പാലോട് രവിയുടെ ഫോൺ സംഭാഷണം: അച്ചടക്ക സമിതി റിപ്പോർട്ട് സമർപ്പിച്ചു; ‘നല്ല ഉദ്ദേശത്തോടെയാണെങ്കിലും പറയാൻ പാടില്ലാത്ത ചില പരാമർശങ്ങൾ ഉണ്ടായി’

തിരുവനന്തപുരം: ഡി.സി.സി മുൻ പ്രസിഡന്റ് പാലോട് രവിയുടെ വിവാദ ഫോൺ സംഭാഷണം അന്വേഷിച്ച അച്ചടക്കസമിതി റിപ്പോർട്ട് സമർപ്പിച്ചു. സമിതി അധ്യക്ഷൻ തിരുവഞ്ചൂർ രാധാകൃഷ്ണനാണ് കെ.പി.സി.സി പ്രസിഡന്റ് സണ്ണി ജോസഫിന് റിപ്പോർട്ട് കൈമാറിയത്. സംഭാഷണം സദുദ്ദേശപരമായിരുന്നു എന്ന് കമ്മിറ്റി വിലയിരുത്തിയതായാണ് വിവരം.

നല്ല ഉദ്ദേശത്തോടെയാണെങ്കിലും പറയാൻ പാടില്ലാത്ത ചില പരാമർശങ്ങൾ ഉണ്ടായി. പ്രാദേശിക വിഭാഗീയതയാണ് സംഭാഷണം പുറത്താകാൻ കാരണമെന്നും റിപ്പോർട്ടിൽ പറയുന്നു. റിപ്പോർട്ടിന്റെ അടിസ്ഥാനത്തിൽ കെ.പി.സി.സിയാണ് തുടർനടപടി സ്വീകരിക്കേണ്ടത്. വിവാദത്തെ തുടർന്ന് പാലോട് രവി ഡി.സി.സി പ്രസിഡന്റ് സ്ഥാനം രാജിവെച്ചിരുന്നു.

വിവാദ ഫോൺ സംഭാഷണത്തിന് പിന്നാലെ നേ​തൃ​ത്തി​ന്‍റെ നി​ർ​ദേ​ശ​പ്ര​കാ​രം പാലോട് രവി ഡി.സി.സി അധ്യക്ഷ പദവി രാജിവെച്ചിരുന്നു. തുടർന്ന് ഡി.സി.സിയുടെ താൽകാലിക ചുമതല എൻ. ശക്തന് കെ.പി.സി.സി കൈമാറി. പ​ഞ്ചാ​യ​ത്ത്-​നി​യ​മ​സ​ഭ തെ​ര​ഞ്ഞെ​ടു​പ്പു​ക​ളി​ൽ കോ​ൺ​ഗ്ര​സ് മൂ​ന്നാം സ്ഥാ​ന​ത്തേ​ക്ക് ഉ​ച്ചി​കു​ത്തി വീ​ഴു​മെ​ന്നും സി.​പി.​എ​മ്മി​ന് തു​ട​ർ​ഭ​ര​ണ​മു​ണ്ടാ​കു​മെ​ന്നും അ​തോ​ടെ കോ​ൺ​ഗ്ര​സ് എ​ടു​ക്കാ​ച്ച​ര​ക്കാ​കു​മെ​ന്നും പ്ര​ദേ​ശി​ക നേ​താ​വി​നോ​ട് പ​റ​യു​ന്ന ശ​ബ്ദ​സ​ന്ദേ​ശം പു​റ​ത്തു​വ​ന്ന​തി​ന് പി​ന്നാ​ലെ​യാ​ണ് രാ​ജി.

വാ​മ​ന​പു​രം ബ്ലോ​ക്ക് ജ​ന​റ​ൽ സെ​ക്ര​ട്ട​റി എ. ജ​ലീ​ലി​നോ​ട് പാ​ലോ​ട് ര​വി സം​സാ​രി​ച്ച ഓ​ഡി​യോ ക്ലി​പ്പാ​ണ് പു​റ​ത്താ​യ​ത്. സം​ഘ​ട​നാ​വി​രു​ദ്ധ പ്ര​വ​ർ​ത്ത​നം പ്ര​ഥ​മ​ദൃ​ഷ്ട്യാ ബോ​ധ്യ​പ്പെ​ട്ട​തി​നെ തു​ട​ർ​ന്നാ​ണ് സം​ഭ​വ​വു​മാ​യി ബ​ന്ധ​പ്പെ​ട്ട് ​ജ​ലീ​ലി​നെ പാ​ർ​ട്ടി​യു​ടെ പ്രാ​ഥ​മി​ക അം​ഗ​ത്വ​ത്തി​ൽ ​നി​ന്ന് പു​റ​ത്താ​ക്കുകയും ചെയ്തു.

പാ​ലോ​ട്​ ര​വി​യു​ടെ വി​വാ​ദ ഫോ​ൺ സം​ഭാ​ഷ​ണം ഇ​ങ്ങ​നെ...

‘പ​ഞ്ചാ​യ​ത്ത് ഇ​ല​ക്ഷ​നി​ൽ കോ​ൺ​ഗ്ര​സ്​ മൂ​ന്നാ​മ​ത് പോ​കും. നി​യ​മ​സ​ഭ​യി​ൽ ഉ​ച്ചി​കു​ത്തി താ​ഴെ വീ​ഴും. നീ ​നോ​ക്കി​ക്കോ, 60 അ​സം​ബ്ലി മ​ണ്ഡ​ല​ങ്ങ​ളി​ൽ ബി.​ജെ.​പി എ​ന്താ​ണ് ചെ​യ്യാ​ൻ പോ​കു​ന്ന​തെ​ന്ന്. പാ​ർ​ല​മെൻറ് തെ​ര​ഞ്ഞെ​ടു​പ്പി​ൽ വോ​ട്ട് പി​ടി​ച്ച​ത് പോ​ലെ അ​വ​ർ കാ​ശു​കൊ​ടു​ത്ത് വോ​ട്ട് പി​ടി​ക്കും. 40000- 50000 വോ​ട്ട് ഇ​ങ്ങ​നെ അ​വ​ർ പി​ടി​ക്കും. കോ​ൺ​ഗ്ര​സ് പാ​ർ​ട്ടി മൂ​ന്നാം സ്ഥാ​ന​ത്തേ​ക്ക് ഉ​ച്ചി​കു​ത്തി വീ​ഴും.

മാ​ർ​ക്സി​സ്റ്റ് പാ​ർ​ട്ടി ഭ​ര​ണം തു​ട​രു​ക​യും ചെ​യ്യും. അ​തോ​ടെ ഈ ​പാ​ർ​ട്ടി​യു​ടെ അ​ധോ​ഗ​തി ആ​യി​രി​ക്കും. മു​സ്​​ലിം ക​മ്മ്യൂ​ണി​റ്റി​യി​ലു​ള്ള​വ​ർ വേ​റെ ചി​ല പാ​ർ​ട്ടി​യി​ലും മാ​ർ​ക്സി​സ്റ്റ് പാ​ർ​ട്ടി​യി​ലു​മാ​യി പോ​കും. കോ​ൺ​ഗ്ര​സി​ൽ ഉ​ണ്ടെ​ന്ന് പ​റ​യു​ന്ന ആ​ളു​ക​ൾ ബി.​ജെ.​പി​യി​ലും മ​റ്റു പാ​ർ​ട്ടി​ക​ളി​ലു​മാ​യി പോ​കും. പ​ഞ്ചാ​യ​ത്ത്-​അ​സം​ബ്ലി തെ​ര​ഞ്ഞെ​ടു​പ്പ്​ ക​ഴി​യു​മ്പോ​ൾ കോ​ൺ​ഗ്ര​സ് എ​ടു​ക്കാ​ച​ര​ക്കാ​യി മാ​റും. വാ​ർ​ഡി​ൽ ഇ​റ​ങ്ങി ന​ട​ക്കാ​ൻ ആ​ളി​ല്ലാ​ത്ത സ്ഥി​തി​യാ​ണ്. നാ​ട്ടി​ലി​റ​ങ്ങി ജ​ന​ങ്ങ​ളു​മാ​യി സം​സാ​രി​ക്കാ​ൻ 10 ശ​ത​മാ​നം സ്ഥ​ല​ത്തേ ന​മു​ക്ക് ആ​ളു​ക​ളു​ള്ളൂ. പ​ര​സ്പ​രം ബ​ന്ധ​മി​ല്ല, സ്നേ​ഹ​മി​ല്ല. എ​ങ്ങ​നെ കാ​ലു​വാ​രാ​മോ എ​ന്ന​താ​ണ് പ​ല​രും നോ​ക്കു​ന്ന​ത്’’.