പാലക്കാട് സ്വദേശി പാക് ജയിലിൽ മരിച്ചു

പാലക്കാട്: പാകിസ്താനിലെ കറാച്ചിയിലെ ജയിലിൽ പാലക്കാട് സ്വദേശി മരിച്ചു. കപ്പൂർ സ്വദേശി സുൽഫിക്കർ (48) ആണ് മരിച്ചത്.

അതിർത്തി ലംഘിച്ച് മത്സ്യബന്ധനം നടത്തിയതിനാണ് പാക് സൈന്യം സുൽഫിക്കറിനെ അറസ്റ്റ് ചെയ്തത്. പിന്നീട് കോടതിയിൽ ഹാജരാക്കി കറാച്ചിയിലെ ജയിലിലാക്കുകയായിരുന്നു.

എന്നാണ് സുൽഫിക്കർ ജയിലിലായതെന്നത് സംബന്ധിച്ച് കുടുംബത്തിനും അറിവില്ല. 2018ലാണ് അവസാനം നാട്ടിലെത്തിയിരുന്നത്. പാക് അതിർത്തിയിലെത്തി മൃതദേഹം ഏറ്റുവാങ്ങണമെന്ന് നിർദേശം നൽകിയിട്ടുണ്ട്.