പന്തളത്ത് എസ്.എഫ്.ഐ നേതാവിന് വെട്ടേറ്റു

പന്തളം: എസ്.എഫ്.ഐ ജില്ല വൈസ് പ്രസിഡൻറ്​ വിഷ്ണു കെ.രമേശിനെ ബൈക്കിലെത്തിയ സംഘം വെട്ടിപ്പരിക്കേൽപിച്ചു. വെള്ളിയ ാഴ്ച രാത്രി 9.30നാണ് സംഭവം. ബൈക്കിൽ വീട്ടിലേക്കുപോയ വിഷ്ണുവിനെ പന്തളം കരണ്ടയിൽ ക്ഷേത്രത്തിനു സമീപം ബൈക്കിലെത്തിയ മൂന്നംഗസംഘം വെട്ടുകയായിരുന്നുവെന്ന് പൊലീസ് പറഞ്ഞു.

വിഷ്ണുവിനെ പന്തളത്തെ സ്വകാര്യ ആശുപത്രിയിൽ പ്രവേശിപ്പിച്ചു. പരിക്ക് ഗുരുതരമാണെന്ന് ആശുപത്രി അധികൃതർ പറഞ്ഞു. സ്ഥലത്ത് പൊലീസ് ക്യാമ്പ് ചെയ്യുന്നു.