എസ്​.ഡി.പി.ഐ വിട്ടുനിൽക്കാൻ ധാരണ; പത്തനംതിട്ട നഗരസഭ എൽ.ഡി.എഫിന്

പത്തനംതിട്ട: ചെയർമാൻ തെരഞ്ഞെടുപ്പിൽനിന്ന്​ എസ്​.ഡി.പി.ഐ വിട്ടുനിൽക്കാൻ ധാരണയായതോടെ പത്തനംതിട്ട നഗരസഭയിൽ ഭരണം എൽ.ഡി.എഫിന് ലഭിക്കും. ആകെ 32 സീറ്റുകളുള്ള നഗരസഭയിൽ യു.ഡി.എഫ്, എൽ.ഡി.എഫ് മുന്നണികൾക്ക് 13 സീറ്റുകൾ വീതമാണുള്ളത്​. എസ്.ഡി.പി.ഐ​ മൂന്നിടങ്ങളിലും മൂന്ന് സ്വതന്ത്രരും വിജയിച്ചു. ഇതിൽ എസ്​.ഡി.പി​.ഐ സ്വ​തന്ത്ര ഉൾപ്പെടെ രണ്ട്​ സ്വതന്ത്രരുടെ പിന്തുണ എൽ.ഡി.എഫിന്​ ലഭിക്കും​.

എസ്.ഡി.പി.ഐ വോട്ടെടുപ്പിൽനിന്ന് വിട്ടു നിൽക്കാൻ ധാരണയായതോടെയാണ് ഭരണം എൽ.ഡി.എഫിന് ലഭിക്കുമെന്ന് ഉറപ്പായത്. സി.പി.എം ജില്ലാ കമ്മിറ്റി അംഗം കൂടിയായ എൽ.ഡി.ഫിലെ ടി. സക്കീർ ഹുസൈനാണ്​ ചെയർമാൻ സ്​ഥാനത്തേക്ക്​ മത്സരിക്കുക. യു.ഡി.എഫ് റെബലായി വിജയിച്ച കെ.ആർ. അജിത്കുമാർ എൽ.ഡി.എഫിന് പരസ്യമായി പിന്തുണ പ്രഖ്യാപിച്ചിരുന്നു. ആദ്യ മൂന്നുവർഷം സക്കീർ ഹുസൈനും ബാക്കിയിള്ള രണ്ടുവർഷം അജിത്കുമാറും ചെയർമാൻമാരാകാൻ എൽ.ഡി.എഫിൽ ധാരണയായെന്ന് അറിയുന്നു.