പാലക്കാട്​-ഈറോഡ് മെമു സർവിസ് 29 മുതൽ

പാലക്കാട്​: ഈറോഡ്​ ജങ്​ഷൻ-പാലക്കാട്​ ടൗൺ-ഈറോഡ്​ ജങ്​​ഷൻ അൺ റിസർവ്​ഡ്​ സ്​പെഷൽ എക്സ്​പ്രസ്​ ജൂലൈ 29ന്​ പുനരാരംഭിക്കും. പാലക്കാട്​ ടൗൺ സ്റ്റേഷനിൽനിന്ന്​ ഉച്ചക്ക്​​ 2.40ന്​ പു​റപ്പെടുന്ന ട്രെയിൻ (06818) രാത്രി 7.10ന്​ ഈറോഡിലെത്തും.

30ന്​ ഈറോഡ്​ ജങ്​ഷനിൽ നിന്ന്​ രാവിലെ 7.15നാണ്​ (ട്രെയിൻ നമ്പർ 06819) തിരിച്ചുള്ള യാത്ര. 11.45ന്​ ഈ ട്രെയിൻ പാലക്കാട്​ ടൗണിലെത്തും. വ്യാഴാഴ്​ച ഒഴികെയുള്ള ദിവസങ്ങളിലാണ്​ സർവിസ്​. മെമു ട്രെയിനാണ്​ സ്​പെഷൽ എക്സ്​പ്രസായി സർവിസ്​ നടത്തുക.