Top
Begin typing your search above and press return to search.
keyboard_arrow_down
Login
exit_to_app
exit_to_app
Homechevron_rightNewschevron_rightKeralachevron_rightനടി ആക്രമിക്കപ്പെട്ടത് ...

നടി ആക്രമിക്കപ്പെട്ടത് ഒറ്റപ്പെട്ട സംഭവമല്ല –പന്ന്യന്‍

text_fields
bookmark_border
നടി ആക്രമിക്കപ്പെട്ടത്  ഒറ്റപ്പെട്ട സംഭവമല്ല –പന്ന്യന്‍
cancel

തൊടുപുഴ: കൊച്ചിയില്‍ നടി ആക്രമിക്കപ്പെട്ടത് ഒറ്റപ്പെട്ട സംഭവമല്ളെന്ന് സി.പി.ഐ ദേശീയ സെക്രട്ടേറിയറ്റ് അംഗം പന്ന്യന്‍ രവീന്ദ്രന്‍. നടിയെ ആക്രമിച്ചത് ഒറ്റപ്പെട്ട സംഭവമാണെന്ന സി.പി.എം സംസ്ഥാന സെക്രട്ടറി കോടിയേരി ബാലകൃഷ്ണന്‍െറ പ്രസ്താവനയോട് തൊടുപുഴയില്‍ പ്രതികരിക്കുകയായിരുന്നു അദ്ദേഹം. സര്‍ക്കാര്‍ നിലപാടിനെതിരെ പ്രവര്‍ത്തിക്കുന്ന പൊലീസുകാരെ പുറത്താക്കണമെന്നും അദ്ദേഹം ആവശ്യപ്പെട്ടു. ഒരു പ്രധാന നഗരത്തില്‍ സിനിമ നടിക്കുപോലും നിര്‍ഭയം സഞ്ചരിക്കാന്‍ പറ്റാത്ത അവസ്ഥ ഉണ്ടായാല്‍ സാധാരണക്കാരുടെ സ്ഥിതി എന്താകുമെന്ന് ആലോചിക്കണം. ഒറ്റപ്പെട്ട സംഭവങ്ങള്‍ ആവര്‍ത്തിക്കുകയാണ്. എന്നാല്‍, ഇതിനെതിരെ കാര്യമായ നടപടികളില്ല. പഴയ പൊലീസുകാരുടെ ബീജം ഇപ്പോഴത്തെ പല പൊലീസുകാര്‍ക്കുമുണ്ട്. പൊലീസിനു തോന്നിയപോലെ പ്രവര്‍ത്തിക്കാനല്ല സര്‍ക്കാര്‍ സ്വാതന്ത്ര്യം നല്‍കുന്നത്. ഇടതുപക്ഷ സര്‍ക്കാര്‍ ഇത്തരം സംഭവങ്ങളെ അതിഗൗരവമായി തന്നെയാണ് കാണുന്നത്. സേനക്ക് ചേരാത്ത പ്രവൃത്തിയാണ് പൊലീസ് ചെയ്യുന്നതെന്നും പന്ന്യന്‍ കുറ്റപ്പെടുത്തി. കേരള സ്റ്റേറ്റ് കര്‍ഷക തൊഴിലാളി  ഫെഡറേഷന്‍ സംസ്ഥാന ജനറല്‍ സെക്രട്ടറി പി.കെ. കൃഷ്ണന്‍ നേതൃത്വം നല്‍കുന്ന സംസ്ഥാന സമരപ്രചാരണ ജാഥ ഉദ്ഘാടനം ചെയ്യാന്‍ തൊടുപുഴയില്‍ എത്തിയതായിരുന്നു അദ്ദേഹം.
 

Show Full Article
TAGS:pannyan ravindran 
Next Story