പാലാരിവട്ടം മേൽപാലം അഴിമതി: രാഷ്​ട്രീയ നേതാക്കളുടെ പങ്ക്​ സുമിത്​ ഗോയലിന്​ അറിയാമെന്ന്​ വിജിലൻസ്​

കൊച്ചി: പാലാരിവട്ടം മേൽപാലം അഴിമതിക്കേസിലെ ഒന്നാംപ്രതി ആർ.ഡി.എസ് പ്രോജക്ട്​ മാനേജിങ്​ ഡയറക്​ടർ സുമിത് ഗോയ ൽ​ ഗൂഢാലോചനയുടെ അച്ചുതണ്ടെന്ന്​ വിജിലൻസ്​ ഹൈകോടതിയിൽ. ഉന്നത രാഷ്​ട്രീയ നേതാക്കളടക്കം അഴിമതിയിൽ പങ്കാളിയായ വരുടെ വിവരങ്ങൾ ഇയാൾക്കറിയാമെങ്കിലും അന്വേഷണവുമായി സഹകരിക്കുന്നില്ലെന്ന്​ അന്വേഷണ ഉദ്യോഗസ്ഥനായ വിജിലൻസ് ഡി വൈ.എസ്.പി ആർ. അശോക്​കുമാർ നൽകിയ വിശദീകരണ പത്രികയിൽ പറയുന്നു. സുമിത് ഗോയലി​​െൻറ ജാമ്യഹരജിയാണ്​ കോടതിയുടെ പരിഗണ നയിലുള്ളത്​.

ആർ.ഡി.എസ് പ്രോജക്ട്സ് എന്ന കരാർ കമ്പനിയുടെ സാമ്പത്തികപ്രതിസന്ധി മറികടക്കാൻ കുറഞ്ഞ തുകക്ക് ​ പാലം നിർമാണക്കരാർ എറ്റെടുത്ത ഇയാൾ മുൻകൂർ തുക വാങ്ങി സാമ്പത്തിക പ്രതിസന്ധി മറികടക്കാൻ വിനിയോഗിച്ചു. സർക്കാർ മുൻകൂർ നൽകിയ പണം നിർമാണപ്രവർത്തനങ്ങൾക്ക് ഉപയോഗിക്കാതെ സ്വന്തം ആവശ്യങ്ങൾക്ക്​ വിനിയോഗിച്ചു. ഇതിനാൽ പാലം നിർമ ാണത്തി​​െൻറ ഗുണനിലവാരത്തിൽ വിട്ടുവീഴ്ച ചെയ്യേണ്ടിവന്നു.

ഖജനാവിന് നഷ്​ടമുണ്ടാക്കിയതിനുപുറമേ പാലം അപകട ത്തിലുമായി. സാമ്പത്തിക ക്രമക്കേടുകൾ നടത്താൻ ഗൂഢാലോചന നടത്തി പൊതുപ്രവർത്തകരെ ഒപ്പം നിർത്താൻ കൈക്കൂലി നൽകി. മ ുൻകൂർ തുക വാങ്ങിയത് ക്രമക്കേടാണ്. പാലം നിർമാണം 18 മാസത്തിനുള്ളിൽ പൂർത്തിയാക്കാൻ സർക്കാർ നിർബന്ധിച്ചെന്ന ഗോയലി​​െൻറ വാദം ശരിയാണെന്ന്​ തെളിയിക്കുന്നതൊന്നും പിടിച്ചെടുത്ത രേഖകളിലില്ല. പണി വേഗം തീർക്കാൻ നിർബന്ധിച്ചതിനാലാണ് മുൻകൂർ പണം വാങ്ങിയതെന്ന വാദവും ശരിയല്ല.

പൊതുപ്രവർത്തകർക്ക് ഏതു മാർഗത്തിലാണ് കൈക്കൂലി നൽകിയതെന്ന് ഇയാൾ വെളിപ്പെടുത്തിയിട്ടില്ല. വൻകിട രാഷ്​ട്രീയ നേതാക്കളിൽനിന്ന് പ്രശ്നമുണ്ടാകുമെന്ന് ഭയന്ന് ഗോയൽ സത്യം വെളിപ്പെടുത്തുന്നില്ല. കൈക്കൂലി നൽകിയതി​​െൻറ വിവരങ്ങൾ ലഭ്യമാക്കാൻ ആർ.ഡി.എസിലെ ചില ഉദ്യോഗസ്ഥരെ ചോദ്യംചെയ്യേണ്ടതുണ്ട്. ഗോയലി​​െൻറ ബാങ്ക്, കമ്പ്യൂട്ടർ രേഖകളുടെ അടിസ്ഥാനത്തിൽ അന്വേഷണം നടക്കുകയാണ്​. ഇൗ ഘട്ടത്തിൽ ജാമ്യം അനുവദിച്ചാൽ രാഷ്​ട്രീയ സ്വാധീനമുള്ള വ്യക്തികളെ രക്ഷപ്പെടുത്താൻ സഹായിക്കുമെന്നും വിജിലൻസ്​ വിശദീകരിച്ചു.


ബലപരിശോധന നടത്താതെ പാലാരിവട്ടം പാലം പൊളിക്കരുതെന്ന്​ ഹരജി
കൊച്ചി: ബലപരിശോധന നടത്താതെ പാലാരിവട്ടം ഫ്ലൈ ഒാവർ പൊളിച്ചുകളയാനുള്ള തീരുമാനം ഉപേക്ഷിക്കണമെന്നാവശ്യപ്പെട്ട്​ ഹൈകോടതിയിൽ ഹരജി. ഫ്ലൈ ഒാവറിന് അപാകതയുണ്ടെങ്കിൽ പരിഹരിക്കാൻ നിർമാണ കരാറുകാരോട്​ ആവശ്യപ്പെടുകയും ബല പരിശോധന നടത്തി ഗതാഗതത്തിന്​ തുറന്നുകൊടുക്കാൻ നിർദേശിക്കുകയും വേണമെന്ന്​ ആവശ്യപ്പെട്ട്​ കേരള ജനതാ സംഘം (യു) സെൻ‌ട്രൽ കമ്മിറ്റി ചെയർമാനും ആർ.എസ്.പി (ലെനിനിസ്​റ്റ്​) ജില്ല സെക്ര​േട്ടറിയറ്റ്​ അംഗവുമായ പെരുമ്പാവൂർ സ്വദേശി പി. വർഗീസ് ചെറിയാനാണ്​ ഹരജി നൽകിയത്​.

പാലാരിവട്ടം ഫ്ലൈ ഒാവർ ഇ. ശ്രീധര​​െൻറ മേൽ നോട്ടത്തിൽ പുനർനിർമിക്കുമെന്ന് സെപ്റ്റംബർ 17ന്​ മുഖ്യമന്ത്രിയാണ്​ പ്രഖ്യാപിച്ചത്. ബ്യൂറോ ഒാഫ് ഇന്ത്യൻ സ്​റ്റാൻഡേർഡ്​സ്​ വ്യവസ്ഥകൾപ്രകാരം ലോഡ് ടെസ്​റ്റ്​ നടത്തി കരുത്ത്​ ഉറപ്പാക്കാതെ ഫ്ലൈ ഒാവർ പൊളിച്ചുപണിയരുത്. നേര​േത്ത കുഴിടയച്ചും റോഡ് ലെവൽ ചെയ്തും അറ്റകുറ്റപ്പണി നടത്തിയിരുന്നു. എന്നാൽ, പാലം ഗതാഗതത്തിന് തുറന്നുനൽകിയില്ല. ഫ്ലൈ ഒാവർ അടച്ചിട്ടതോടെ വലിയ ഗതാഗതക്കുരുക്കാണ്​ അനുഭവപ്പെടുന്നത്​. പാലത്തി​​െൻറ അപാകതകൾ പരിഹരിക്കാൻ കരാറുകാരായ ആർ.ഡി.എസ് പ്രൊജക്ട്സിന്​ ബാധ്യതയുണ്ട്​. അതിന്​ അവരോട്​ നിർദേശിക്കുകയും അറ്റകുറ്റപ്പണികളുടെ ചെലവ് അവരിൽ നിന്ന്​ ഈടാക്കുകയും വേണം. ഫ്ലൈ ഒാവറി​​െൻറ അവസ്​ഥയെക്കുറിച്ചുള്ള ​ചെന്നൈ ​ഐ.ഐ.ടിയുടെ പഠന റിപ്പോർട്ട്​ പ്രസിദ്ധപ്പെടുത്തണമെന്നും ഹരജിയിൽ ആവശ്യപ്പെട്ടിട്ടുണ്ട്​.

പാലാരിവട്ടം പാലം പൂർണമായി പൊളിക്കുന്നതെന്തിനെന്ന്​ സ്ട്രക്ചറൽ എൻജിനീയേഴ്‌സ് അസോസിയേഷൻ
കൊച്ചി: പാലാരിവട്ടം മേൽപാലത്തിന് പൊളിച്ചുനീക്കാൻ തക്ക പ്രശ്​നങ്ങളില്ലെന്നും പോരായ്​മകൾ മറ്റു മാർഗങ്ങളിലൂടെ പരിഹരിക്കാമെന്നും അസോസിയേഷൻ ഓഫ് സ്ട്രക്ചറൽ ആൻഡ് ജിയോടെക്നിക്കൽ കൺസൾട്ടിങ്​ എൻജിനീയേഴ്‌സ് (എ.എസ്.ജി.സി.ഇ) ഭാരവാഹികൾ വാർത്ത സമ്മേളനത്തിൽ പറഞ്ഞു. ഭാരപരിശോധന നടത്തി ബലക്ഷയം ബോധ്യപ്പെട്ടാലേ പൂർണമായി പൊളിക്കേണ്ടതുള്ളൂ. ഇത്​ നടത്താതെ പാലം പൊളിച്ചേതീരൂ എന്ന പിടിവാശി എന്തിനാണെന്ന്​ പി.ഡബ്ല്യു.ഡി റിട്ട. ചീഫ് എൻജിനീയർ കുര്യൻ മാത്യു ചോദിച്ചു.

പാലം പൊളിക്കാൻ തീരുമാനിച്ചത് എൻജിനീയറിങ് വിഭാഗത്തി​​െൻറ തീരുമാനമല്ല. സർക്കാറിന് ഐ.ഐ.ടി സമർപ്പിച്ച രണ്ടാമത്തെ റിപ്പോർട്ട് പുറത്തുവിടണം. പാലം പൊളിക്കണമെന്ന് ആ റിപ്പോർട്ടിലില്ല. ഇ. ശ്രീധരനെ ആ​െരാ​െക്കയോ തെറ്റിദ്ധരിപ്പിച്ചിട്ടുണ്ടെന്നും ദേശീയപാത വിഭാഗം റിട്ട. ഡെപ്യൂട്ടി ചീഫ് എൻജിനീയറും പാലങ്ങളുടെ അറ്റകുറ്റപ്പണിക്കായി രൂപവത്​കരിച്ച ബി-8 സാങ്കേതിക സമിതി അംഗവുമായ ഡോ. യാക്കൂബ് മേമൻ ജോർജ് പറഞ്ഞു.

പാലം പൊളിക്കുന്നതിന് മുമ്പ്​ പാലിക്കേണ്ട മാനദണ്ഡങ്ങളൊന്നും പരിഗണിക്കാതെയാണ് പൊളിക്കാനുള്ള തീരുമാനമെന്ന്​ എ.എസ്.ജി. ഇ മുൻ പ്രസിഡൻറ്​ എസ്. സുരേഷ് അഭിപ്രായപ്പെട്ടു. ഒരു ഗർഡറിലെ ചെറിയ ന്യൂനതക്കു വേണ്ടിയാണ്​ പാലം പൊളിക്കുന്നതെന്ന് ഐ.ജി.എസ് ദേശീയ നിർവാഹക സമിതി അംഗവും ഇൻറർനാഷനൽ സൊസൈറ്റി ഓഫ് സോയിൽ മെക്കാനിക്സ് ആൻഡ് ജിയോടെക്നിക്കൽ എൻജിനീയറിങ് ഇൻ ഫീൽഡ് മോണിറ്ററിങ്​ ഇൻ ജിയോമെക്കാനിക്സിലെ ഇന്ത്യൻ പ്രതിനിധിയുമായ ഡോ. അനിൽ ജോസഫും പറഞ്ഞു.