പാലത്തായി പീഡനം: പോക്​സോ ഒഴിവാക്കിയതിനെതിരെ കുടുംബം

പാനൂർ: പാലത്തായി പീഡന കേസിലെ പ്രതി ബി.ജെ.പി നേതാവും അധ്യാപകനുമായ പത്​മരാജനെതിരെ പോക്​സോ വകുപ്പ്​ ചുമത്തണമെന്ന്​ ​പീഡനത്തിന്​ ഇരയായ പെൺകുട്ടിയുടെ കുടുംബം. പോക്സോ വകുപ്പ്​ ഇല്ലാതെ കുറ്റപത്രം സമർപ്പിച്ച ​ക്രൈംബ്രാഞ്ചി​​െൻറ നടപടിയോട്​ പ്രതികരിക്കുകയായിരുന്നു കുടുംബം.

പോക്​സോ ചുമത്തുമെന്ന്​ തന്നെയാണ്​ ഞങ്ങൾ കരുതുന്നത്​.​ ഇക്കാര്യത്തിൽ വേണ്ട തുടർനടപടികൾ വേഗത്തിൽ സ്വീകരിക്കാൻ അന്വേഷണ ഉദ്യോഗസ്​ഥർ തയാറാക്കണം. അന്വേഷണം വേഗത്തിൽ പൂർത്തിയാക്കി പൂ​ർണ കുറ്റപത്രം സമർപ്പിക്കണമെന്നും സ്വന്തം സ്​കൂളിലെ കുട്ടിയെ പീഡിപ്പിച്ച അധ്യാപകന്​ മാതൃകാപരമായ ശിക്ഷ ഉറപ്പാക്കണമെന്നും കുടുംബം ആവശ്യപ്പെട്ടു.