പാനായിക്കുളം സിമി കേസ്: കേന്ദ്രം സുപ്രീംകോടതിയിലേക്ക്​

ന്യൂഡൽഹി: പാനായിക്കുളത്ത്​ സിമി യോഗം ​േചർന്നെന്ന കേസിൽ എൻ.​െഎ.എ കോടതി ശിക്ഷിച്ചവരെ വെറുതെ വിട്ട ഹൈകോടതി വിധിക്കെതിരെ കേന്ദ്രം സുപ്രീംകോടതിയിലേക്ക്​. കേസിൽ അപ്പീൽ നൽകാൻ കേന്ദ്ര ആഭ്യന്തര മന്ത്രാലയത്തിന്​ നിയമോപദേശം ലഭിച്ചു.

2006 ആഗസ്​റ്റ്​​ 15ന്​ ആലുവക്കടുത്ത പാനായിക്കുളത്ത്​ നിരോധിത സംഘടനയായ സിമി യോഗം ചേർന്നുവെന്ന ​േ​കസിലായിരുന്നു എൻ.​െഎ.എ കോടതിവിധി. ഈരാറ്റുപേട്ട സ്വദേശികളായ ശാദുലി, അബ്​ദുൽ റാസിക്, ആലുവ കുഞ്ഞുണ്ണിക്കര സ്വദേശി അന്‍സാര്‍ നദ്​വി, പാനായിക്കുളം ജാസ്മിന്‍ മന്‍സില്‍ നിസാമുദ്ദീന്‍, ഈരാറ്റുപേട്ട വടക്കേക്കര അമ്പഴത്തിങ്കല്‍ വീട്ടില്‍ ഷമ്മാസ് എന്നിവരെയാണ്​ കേസിൽ എൻ.​െഎ.എ കോടതി ശിക്ഷിച്ചത്​.

എന്നാൽ, കേസ് കെട്ടിച്ചമച്ചതാണെന്ന വാദം അംഗീകരിച്ച്​ ഇക്കഴിഞ്ഞ ഏ​​പ്രിൽ 12ന്​ അഞ്ചുപേരെയും കേരള ഹൈകോടതി വെറുതെ വിട്ടു. ശിക്ഷിക്കാന്‍ പാകത്തിലുള്ള തെളിവുകളില്ലെന്നും ഹൈകോടതി ചൂണ്ടിക്കാട്ടിയിരുന്നു.