പാസഞ്ചർ ട്രെയിനുകൾ എക്സ്​പ്രസുകളാക്കാൻ റെയിൽവേ; സ്​റ്റോപ്പുകൾ കുറയും

ചെന്നൈ: പാസഞ്ചർ ട്രെയിനുകൾ എക്സ്​പ്രസുകളാക്കാൻ നീക്കം തുടങ്ങി ഇന്ത്യൻ റെയിൽവേ. 200 കി.മീറ്ററിൽ കൂടുതൽ ദൂരം സഞ്ചരിക്കുന്ന പാസഞ്ചർ ട്രെയിനുകളാണ്​ എക്സ്​പ്രസുകളാക്കി മാറ്റുക. രാജ്യത്താകെ അഞ്ഞൂറിലേറെ വണ്ടികൾ ഉടൻ തന്നെ എക്​സ്​പ്രസ്​ ട്രെയിനുകളാക്കി മാറ്റും. ട്രെയിനുകൾ എക്​സ്​പ്രസുകളാക്കി മാറ്റുന്നതോടെ സ്​റ്റോപ്പുകൾ കുറയുകയും ചാർജ്​ വർധിക്കുകയും ചെയ്​തു. ദ ഹിന്ദു ദിനപത്രമാണ്​ വാർത്ത റിപ്പോർട്ട്​ ചെയ്​തത്​.

കോവിഡിനെ തുടർന്നുള്ള താൽക്കാലിക നടപടിയാണോ അതോ സ്ഥിരമായാണോ പാസഞ്ചർ ട്രെയിനുകൾ റദ്ദാക്കുന്നതെന്ന്​ റെയിൽവേ വ്യക്​തമാക്കിയിട്ടില്ല. ഇക്കാര്യത്തിൽ തീരുമാനമെടുക്കാൻ വിവിധ സോണുകൾക്ക്​ റെയിൽവേ നിർദേശം നൽകിയിട്ടുണ്ട്​. 

എക്​സ്​പ്രസ്​ ആക്കുന്ന പട്ടികയിൽ ഉൾപ്പെട്ട കേരളത്തിലെ തീവണ്ടികൾ

• തൃശൂർ-കണ്ണൂർ പാസഞ്ചർ(5603)
• മംഗളൂരു-കോഴിക്കോട്​ പാസഞ്ചർ(56654)
• കണ്ണൂർ-കോയമ്പത്തൂർ പാസഞ്ചർ(56650/56651)
• മംഗളൂരു-കോയമ്പത്തൂർ പാസഞ്ചർ(56324/56323)
• പാലക്കാട്-തിരുച്ചിറപ്പള്ളി പാസഞ്ചര്‍ (56712/56713)
• നിലമ്പൂര്‍-കോട്ടയം പാസഞ്ചര്‍ (56363/56362)
• നാഗര്‍കോവില്‍-കോട്ടയം (56304)
• ഗുരുവായൂര്‍-പുനലൂര്‍ പാസഞ്ചര്‍ (56365/56366)
• പുനലൂര്‍-മധുര പാസഞ്ചര്‍ (56700/56701)
• പാലക്കാട്-തിരുച്ചെന്തൂർ (56769, 56770)