Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightപന്തീരങ്കാവ്​...

പന്തീരങ്കാവ്​ യു.എ.പി.എ: വിധി മനുഷ്യാവകാശത്തിന് വില കൊടുക്കാത്ത ഭരണകൂടത്തിനെതിര്​ -കാനം രാജേന്ദ്രൻ

text_fields
bookmark_border
പന്തീരങ്കാവ്​ യു.എ.പി.എ: വിധി മനുഷ്യാവകാശത്തിന് വില കൊടുക്കാത്ത ഭരണകൂടത്തിനെതിര്​ -കാനം രാജേന്ദ്രൻ
cancel

തിരുവനന്തപുരം: പന്തീരങ്കാവ്​ കേസിൽ യു.എ.പി.എ ചുമത്തിയത്​ തെറ്റായിരുന്നു​െവന്നും ഈ കേസിൽ സുപ്രീംകോടതി വിധി മനുഷ്യാവകാശത്തിന് വില കൊടുക്കാത്ത ഭരണസംവിധാനത്തിന് എതിരാണെന്നും സി.പി.ഐ സംസ്ഥാന സെക്രട്ടറി കാനം രാജേന്ദ്രന്‍. തിരുവനന്തപുരത്ത്​ മാധ്യമങ്ങളോട്​ സംസാരിക്കുകയായിരുന്നു അദ്ദേഹം.

സുപ്രീം കോടതിയുടെ നിരീക്ഷണം ഇടതുപക്ഷത്തിന് മാത്രം ബാധകമായതല്ല. ഇന്ത്യയിലെ ഇടതുപക്ഷ പാര്‍ട്ടികള്‍ യു.എ.പി.എക്കെതിരാണ്​. ഇടതുസർക്കാർ യു.എ.പി.എ എടുക്കാൻ പാടില്ലാത്തതാണ്, പക്ഷെ എടുത്തു. പല കാര്യങ്ങളിലും സര്‍ക്കാരിനെ തിരുത്തിയിട്ടുണ്ട്. കേരളത്തിൽ കേസ് വരുമ്പോൾ അത് ഇടതുപക്ഷത്തിന്‍റെ നിലപാടിന് അനുയോജ്യമല്ലെന്ന് സി.പി.ഐ തുറന്നു പറഞ്ഞിട്ടുണ്ട് -കാനം രാജേന്ദ്രൻ വ്യക്​തമാക്കി.

വിദ്യാര്‍ത്ഥികളായ അലനും താഹയ്​ക്കുമെതിരെ യു.എ.പി.എ ചുമത്തേണ്ട ആവശ്യമില്ലെന്ന് ഈ കേസിന്‍റെ തുടക്കം മുതൽ തന്നെ കാനം രാജേന്ദ്രന്‍ പറഞ്ഞിരുന്നു. യു.എ.പി.എ കരിനിയമമാണെന്നും ഇടതു പാര്‍ട്ടികള്‍ എല്ലാക്കാലത്തും യു.എ.പി.എയ്‌ക്കെതിരാണെന്നുമായിരുന്നു സി.പി.ഐയുടെ നിലപാട്​. 'കേന്ദ്രത്തില്‍ നടക്കുന്ന മാവോ വേട്ടയുടെ പിന്തുടര്‍ച്ചയാണ് കേരളത്തിലും നടക്കുന്നത്​. രാഷ്ട്രീയ അഭിപ്രായ വ്യത്യാസങ്ങളെ നേരിടേണ്ടതു വെടിയുണ്ടകള്‍ കൊണ്ടല്ല. എന്‍.ഐ.എ അന്വേഷിക്കുന്ന കേസ് നിയമപരമായി സംസ്ഥാന സര്‍ക്കാരിന് തിരിച്ചേല്‍പ്പിക്കാനോ തെളിവില്ലെങ്കില്‍ തള്ളാനോ സാധിക്കും. കേരളത്തിലെ മാവോയിസ്റ്റുകളെ പൊലീസ് കെട്ടിച്ചമക്കുന്നതാണ്​. മാവോയിസ്റ്റു വേട്ടക്കുള്ള കേന്ദ്ര ഫണ്ടാണ് പൊലീസിന്‍റെ ലക്ഷ്യം. യു.എ.പി.എ നിയമത്തിന്‍റെ കാര്യത്തില്‍ എന്‍.ഐ.എയ്ക്കും കേരള പൊലീസിനും ഒരേ നിലപാടാണ്​' -കാനം അന്ന്​ വ്യക്​തമാക്കി.

Show Full Article
TAGS:pantheerankavu uapa kanam rajendran cpi 
News Summary - Pantheerankavu UAPA: Verdict against the government violating human rights -Kanam Rajendran
Next Story