ഗർഭിണിയെ ചുമന്ന് ആശുപത്രിയിലെത്തിച്ച സംഭവത്തിൽ മനുഷ്യാവകാശ കമീഷൻ നോട്ടീസ്​

പാലക്കാട്: വാഹനമെത്തുന്ന റോഡില്ലാത്തതിനാൽ ആദിവാസിയായ ഗർഭിണിയെ മുള മഞ്ചലിൽ ഏഴുകിലോ മീറ്റർ ചുമന്ന് ആശുപത്രിയിലെത്തിച്ച സംഭവത്തിൽ സംസ്​ഥാന മനുഷ്യാവകാശ കമീഷൻ സ്വമേധയ കേസെടുത്ത് അധികൃതർക്ക് നോട്ടീസയച്ചു.

ജില്ല കലക്ടർ, ജില്ല മെഡിക്കൽ ഓഫിസർ, ഐ.ടി.ഡി.പി േപ്രാജക്ട്​ ഓഫിസർ, കോട്ടത്തറ ൈട്രബൽ ആശുപത്രി സൂപ്രണ്ട്, പട്ടികവർഗ വകുപ്പ് സെക്രട്ടറി എന്നിവർ വിശദമായ അന്വേഷണം നടത്തി മാസത്തിനകം റിപ്പോർട്ട് നൽകണമെന്ന് കമീഷൻ അംഗം കെ. മോഹൻകുമാർ ഉത്തരവിട്ടു.

കോട്ടത്തറ ആശുപത്രിയിലെ ആംബുലൻസി‍​​െൻറ അവസ്​ഥയും പുതൂർ-ഇടവാണി റോഡി‍​​െൻറ നിർമാണ പുരോഗതിയും റിപ്പോർട്ടിൽ വിശദമാക്കണമെന്ന് കമീഷൻ ആവശ്യപ്പെട്ടു.