നാളെ സത്യപ്രതിജ്ഞ നടക്കാനിരിക്കെ നിയുക്ത പഞ്ചായത്ത് അംഗം മരിച്ചു

കോട്ടയം: വിജയിച്ച സ്ഥാനാർഥി മരിച്ചു. കോട്ടയം മീനടം ഗ്രാമപഞ്ചായത്തംഗമായി ജയിച്ച പ്രസാദ് നാരായണനാണ് (59) ഹൃദയാഘാതത്തെ തുടർന്ന് മരിച്ചത്. ഞായറാഴ്ച സത്യപ്രതിജ്ഞ നടക്കാനിരിക്കെയാണ് മരണം.

മീനടം ഒന്നാം വാർഡിൽനിന്നു കോൺഗ്രസ് സ്ഥാനാർഥിയായി മത്സരിച്ചാണ് ജയിച്ചത്. 30 വർഷമായി പഞ്ചായത്ത് അംഗമായിരുന്നു. ആറു തവണ കോൺഗ്രസ് ടിക്കറ്റിലും ഒരു തവണ സ്വതന്ത്രനായും ജയിച്ചിരുന്നു. ഭാര്യ: പ്രീതാ പ്രസാദ്. ഏകമകൻ: ഹരി നാരായണ പ്രസാദ്.