പിഴ: പാസ്പോർട്ട് അതോറിറ്റിക്ക് അധികാരമില്ലെന്ന് ഹൈകോടതി

കൊ​ച്ചി: അ​പേ​ക്ഷ​യി​ൽ യ​ഥാ​ർ​ഥ വി​വ​ര​ങ്ങ​ൾ മ​റ​ച്ചു​വെ​ക്കു​ക, വ്യാ​ജ​രേ​ഖ സ​മ​ർ​പ്പി​ക്കു​ക തു​ട​ങ്ങി​യ കു​റ്റ​ങ്ങ​ളി​ൽ പി​ഴ ചു​മ​ത്താ​ൻ പാ​സ്‌​പോ​ർ​ട്ട് അ​തോ​റി​റ്റി​ക്ക് അ​ധി​കാ​ര​മി​ല്ലെ​ന്ന് ഹൈ​കോ​ട​തി. 

സി​റ്റി​സ​ൺ​സ് ലീ​ഗ​ൽ റൈ​റ്റ്സ് അ​സോ​സി​യേ​ഷ​ൻ ന​ൽ​കി​യ പൊ​തു​താ​ൽ​പ​ര്യ ഹ​ര​ജി​യി​ലാ​ണ്​  ചീ​ഫ് ജ​സ്​​റ്റി​സ് ഉ​ൾ​പ്പെ​ട്ട ഡി​വി​ഷ​ൻ ബെ​ഞ്ചി​​െൻറ വി​ധി.
അ​പേ​ക്ഷ​ക​ളി​ൽ ത​ട്ടി​പ്പു​ണ്ടെ​ന്ന് ക​ണ്ടെ​ത്തി​യാ​ൽ പാ​സ്പോ​ർ​ട്ട് അ​തോ​റി​റ്റി ന​ൽ​കു​ന്ന പ​രാ​തി​യു​ടെ അ​ടി​സ്ഥാ​ന​ത്തി​ൽ ത​ട​വും പി​ഴ​യും വി​ധി​ക്കാ​നു​ള്ള അ​ധി​കാ​രം ക്രി​മി​ന​ൽ ന​ട​പ​ടി ച​ട്ട​പ്ര​കാ​രം കോ​ട​തി​ക്കാ​ണ്. 

1967ലെ ​പാ​സ്പോ​ർ​ട്ട് നി​യ​മ​ത്തി​ൽ ഇ​ക്കാ​ര്യം വ്യ​ക്ത​മാ​ണ്. എ​ന്നാ​ൽ, ത​ട്ടി​പ്പ്​ ക​ണ്ടെ​ത്തി​യാ​ൽ അ​പേ​ക്ഷ നി​ര​സി​ക്കാ​നും പാ​സ്പോ​ർ​ട്ട് ത​ട​ഞ്ഞു​വെ​ക്കാ​നും റ​ദ്ദാ​ക്കാ​നും അ​തോ​റി​റ്റി​ക്ക് അ​ധി​കാ​ര​മു​ണ്ടെ​ന്ന് ഡി​വി​ഷ​ൻ ബെ​ഞ്ച്​ വ്യ​ക്ത​മാ​ക്കി. 

പി​ഴ ചു​മ​ത്താ​ൻ അ​തോ​റി​റ്റി​ക്ക് അ​ധി​കാ​രം ഇ​ല്ലെ​ന്ന്​ ക​ണ്ടെ​ത്തി​യ സാ​ഹ​ച​ര്യ​ത്തി​ൽ ഇ​തു​വ​രെ ചു​മ​ത്തി​യ പി​ഴ തി​രി​ച്ചു​ന​ൽ​ക​ണ​മെ​ന്ന ഹ​ര​ജി​ക്കാ​രു​ടെ ആ​വ​ശ്യം കോ​ട​തി അ​നു​വ​ദി​ച്ചി​ല്ല.