വെള്ളം നൽകിയ വിദ്യാർഥിക്ക് പൊലീസുകാരുടെ സൈക്കിൾ സമ്മാനം
text_fieldsപഴഞ്ഞി (തൃശൂർ): ജില്ല അതിര്ത്തി പ്രദേശമായ സ്രായിക്കടവ് പാലത്തില് ചുട്ടുപൊള്ളുന്ന വെയിലില് കാവല് നില്ക്കുന്ന പൊലീസുകാര്ക്ക് വെള്ളം നല്കുന്ന വിദ്യാര്ഥിക്ക് പൊലീസ് സമ്മാനിച്ചത് സൈക്കിള്. സ്രായിക്കടവില് വാടകക്ക് താമസിക്കുന്ന കാരംകണ്ടത്തില് മോഹനെൻറ മകന് ഹരേ ശ്യാമിനാണ് പൊലീസുകാര് സമ്മാനമായി സൈക്കിള് നല്കിയത്.
ലോക്ഡൗണ് തുടങ്ങിയതോടെ സ്രായിക്കടവ് പാലത്തില് എല്ലാ ദിവസവും പരിശോധന ശക്തമാണ്. പൊലീസിനോട് കുശലം ചോദിച്ച് സഹായങ്ങള് ചെയ്ത ഹരേ ശ്യാമിെൻറ വലിയ ആഗ്രഹമാണ് പൊലീസ് ഉദ്യോഗസ്ഥര് സാധിച്ചു നൽകിയത്. പഴഞ്ഞി ഗവ. വൊക്കേഷനൽ ഹയർ സെക്കൻഡറി സ്കൂൾ എട്ടാം ക്ലാസ് വിദ്യാര്ഥിയാണ്.
എ.എസ്.ഐ എസ്. പ്രേംജിത്ത്, പൊലീസ് ഉദ്യോഗസ്ഥരായ കെ.എം. വര്ഗീസ്, എസ്. സച്ചു, രതീഷ്, സനീഷ്, അരുണ്, മഹേഷ്, അജയ് എന്നിവര് സൈക്കിൾ കൈമാറി.

Don't miss the exclusive news, Stay updated
Subscribe to our Newsletter
By subscribing you agree to our Terms & Conditions.