നമ്മൾ ഇതിനെ നേരിട്ടില്ലെങ്കിൽ പിന്നെയാര്​ ചെയ്യാനാ​?

പത്തനംതിട്ട: ജില്ലയിൽ ആദ്യ ​േകാവിഡ്​ പോസിറ്റിവ്​ കേസുകൾ വന്നപ്പോൾ എല്ലാവരും ഭയന്നുപോയി. എന്തുചെയ്യണമെന്ന്​ ഒരു രൂപവുമില്ലായിരുന്നു. എല്ലാവരും മാനസിക സംഘർഷത്തിലായി. എന്നു​െവച്ച്​ പിന്മാറാനുമാവില്ല. നമ്മൾ ഇതിനെ നേരിട്ടില്ലെങ്കിൽ പിന്നെയാര്​ ചെയ്യാനാ? ഈ ചോദ്യം ഞങ്ങളുടെ ടീമിനു മുന്നിൽ ഉയർന്നുവന്നു. നമ്മുടെ ഡ്യൂട്ടിയുടെ ഭാഗമാണിത്​. നമ്മൾ പകച്ചുനിന്നാൽ പിന്നെ ഒന്നും നടക്കില്ല. നമുക്ക്​ ഇതിനെ നേരി​ട്ടേ പറ്റൂ. ആ യാഥാർഥ്യം ഉൾ​െക്കാണ്ട്​ എല്ലാവരും ധൈര്യപൂർവം സജ്ജരാകുകയായിരുന്നു. പത്തനംതിട്ട ജനറൽ ആശുപത്രിയിലെ ഹെഡ്​ നഴ്​സ്​ കെ. മിനി നഴ്​സുമാർ കോവിഡിനെ നേരിട്ട കഥ വിവരിച്ചു.

ജനുവരിയിൽ ആദ്യമായി രോഗം റിപ്പോർട്ട്​ ചെയ്​തപ്പോൾ തന്നെ ഇവിടെ നഴ്​സുമാർക്കും ഡോക്​ടർമാർക്കുമെല്ലാം ഇൗ രോഗം ബാധിച്ചവർ വന്നാൽ എങ്ങനെ കൈകാര്യം ചെയ്യണം എന്ന പരിശീലനം ലഭിച്ചിരുന്നു. പി.പി.ഇ കിറ്റ്​ ധരിക്കുന്നതും ശുചിത്വം പാലിക്കുന്നതും എല്ലാം പരിശീലിപ്പിച്ചിരുന്നു. എന്നിരുന്നാലും ജില്ലയിലും രോഗം എത്തി എന്നുവന്ന​േപ്പാൾ എല്ലാവരും പകച്ചു​േപായി. പക്ഷേ, ആരോഗ്യവകുപ്പി​​െൻറ കൃത്യമായ നിർദേശങ്ങൾ എല്ലാകാര്യത്തിലും ലഭിച്ചുകൊണ്ടിരുന്നു. എല്ലാവരും നമ്മുടെ കൂടെയുണ്ടെന്ന തോന്നൽ. അതായിരുന്നു ഏറ്റവും വലിയ ധൈര്യം.

രോഗികളുടെ ആഹാര അവശിഷ്​ടങ്ങൾ, മെഡിക്കൽ മാലിന്യം, മറ്റ്​ പൊതു മാലിന്യം എന്നിവയെല്ലാം എന്തു ചെയ്യണമെന്ന ആശയക്കുഴപ്പം ഉണ്ടായിരുന്നു. അപ്പോഴേക്കും ഡി.എം.ഒയിൽ നി​െന്നല്ലാം കൃത്യമായ നിർദേശങ്ങൾ ലഭിച്ചു. അതനുസരിച്ച്​ എല്ലാ സ്​റ്റാഫുകൾക്കും പരിശീലനം നൽകി. അതിനുശേഷമാണ്​ എല്ലാവരെയും വാർഡുകളിലേക്ക്​ പോസ്​റ്റുചെയ്​തത്. സുരക്ഷിതത്വം ഉറപ്പാക്കുന്നതിനുള്ള എല്ലാ സാധന സാമഗ്രികളും ആവശ്യത്തിനുണ്ടായിരുന്നു. അതുകൊണ്ട്​ സുരക്ഷ ഉറപ്പാണെന്ന ആത്മവിശ്വാസം എല്ലാവർക്കുമുണ്ടായിരുന്നു.

അതോടൊപ്പം രോഗികളുമായി നേരിട്ട്​ ഐസൊലേഷൻ വാർഡിൽ ഇടപഴകിയവർക്ക്​ ​േരാഗികൾക്ക്​ കൊടുക്കുന്ന അതേ മരുന്നായ ഹൈഡ്രോക്​സി ക്ലോറോക്വിൻ പ്രതിരോധ മരുന്നായും നൽകി. അതോടെ രോഗം ബാധിക്കില്ല എന്ന ധൈര്യം എല്ലാവർക്കും വന്നു. തൃശൂരിൽ ആദ്യമായി രോഗം ബാധിച്ചവരെ പരിചരിച്ച ടീമാണ്​ ഇവിടെയെത്തി എല്ലാവർക്കും പരിശീലനം നൽകിയത്​. അതും ആത്മവിശ്വാസം പകർന്നു. ഉള്ളിൽ ഭയമുള്ളവർക്കെല്ലാം വീണ്ടും പരിശീലനം നൽകി. എല്ലാവരെയും നല്ല മാനസിക ​ൈധര്യത്തോടെയാണ്​ വാർഡുകളിലേക്ക്​ വിട്ടത്​. നിർദേശങ്ങൾ എല്ലാവരും കൃത്യമായി പാലിച്ചതിനാൽ ആർക്കും രോഗബാധയുണ്ടായില്ല. 50 പേരോളമാണ്​ ഷിഫ്​റ്റ്​ അനുസരിച്ച്​ വാർഡുകളിൽ ജോലിചെയ്​തത്​. രണ്ട്​ പേ വാർഡുകളാണ്​ കോവിഡ്​ ചികിത്സക്കായി സജ്ജമാക്കിയത്​. ഒന്നിൽ രോഗം സ്​ഥിരീകരിച്ചവരും മറ്റതിൽ സംശയിക്കുന്നവരെയുമാണ്​ പാർപ്പിച്ചിരുന്നത്​.