രോഗിയെ പുഴുവരിച്ച സംഭവം: ഡോക്ടറടക്കം മൂന്നുപേർക്ക് സസ്പെൻഷൻ

തി​രു​വ​ന​ന്ത​പു​രം: മെഡിക്കൽ കോളജിൽ കോ​വി​ഡ് രോ​ഗി​യെ പു​ഴു​വ​രി​ച്ച സം​ഭ​വ​ത്തി​ൽ ഡോക്ടർ ഉൾപ്പടെ മൂ​ന്ന് പേ​ർ​ക്ക് സ​സ്പെ​ൻ​ഷ​ൻ. നോ​ഡ​ൽ ഓ​ഫീ​സ​റാ​യ ഡോ. ​അ​രു​ണ, ഹെ​ഡ് ന​ഴ്സു​മാ​രാ​യ ലീ​ന കു​ഞ്ച​ൻ, കെ.​വി. ര​ജ​നി എ​ന്നി​വ​രെ​യാ​ണ് ആ​രോ​ഗ്യ​വ​കു​പ്പ് സ​സ്പെ​ൻ​ഡ് ചെ​യ്ത​ത്.

മെഡിക്കല്‍ വിദ്യാഭ്യാസ ഓഫീസറുടെ പ്രാഥമിക റിപ്പോര്‍ട്ടിന്‍റെ അടിസ്ഥാനത്തിലാണ് നടപടി. സംഭവത്തെ കുറിച്ച് മെഡിക്കല്‍ വിദ്യാഭ്യാസ ഓഫീസര്‍ വിശദമായി അന്വേഷണം നടത്തും. ഏഴ് ദിവസത്തിനകം റിപ്പോര്‍ട്ട് നല്‍കണമെന്നാണ് നിര്‍ദേശം.

എന്നാല്‍, സംഭവത്തില്‍ യഥാര്‍ത്ഥ ഉത്തരവാദികളെ ഒഴിവാക്കിയാണ് നടപടിയെന്ന വിമര്‍ശനം ഉയര്‍ന്നിട്ടുണ്ട്. ഡോക്ടര്‍മാരുടെയും നഴ്സുമാരുടെയും സംഘടനകള്‍ ഇക്കാര്യത്തില്‍ പ്രതിഷേധം അറിയിച്ചു.

ആഗസ്റ്റ് 21ന് മെഡിക്കല്‍ കോളജില്‍ പ്രവേശിപ്പിച്ച വട്ടിയൂര്‍ക്കാവ് സ്വദേശി അനില്‍കുമാർ ഡിസ്ചാര്‍ജ് ചെയ്ത് വീട്ടിലെത്തിയപ്പോഴാണ് ശരീരത്തില്‍ പുഴുവരിച്ചത് ബന്ധുക്കള്‍ കണ്ടെത്തിയത്. വീ​ഴ്ച​യി​ലേ​റ്റ പ​രി​ക്കു​ക​ളെ തു​ട​ർ​ന്നാ​ണ് ഓ​ഗ​സ്റ്റ് 21ന് ​അ​നി​ൽ​കു​മാ​റി​നെ ആ​ശു​പ​ത്രി​യി​ൽ പ്ര​വേ​ശി​പ്പി​ച്ച​ത്. ചി​കി​ത്സ​യി​ൽ ക​ഴി​യ​വെ കോ​വി​ഡ് സ്ഥി​രീ​ക​രി​ക്കു​ക​യാ​യി​രു​ന്നു.

ബ​ന്ധു​ക്ക​ളോ​ട് നി​രീ​ക്ഷ​ണ​ത്തി​ൽ പോ​കാ​നും അ​ധി​കൃ​ത​ർ നി​ർ​ദേ​ശി​ച്ചു. ക​ഴി​ഞ്ഞ ദി​വ​സ​മാ​ണ് അ​നി​ൽ​കു​മാ​റി​ന് കോ​വി​ഡ് രോ​ഗ​ബാ​ധ നെ​ഗ​റ്റീ​വാ​യ​ത്. ഇ​തേ തു​ട​ർ​ന്ന് അ​ദ്ദേ​ഹ​ത്തെ ഡി​സ്ചാ​ർ​ജ് ചെ​യ്തു. വീ​ട്ടി​ലെ​ത്തി​ച്ച അ​നി​ൽ​കു​മാ​റി​ന്‍റെ ശ​രീ​ര​ത്തി​ൽ​നി​ന്നും ദു​ർ​ഗ​ന്ധം ഉ​ണ്ടാ​യ​തി​നെ തു​ട​ർ​ന്ന് ന​ട​ത്തി​യ പ​രി​ശോ​ധ​ന​യി​ലാ​ണ് ദേ​ഹ​മാ​സ​ക​ലം പു​ഴു​വ​രി​ക്കു​ന്ന​ത് ക​ണ്ട​ത്. തുടര്‍ന്ന് ആരോഗ്യവകുപ്പ് മന്ത്രിക്ക് കുടുംബം പരാതി നല്‍കിയിരുന്നു.