പൊങ്ങലടി ഇരട്ടക്കൊലപാതകം: ശാസ്​ത്രീയ പരിശോധനയുമായി പൊലീസ്

പന്തളം: പൊങ്ങലടിയിൽ യുവാവ്​ മാതാപിതാക്കളെ കൊന്നു പൊട്ടക്കിണറ്റിലിട്ട്​ മൂടിയ സംഭവത്തിൽ പൊലീസ്​ കൂടുതൽ തെളിവുകൾ ശേഖരിക്കുന്നു. ഇതി​​​െൻറ ഭാഗമായി മൃതദേഹങ്ങൾ കിണറ്റിലിടാൻ മാത്യൂസ്​ ഉപയോഗിച്ച കാർ ഫോറൻസിക് സംഘം പരിശോധിച്ചു. ജൂൺ 25നാണ്​ കാഞ്ഞിരവിളയിൽ ജോണി എന്ന കെ.എം. ജോൺ (70), മാതാവ് ലീലാമ്മ (63) എന്നിവർ കൊല്ലപ്പെട്ടത്​. മകൻ മാത്യൂസ് ജോണിനെ (മിജോ ^33) അറസ്​റ്റ്​ ചെയ്​തിരുന്നു. പ്രതി കുറ്റം സമ്മതിച്ചെങ്കിലും കേസിന് ബലം കിട്ടാനാവശ്യമായ ശാസ്​ത്രീയ തെളിവുകൾ സമാഹരിക്കുകയാണ് പൊലീസ്​. 

ഫോറൻസിക് ഓഫിസർ ലീത വി. നായരുടെയും വിരലടയാള വിദഗ്ധ ഷൈല കുമാരിയുടെയും നേതൃത്വത്തിലുള്ള സംഘമാണ്​ കാർ പരിശോധിച്ചത്​. പുറകിലെ സീറ്റിൽനിന്ന്​ ലീലാമ്മയുടേതെന്ന് സംശയിക്കുന്ന മുടിയും കാർ വൃത്തിയാക്കാനുപയോഗിച്ച തുണികളും കണ്ടെടുത്തു. കൊല ചെയ്യാനുപയോഗിച്ചതെന്ന് പ്രതി പറയുന്ന വടി വ്യാഴാഴ്ച തന്നെ പൊലീസ്​ പ്രതിയുടെ വീട്ടിൽനിന്ന്​ കണ്ടെത്തിരുന്നു. വീട്ടിൽ സൂക്ഷ്മ പരിശോധന നടത്തിയ പൊലീസ്​ തറ വൃത്തിയാക്കാനുപയോഗിച്ച തുണികളും കണ്ടെടുത്തു. പ്രതി മാത്യൂസ്​ ജോണിനെ വെള്ളിയാഴ്ച കോടതിയിൽ ഹാജരാക്കി റിമാൻഡ്​​ ചെയ്തു. കൂടുതൽ ചോദ്യം ചെയ്യലിനായി കസ്​റ്റഡിയിൽ വാങ്ങാൻ തിങ്കളാഴ്ച കോടതിയിൽ അപേക്ഷ നൽകുമെന്ന് അന്വേഷണ ഉദ്യോഗസ്ഥനായ സി.ഐ ആർ. സുരേഷ് പറഞ്ഞു. 

നഴ്സിങ്​ ബിരുദധാരിയായ മാത്യൂസ്​ ജോൺ  ഇന്ദോറിലെ പഠനം പൂർത്തിയാക്കിയപ്പോൾ തന്നെ വിദേശത്തേക്ക്​ ജോലിക്കായ് ​േജ്യഷ്ഠൻ ലിജോ അടക്കം വിളിച്ചെങ്കിലും പോകാൻ കൂട്ടാക്കിയില്ല. നഴ്സിങ്ങിൽ ബിരുദാനന്തര ബിരുദം നേടിയ നിഷയെ മൂന്നര വർഷം മുമ്പാണ് മിജോ വിവാഹം കഴിച്ചത്​. വർഷത്തിൽ ഒന്നോ രണ്ടോ മാസം ഹൈദരാബാദിലോ ഡൽഹിയിലോ ജോലിക്കുപോകുന്ന മിജോ തിരികെയെത്തി സദാസമയവും വീട്ടിൽതന്നെയായിരുന്നു. ആർഭാട ജീവിതത്തിനു പിതാവി​​​െൻറ ​ൈകയിൽനിന്ന്​ പണം വാങ്ങുക പതിവായിരുന്നുവെന്നും ബന്ധുക്കൾ പറയുന്നു. ഇത് പതിവായപ്പോൾ പണം നൽകാതെ വന്നു. ഇതിൽ മിജോ അതൃപ്തനായിരുന്നു. ഇവർ തമ്മിൽ വഴക്കിടുന്നത് കേൾക്കാമായിരുന്നുവെന്നും ഇതൊക്കെയാണ് കൊലപാതകത്തിനു ഇടയാക്കിയെന്നുമാണ് സൂചന.