നാൽപ്പത്തിയഞ്ച്​ ദിവസത്തിനുശേഷം പത്തനംതിട്ടയിലെ രോഗിയുടെ പരിശോധന ഫലം നെഗറ്റീവ്​

പത്തനംതിട്ട: കോവിഡ്​ ബാധിച്ച്​ ഒന്നരമാസമായി ചികിത്സയിലായിരുന്ന പത്തനംതിട്ടയിലെ 62 കാരിയുടെ പരിശോധന ഫലം നെ ഗറ്റുവായി. തുടർച്ചയായ രണ്ടാമത്തെ പരിശോധന ഫലവും നെഗറ്റീവായതോടെ മെഡിക്കൽ ബോർഡ്​ യോഗം ചേർന്ന ശേഷം ഇവരുടെ ഡി സ്​ചാർജ്​ സംബന്ധിച്ച തീരുമാനം എടുക്കും.

നാൽപത്തിയഞ്ച്​ ദിവസത്തെ ചികിത്സക്ക്​ ശേഷമാണ്​ ഇവരുടെ പരിശോധന ഫലം നെഗറ്റീവാകുന്നത്​. മാർച്ച്​ എട്ടിനാണ്​ പത്തനംതിട്ട വടശേരിക്കര ​സ്വദേശിയെ ആശുപത്രിയിൽ പ്രവേശിപ്പിച്ചത്​. തുടർന്ന്​ മാർച്ച്​ 10ന്​ ഇവർക്ക്​ രോഗം സ്​ഥിരീകരിച്ചു.

കഴിഞ്ഞ തിങ്കളാഴ്​ച മുതൽ ശേഖരിച്ച രക്തസ്രവ സാമ്പിളുകളുടെ പരിശോധന ഫലമാണ്​ തുടർച്ചയായി നെഗറ്റീവായത്​. ഇവരുടെ ആദ്യഘട്ട ചികിത്സയിൽ ഫലം കാണാത്തതിനെ തുടർന്ന്​ ഇവർക്ക്​ ഐവർവെക്​ടിൻ മരുന്ന്​ പരീക്ഷിച്ചിരുന്നു. ഇറ്റലിയിൽനിന്നെത്തിയ റാന്നിയിലെ കുടുംബവുമായി സമ്പർക്കത്തിലേർപ്പെട്ടതിനെ തുടർന്നാണ്​ ഇവർക്ക്​ രോഗബാധ കണ്ടെത്തിയത്​.