പാനൂർ സ്ഫോടനം: സി.പി.എം പങ്ക് വ്യക്തം -കെ. സുധാകരൻ

ക​ണ്ണൂ​ർ: പാ​നൂ​രി​ൽ ബോം​ബ് നി​ർ​മാ​ണ​ത്തി​നി​ടെ​യു​ണ്ടാ​യ സ്ഫോ​ട​ന​ത്തി​ൽ കൊ​ല്ല​പ്പെ​ട്ട വ്യ​ക്തി​യു​ടെ വീ​ട് സി.​പി.​എം നേ​താ​ക്ക​ൾ സ​ന്ദ​ർ​ശി​ച്ച​തി​ലൂ​ടെ പാ​ർ​ട്ടി​യു​ടെ പ​ങ്ക് വ്യ​ക്ത​മാ​യെ​ന്ന് കെ. ​സു​ധാ​ക​ര​ൻ. അ​ക്ര​മ​ത്തി​ന്റെ​യും കൊ​ല​പാ​ത​ക​ത്തി​ന്റെ​യും ബോം​ബ് രാ​ഷ്‌​ട്രീ​യ​ത്തി​ന്റെ​യും പേ​രി​ല്‍ പ്ര​തി​രോ​ധ​ത്തി​ലാ​യി​ട്ടു​ള്ള​പ്പോ​ഴെ​ല്ലാം സ്വ​ന്തം പാ​ര്‍ട്ടി​ക്കാ​രെ ആ​ദ്യം ത​ള്ളി​പ്പ​റ​യു​ക​യും അ​ണി​യ​റ​യി​ല്‍ പ്ര​തി​ക​ള്‍ക്ക് എ​ല്ലാ സ​ഹാ​യ​വും ചെ​യ്തു കൊ​ടു​ക്കു​ന്ന​താ​ണ് സി.​പി.​എം നേ​തൃ​ത്വ​ത്തി​ന്റെ എ​ക്കാ​ല​ത്തെ​യും നി​ല​പാ​ട്. ടി.​പി. ച​ന്ദ്ര​ശേ​ഖ​ര​ന്‍ വ​ധ​ക്കേ​സി​ല്‍ പാ​ര്‍ട്ടി​ക്ക് പ​ങ്കി​ല്ലെ​ന്ന് പ​റ​ഞ്ഞ് ഒ​ടു​വി​ല്‍ പ്ര​തി​ക​ള്‍ക്കെ​ല്ലാം നി​യ​മ​സ​ഹാ​യം ഉ​ൾ​പ്പെ​ടെ എ​ല്ലാ​വി​ധ സം​ര​ക്ഷ​ണ​വും ഒ​രു​ക്കി ന​ൽ​കി​യ​വ​രാ​ണ് സി.​പി.​എം.

സം​സ്ഥാ​ന നേ​തൃ​ത്വം ഇ​തി​നെ ത​ള്ളി​പ്പ​റ​യു​ന്നു​ണ്ടെ​ങ്കി​ലും ഒ​ട്ടും വൈ​കാ​തെ പാ​നൂ​രി​ൽ ബോം​ബ് നി​ർ​മി​ക്കു​ന്ന​തി​നി​ടെ ഉ​ണ്ടാ​യ സ്ഫോ​ട​ന​ത്തി​ൽ കൊ​ല്ല​പ്പെ​ട്ട വ്യ​ക്തി​ക്ക് വേ​ണ്ടി​യു​ള്ള കു​ടും​ബ പാ​ക്കേ​ജ് സി.​പി.​എം പ്ര​ഖ്യാ​പി​ക്കും. പ​രാ​ജ​യ​ഭീ​തി​യി​ൽ തെ​ര​ഞ്ഞെ​ടു​പ്പ് അ​ട്ടി​മ​റി​ക്കാ​നു​ള്ള നീ​ക്ക​മാ​ണ് ന​ട​ത്തു​ന്ന​തെന്നും സു​ധാ​ക​ര​ൻ പ​റ​ഞ്ഞു.

പാർട്ടി ബന്ധം നിഷേധിച്ച് എം.വി. ഗോവിന്ദൻ

തൃ​ശൂ​ർ: പാ​നൂ​രി​ൽ ബോം​ബ് നി​ർ​മാ​ണ​ത്തി​നി​ടെ കൊ​ല്ല​പ്പെ​ട്ട ഷെ​റി​ന്റെ വീ​ട്ടി​ൽ സി.​പി.​എം നേ​താ​ക്ക​ൾ എ​ത്തി​യ​തി​നെ​ക്കു​റി​ച്ച് ത​നി​ക്ക് അ​റി​യി​ല്ലെ​ന്നും ആ​രെ​ങ്കി​ലും പോ​യി​ട്ടു​ണ്ടെ​ങ്കി​ൽ അ​വ​ർ പ​രി​ശോ​ധി​ക്ക​ട്ടെ​യെ​ന്നും ​പാ​ർ​ട്ടി സം​സ്ഥാ​ന സെ​ക്ര​ട്ട​റി എം.​വി. ഗോ​വി​ന്ദ​ൻ. തൃ​ശൂ​രി​ൽ മാ​ധ്യ​മ​പ്ര​വ​ർ​ത്ത​ക​രു​ടെ ചോ​ദ്യ​ങ്ങ​ളോ​ട് പ്ര​തി​ക​രി​ക്കു​ക​യാ​യി​രു​ന്നു അ​ദ്ദേ​ഹം.

ആ ​സ്ഫോ​ട​ന​വു​മാ​യോ അ​തി​ൽ ഉ​ൾ​പ്പെ​ട്ട​വ​രു​മാ​യോ പാ​ർ​ട്ടി​ക്ക് ഒ​രു ബ​ന്ധ​വു​മി​ല്ല. പാ​ർ​ട്ടി സ​ഖാ​ക്ക​ളെ​ത്ത​ന്നെ ആ​ക്ര​മി​ച്ച കേ​സി​ലെ പ്ര​തി​ക​ളാ​ണ​വ​ർ. പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യെ ക​രു​വ​ന്നൂ​രി​ൽ എ​ത്തി​ക്കാ​ൻ ബി.​ജെ.​പി ശ്ര​മി​ക്കു​ന്നു​​ണ്ട​ല്ലോ​യെ​ന്ന് മാ​ധ്യ​മ​പ്ര​വ​ർ​ത്ത​ക​ർ ചൂ​ണ്ടി​ക്കാ​ട്ടി​യ​പ്പോ​ൾ, അ​ദ്ദേ​ഹം 26 വ​രെ ഇ​വി​ടെ​ത്ത​ന്നെ താ​മ​സി​ച്ചാ​ലും കു​ഴ​പ്പ​മി​ല്ല എ​ന്നാ​യി​രു​ന്നു എം.​വി. ഗോ​വി​ന്ദ​ന്റെ ​മ​റു​പ​ടി.