കുന്നംകുളത്ത് കാറും ആംബുലൻസും കൂട്ടിയിടിച്ച് രോഗിക്കും യാത്രികക്കും ദാരുണാന്ത്യം

കു​ന്നം​കു​ളം (തൃ​ശൂ​ർ): കാ​ണി​പ്പ​യ്യൂ​രി​ല്‍ ആം​ബു​ല​ന്‍സും കാ​റും കൂ​ട്ടി​യി​ടി​ച്ച് ര​ണ്ട് പേ​ർ മ​രി​ച്ചു. ആ​റു​​​പേ​ർ​ക്ക് പ​രി​ക്കേ​റ്റു. ആം​ബു​ല​ൻ​സി​ലു​ണ്ടാ​യി​രു​ന്ന രോ​ഗി എ​റ​ണാ​കു​ളം ക​ള​മ​ശ്ശേ​രി​യി​ൽ താ​മ​സി​ക്കു​ന്ന ക​ണ്ണൂ​ർ പ​യ്യ​ന്നൂ​ർ കോ​യാ​ക്കി​ൽ വീ​ട്ടി​ൽ കു​ഞ്ഞി​രാ​മ​ൻ (87), കാ​ർ യാ​ത്രി​ക കൂ​നം​മൂ​ച്ചി കൂ​ത്തൂ​ർ സ്വ​ദേ​ശി ആ​ന്റ​ണി​യു​ടെ ഭാ​ര്യ പു​ഷ്പ (55) എ​ന്നി​വ​രാ​ണ് മ​രി​ച്ച​ത്. റി​ട്ട. എ​ച്ച്.​എം.​ടി ജീ​വ​ന​ക്കാ​ര​നാ​യ കു​ഞ്ഞി​രാ​മ​ൻ ക​ള​മ​ശ​രി ച​ങ്ങ​മ്പു​ഴ ന​ഗ​ർ മാ​നാ​ത്തു​പാ​ടം രോ​ഷ്നി ഭ​വ​നി​ലാ​ണ് താ​മ​സം.

കാ​ണി​പ്പ​യ്യൂ​ര്‍ കു​രി​ശു​പ​ള്ളി​ക്ക് സ​മീ​പം ഞാ​യ​റാ​ഴ്ച ഉ​ച്ച​ക്ക് 3.15ഓ​ടെ​യാ​യി​രു​ന്നു അ​പ​ക​ടം. മ​രി​ച്ച കു​ഞ്ഞി​രാ​മ​ന്റെ മ​ക​ളു​ടെ ഭ​ര്‍ത്താ​വ് ക​ണ്ണൂ​ര്‍ ചെ​റു​കു​ന്ന് കു​റ്റി​യി​ല്‍ ച​ന്ദ്ര​ന്‍ (60), സ​ഹോ​ദ​രി​യു​ടെ മ​ക​ന്‍ വി​നോ​ദ്കു​മാ​ര്‍ രാ​മ​ന്ത​ളി (61), ചെ​റു​കു​ന്ന് സ്വ​ദേ​ശി ഷാ​ജു (46), ആം​ബു​ല​ന്‍സ് ഡ്രൈ​വ​ര്‍ ക​ള​മ​ശ്ശേ​രി കാ​ട്ടി​പ്പ​റ​മ്പി​ല്‍ അ​നീ​ഷ് (40), ന​ഴ്‌​സി​ങ് അ​സി​സ്റ്റ​ന്റ് ക​ള​മ​ശ്ശേ​രി മ​ണ്ട​ക്കാ​ട്ട് വീ​ട്ടി​ല്‍ വി​ബി​ന്‍ (35) എ​ന്നി​വ​രെ പ​രി​ക്കു​ക​ളോ​ടെ കാ​ണി​പ്പ​യ്യൂ​രി​ലെ ആ​ശു​പ​ത്രി​യി​ലും കാ​ർ ഓ​ടി​ച്ചി​രു​ന്ന ആ​ന്റ​ണി​യെ (60) ഗു​രു​ത​രാ​വ​സ്ഥ​യി​ൽ തൃ​ശൂ​ർ അ​മ​ല ആ​ശു​പ​ത്രി​യി​ലും പ്ര​വേ​ശി​പ്പി​ച്ചു.

ക​ള​മ​ശ്ശേ​രി കി​ൻ​ഡ​ർ ആ​ശു​പ​ത്രി​യി​ൽ​നി​ന്ന് രോ​ഗി​യു​മാ​യി ക​ണ്ണൂ​രി​ലേ​ക്ക് പോ​കു​ക​യാ​യി​രു​ന്ന ആം​ബു​ല​ൻ​സും കൂ​നം​മൂ​ച്ചി സ്വ​ദേ​ശി​ക​ളാ​യ ദ​മ്പ​തി​ക​ൾ സ​ഞ്ച​രി​ച്ച കാ​റു​മാ​ണ് അ​പ​ക​ട​ത്തി​ൽ​പ്പെ​ട്ട​ത്. മ​ക​ളു​ടെ കു​ഞ്ഞി​ന്റെ ജ​ന്മ​ദി​നാ​ഘോ​ഷ​ത്തി​ൽ പ​ങ്കെ​ടു​ത്ത് എ​രു​മ​പ്പെ​ട്ടി​യി​ൽ​നി​ന്ന് കൂ​നം​മൂ​ച്ചി​യി​ലേ​ക്ക് വ​രി​ക​യാ​യി​രു​ന്നു കാ​റി​ലു​ണ്ടാ​യി​രു​ന്ന​വ​ർ. ഇ​വ​ർ സ​ഞ്ച​രി​ച്ചി​രു​ന്ന കാ​ർ മു​ന്നി​ലു​ണ്ടാ​യി​രു​ന്ന ഓ​ട്ടോ​റി​ക്ഷ​യെ മ​റി​ക​ട​ക്കാ​ൻ ശ്ര​മി​ക്കു​ന്ന​തി​നി​ടെ എ​തി​ർ​ദി​ശ​യി​ൽ​നി​ന്ന് വ​ന്ന ആം​ബു​ല​ൻ​സി​ൽ ഇ​ടി​ക്കു​ക​യാ​യി​രു​ന്നു.

അ​പ​ക​ട​ത്തെ തു​ട​ര്‍ന്ന് കാ​റി​ലെ ഇ​ന്ധ​ന ടാ​ങ്ക് ത​ക​ര്‍ന്ന് ഡീ​സ​ല്‍ റോ​ഡി​ല്‍ പ​ര​ന്നു. ആം​ബു​ല​ന്‍സി​ല്‍നി​ന്ന് ഓ​ക്‌​സി​ജ​നും ചോ​ര്‍ന്നു. സം​സ്ഥാ​ന പാ​ത​യി​ൽ ഏ​റെ​നേ​രം ഗ​താ​ഗ​തം ത​ട​സ്സ​പ്പെ​ട്ടു. കു​ഞ്ഞി​രാ​മ​ന്റെ സം​സ്കാ​രം തി​ങ്ക​ളാ​ഴ്ച വൈ​കീ​ട്ട് അ​ഞ്ച​ര​ക്ക് ക​ള​മ​ശ്ശേ​രി ന​ഗ​ര​സ​ഭ ശ്മ​ശാ​ന​ത്തി​ൽ ന​ട​ക്കും. ഭാ​ര്യ: ക​ല്യാ​ണി. മ​ക​ൾ: രോ​ഷ്നി. മ​രു​മ​ക​ൻ: ച​ന്ദ്ര​ൻ.