പാലാരിവട്ടം മേൽപ്പാലം: കേസിൽ തന്നെ കുടുക്കിയതാണെന്ന് ടി.ഒ സൂരജ്

കൊച്ചി: പാലാരിവട്ടം മേൽപ്പാലം അഴിമതി കേസിൽ തന്നെ കുടുക്കിയതാണെന്ന് പൊതുമരാമത്ത് മുൻ​ സെക്രട്ടറി ടി.ഒ സൂരജ് ​. പാലത്തിന്‍റെ പൈലിങ് നടക്കുമ്പോൾ പോലും താൻ അവിടെയില്ല. പിന്നിൽ ആരെന്ന് അറിയില്ലെന്നും സൂരജ് മാധ്യമങ്ങളോട് പ റഞ്ഞു.

പാലാരിവട്ടം പാലം അഴിമതിക്കേസിൽ മുൻ പൊതുമരാമത്ത്​ സെക്രട്ടറിയായിരുന്ന ടി.ഒ സൂരജിനെ രാവിലെയാണ് അറസ ്​റ്റ് ചെയ്തത്. സൂരജിനൊപ്പം കിറ്റ്​കോ മുൻ എം.ഡി ബെന്നി പോളും പാലം നിർമിച്ച കമ്പനിയുടെ എം.ഡിയായ സുമിത്​ ഗോയലും ആർ.ബി.ഡി.സി.കെ അസിസ്​റ്റന്‍റ്​ ജനറൽ മാനേജർ പി.ഡി തങ്കച്ചനും അറസ്​റ്റിലായിട്ടുണ്ട്​.

പാലാരിവട്ടം മേൽപ്പാലം നിർമാണ സമയത്ത്​ ടി.ഒ സൂരജ്​ പൊതുമരാമത്ത്​ സെക്രട്ടറിയായിരുന്നു. അഴിമതി, ഗൂഢാലോചന, വഞ്ചന, ഫണ്ട്​ ദുർവിനിയോഗം എന്നീ കുറ്റങ്ങളാണ്​ സൂരജിനെതിരെ ചുമത്തിയിരിക്കുന്നത്​.