ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ല; മേ​പ്പാ​ടി കു​ടും​ബാ​രോ​ഗ്യ കേ​ന്ദ്ര​ത്തി​ൽ രോ​ഗി​ക​ൾ ദു​രി​ത​ത്തി​ൽ

മേ​പ്പാ​ടി: ആ​വ​ശ്യ​ത്തി​ന് ഡോ​ക്ട​ർ​മാ​രി​ല്ലാ​ത്ത​തി​നാ​ൽ മേ​പ്പാ​ടി കു​ടും​ബാ​രോ​ഗ്യ കേ​ന്ദ്ര​ത്തി​ലെ​ത്തു​ന്ന രോ​ഗി​ക​ൾ പ​രി​ശോ​ധ​ന​ക്ക് മ​ണി​ക്കൂ​റു​ക​ളോ​ളം ക്യൂ​വി​ൽ. ഇ​തോ​ടെ രോ​ഗി​ക​ളാ​യെ​ത്തു​ന്ന​വ​രും ആ​ശു​പ​ത്രി അ​ധി​കൃ​ത​രും ത​മ്മി​ൽ വാ​ക്കേ​റ്റ​വും ബ​ഹ​ള​വും പ​തി​വാ​ണ്.

ഡോ​ക്ട​ർ​മാ​രു​ടെ കു​റ​വ് പ​രി​ഹ​രി​ക്ക​ണ​മെ​ന്ന ആ​വ​ശ്യ​ത്തി​ന് വ​ർ​ഷ​ങ്ങ​ളു​ടെ പ​ഴ​ക്ക​മു​ണ്ട്. സാ​മൂ​ഹി​കാ​രോ​ഗ്യ കേ​ന്ദ്രം കു​ടും​ബാ​രോ​ഗ്യ കേ​ന്ദ്ര​മാ​ക്കി മാ​റ്റി​യ​പ്പോ​ഴും ഡോ​ക്ട​ർ​മാ​രു​ടെ ഒ​ഴി​വ് നി​ക​ത്താ​ൻ ന​ട​പ​ടി​യു​ണ്ടാ​യി​ല്ല. സ്പെ​ഷ​ലി​സ്റ്റ് ഡോ​ക്ട​ർ​മാ​ർ ഉ​ണ്ടാ​യി​രു​ന്നി​ല്ല. മെ​ഡി​ക്ക​ൽ ഓ​ഫി​സ​റ​ട​ക്കം മൂ​ന്ന് സ്ഥി​രം ഡോ​ക്ട​ർ​മാ​രാ​ണ് ഇ​വി​ടെ​യു​ള്ള​ത്. ര​ണ്ട് എ​ൻ.​ആ​ർ.​എ​ച്ച്.​എം. ഡോ​ക്ട​ർ​മാ​രു​ണ്ടാ​യി​രു​ന്ന​ത് കോ​വി​ഡി​നു​ശേ​ഷം ഒ​ന്നാ​യി ചു​രു​ങ്ങി.

തോ​ട്ടം തൊ​ഴി​ലാ​ളി​ക​ൾ, സാ​ധാ​ര​ണ​ക്കാ​ർ, ആ​ദി​വാ​സി​ക​ൾ, വ​യോ​ജ​ന​ങ്ങ​ൾ എ​ന്നി​വ​രാ​ണ് ആ​ശു​പ​ത്രി​യെ കൂ​ടു​ത​ലാ​യും ആ​ശ്ര​യി​ക്കു​ന്ന​ത്. ആ​ശു​പ​ത്രി​യി​ലെ​ത്തു​ന്ന രോ​ഗി​ക​ളു​ടെ എ​ണ്ണ​ത്തി​ൽ വ​ലി​യ വ​ർ​ധ​ന​യാ​ണു​ണ്ടാ​യ​ത്. ദി​നം​പ്ര​തി ശ​രാ​ശ​രി 400നും 500​നു​മി​ട​യി​ലാ​ണ് രോ​ഗി​ക​ളു​ടെ എ​ണ്ണം.

മെ​ഡി​ക്ക​ൽ ഓ​ഫി​സ​ർ ഏ​തെ​ങ്കി​ലും യോ​ഗ​ത്തി​ന് പോ​കേ​ണ്ടി​വ​ന്നാ​ൽ ഇ​ത്ര​യും രോ​ഗി​ക​ളെ പ​രി​ശോ​ധി​ക്കാ​ൻ ഒ​ന്നോ ര​ണ്ടോ ഡോ​ക്ട​ർ​മാ​ർ മാ​ത്ര​മേ ഉ​ണ്ടാ​കൂ. രാ​വി​ലെ ഒ​മ്പ​തു മു​ത​ൽ കാ​ത്തു​നി​ന്ന് ക്ഷ​മ​കെ​ട്ട രോ​ഗി​ക​ളും ആ​ശു​പ​ത്രി അ​ധി​കൃ​ത​രും ത​മ്മി​ലു​ള്ള സം​ഘ​ർ​ഷ​ത്തി​ന് ഇ​ത് കാ​ര​ണ​മാ​കാ​റു​ണ്ട്. കാ​ത്തു​നി​ൽ​ക്കു​ന്ന രോ​ഗി​ക​ളെ പ​രി​ഗ​ണി​ക്കാ​തെ ഡ്യൂ​ട്ടി​യി​ലു​ള്ള ചി​ല ഡോ​ക്ട​ർ​മാ​ർ പു​റ​ത്തി​റ​ങ്ങി സ്വ​ന്തം കാ​ര്യ​ങ്ങ​ളി​ൽ മു​ഴു​കി സ​മ​യം ചെ​ല​വ​ഴി​ക്കു​ന്ന​താ​യും ആ​രോ​പ​ണ​മു​യ​ർ​ന്നി​ട്ടു​ണ്ട്.

പ​രാ​തി​പ്പെ​ട്ടാ​ൽ ആ​വ​ശ്യ​ത്തി​ന് ഡോ​ക്ട​ർ​മാ​രെ നി​യ​മി​ക്കാ​ത്ത​തി​നാ​ൽ ത​ങ്ങ​ൾ​ക്കൊ​ന്നും ചെ​യ്യാ​നി​ല്ലെ​ന്ന മ​റു​പ​ടി​യാ​ണ് ചീ​ഫ് മെ​ഡി​ക്ക​ൽ ഓ​ഫി​സ​റി​ൽ​നി​ന്ന് ല​ഭി​ക്കു​ക​യെ​ന്ന് രോ​ഗി​ക​ൾ പ​റ​യു​ന്നു. ബ്ലോ​ക്ക് പ​ഞ്ചാ​യ​ത്തി​നു കീ​ഴി​ലാ​ണ് കു​ടും​ബാ​രോ​ഗ്യ കേ​ന്ദ്രം പ്ര​വ​ർ​ത്തി​ക്കു​ന്ന​ത്. ആ​രോ​ഗ്യ വ​കു​പ്പാ​ണ് നി​യ​മ​നം ന​ട​ത്തേ​ണ്ട​ത്. വ​കു​പ്പി​നു​മേ​ൽ സ​മ്മ​ർ​ദം ചെ​ലു​ത്താ​ൻ ബ്ലോ​ക്ക് പ​ഞ്ചാ​യ​ത്ത്, ഗ്രാ​മ​പ​ഞ്ചാ​യ​ത്ത് ഭ​ര​ണ​സ​മി​തി ഒ​ന്നും ചെ​യ്യു​ന്നി​ല്ലെ​ന്ന് ആ​ക്ഷേ​പ​മു​യ​രു​ന്നു​ണ്ട്.