മതസ്പർധ വളർത്തുന്ന പരാമർശം: പഞ്ചായത്ത് ക്ലർക്കിന് സസ്പെൻഷൻ

ചെറുതുരുത്തി: ഫേസ്​ബുക്കിലൂടെ മതസ്പർധ വളർത്തുന്ന രീതിയിൽ പരാമർശം നടത്തിയ പഞ്ചായത്ത് ക്ലർക്കിനെ തൃശൂർ ഡയറക്ടറേറ്റ് ഓഫ് പഞ്ചായത്ത് സസ്പെൻഡ്​​ ചെയ്തു. ദേശമംഗലം പഞ്ചായത്തിലെ സീനിയർ ക്ലർക്ക് സി. രാജനാണ് സസ്പെൻഷനിലായത്.

പൗരത്വ ഭേദഗതി നിയമവുമായി ബന്ധപ്പെട്ട് ഒരാൾ ഫേസ്​ബുക്കിലൂടെ നടത്തിയ പരാമർശത്തിന്​ മറുപടിയായി രാജൻ എഴുതിയ കുറിപ്പാണ് വിവാദമായത്. ഇതുസംബന്ധിച്ച് പഞ്ചായത്ത് ഡയറക്ടറേറ്റിൽ ലഭിച്ച പരാതിയുടെ അടിസ്ഥാനത്തിലായിരുന്നു നടപടി. 50 വർഷം കൂടി കഴിഞ്ഞാൽ തലയിൽ തൊപ്പിയും പർദയുമണിഞ്ഞ്​ മാത്രമേ പുറത്തിറങ്ങി നടത്താൻ കഴിയൂ എന്നായിരുന്നു രാജ​​െൻറ പരാമർശം.