Begin typing your search above and press return to search.
exit_to_app
exit_to_app
Homechevron_rightNewschevron_rightKeralachevron_rightസ്വാതന്ത്ര്യസമര​...

സ്വാതന്ത്ര്യസമര​ പോരാളികളുടെ ഒാർമയിൽ പാണ്ടിക്കാട്​; സ്​മാരകങ്ങൾ കടലാസിൽ

text_fields
bookmark_border
സ്വാതന്ത്ര്യസമര​ പോരാളികളുടെ ഒാർമയിൽ പാണ്ടിക്കാട്​; സ്​മാരകങ്ങൾ കടലാസിൽ
cancel
camera_alt

പാണ്ടിക്കാട്​​ ചന്തപ്പുര യുദ്ധത്തിൽ രക്തസാക്ഷികളായ ഖിലാഫത്ത്​ സമരക്കാരെ കൂട്ടിയിട്ട്​ കത്തിച്ച പ്രദേശം.

ആൽമരവും കാടുമൂടിയ കുളവും കാണാം

പാണ്ടിക്കാട്​: സ്വാതന്ത്ര്യസമര​ പോരാളികളുടെ ഒാർമക്കായി സ്​മാരകം നിർമിക്കുമെന്ന അധികൃതരുടെ വാഗ്​ദാനങ്ങൾ പാണ്ടിക്കാട്ടുകാർക്ക്​ ഇന്നും സ്വപ്​നമായി അവശേഷിക്കുന്നു. തെരഞ്ഞെടുപ്പ്​ പ്രകടന പത്രികകളിൽ സ്​മാരകം നിർമിക്കുമെന്ന വാഗ്​ദാനങ്ങളുണ്ടാവാറുണ്ടെങ്കിലും നടപ്പായില്ല. പാണ്ടിക്കാട്​ ചന്തപ്പുര യുദ്ധത്തിന്​ 99 വർഷം തികയുന്ന വേളയിലും സ്​മാരകം അവഗണനയുടെ കടലാസിലുറങ്ങു​കയാണ്​.

250ലേറെ ധീരദേശാഭിമാനികളുടെ ജീവനെടുത്ത്​ മൃതദേഹങ്ങൾ കത്തിച്ച ബ്രിട്ടീഷ്​ പട്ടാളത്തി​െൻറ കൊടുംക്രൂരതക്ക്​ സാക്ഷ്യംവഹിച്ച മണ്ണാണ്​​ പാണ്ടിക്കാട്​​​. ചുടുനിണമൊഴുകിയ​ ചന്തപ്പുര യുദ്ധം നടന്ന മൊയ്​തുണ്ണി പാടവും മൊയ്​തുണ്ണി കുളവും കാടുമൂടി നശിക്കുകയാണ്​.

ബ്രിട്ടീഷ്​ പട്ടാളത്തോട്​ സമരപോരാളികൾ നേർക്കുനേർ പോരാടിയ അപൂർവം സംഭവങ്ങളിലൊന്നായിരുന്നു പാണ്ടിക്കാട്​ യുദ്ധം. സ്വാതന്ത്ര്യസമരത്തി​െൻറ ഭാഗമായി മലബാറിൽ രൂപംകൊണ്ട ഖിലാഫത്ത്​ പ്രസ്​ഥാനത്തി​ന്​ ഏറെ സ്വാധീനമുണ്ടായിരുന്ന സ്​ഥലമാണിത്​. 1921 നവംബർ 14ന്​ പുലർച്ച​ വാരിയൻകുന്നത്ത്​ കുഞ്ഞഹമ്മദ്​ ഹാജി, ചെ​മ്പ്രശ്ശേരി തങ്ങൾ, പയ്യനാടൻ മോയിൻ, മുക്രി അയമ്മദ്​ എന്നിവർ നേതൃത്വം​ നൽകിയ പോരാട്ടമാണ്​ പാണ്ടിക്കാട്​ യുദ്ധം എന്ന പേരിൽ അറിയപ്പെടുന്നത്​.

പാണ്ടിക്കാട്​ ചന്തപ്പുരയിൽ (ഇന്നത്തെ മഞ്ചേരി റോഡിലെ പഞ്ചായത്ത്​ ഒാഫിസ്​ കെട്ടിടം നിൽക്കുന്നയിടവും പരിസരങ്ങളും) തമ്പടിച്ച എട്ടാം ഗൂർഖ റൈഫിൾസിലെ രണ്ടാം ബറ്റാലിയൻ ക്യാമ്പിനെ​ സമരപോരാളികൾ ആക്രമിക്കുകയായിരുന്നു​.

മണ്ണുകൊണ്ട്​ നിർമിച്ച ചന്തപ്പുരയുടെ മതിൽ പൊളിച്ച്​ ക്യാമ്പിനകത്തെത്തിയ പോരാളികളും പട്ടാളവും തമ്മിൽ രണ്ടു മണിക്കൂറിലേറെ നീണ്ട ഘോരയുദ്ധത്തിനാണ്​ അന്ന്​ പാണ്ടിക്കാട്​ സാക്ഷ്യം വഹിച്ചത്​.

99 വർഷം തികഞ്ഞ വേളയിൽ ധീര​േദശാഭിമാനികളുടെ ഒാർമക്കായി ഉചിതമായ സ്​മാരകം നിർമിക്കുമെന്ന പ്രതീക്ഷയിലാണ്​ പാണ്ടിക്കാട്ടുകാർ. 'എ​െൻറ പാണ്ടിക്കാട്'​ കൂട്ടായ്​മയുടെ നേതൃത്വത്തിൽ 2019ൽ സ്​ഥാപിച്ച രണ്ട്​ സൈൻ ബോർഡുകളും ചത്വരവുമാണ്​ ആകെയുള്ള യുദ്ധസ്​മാരകം.

Show Full Article
TAGS:pandikkad freedom fighters me memorial 
News Summary - Pandikkad in memory of freedom fighters; Memorials on paper
Next Story