​ലീ​സ് ചു​മ​ത്തി​യ​ത്.