പാലക്കാട് ധോണിയിൽ വീണ്ടും കാട്ടാനയിറങ്ങി

പാലക്കാട്: ധോണിയിൽ വീണ്ടും കാട്ടാനയിറങ്ങി.​ ധോണി ചേലക്കോട് ഭാഗത്താണ് ആനയിറങ്ങിയത്. നെൽപ്പാടത്ത് നിലയുറപ്പിച്ച ആനയെ കാട് കയറ്റാനുള്ള ശ്രമം വനം വകുപ്പ് തുടങ്ങി. പ്രദേശത്തെ നെൽകൃഷിയും തെങ്ങുകളും കാട്ടാന നശിപ്പിച്ചു. പിടിസെവനെ പിടികൂടിയതിന് ശേഷവും മേഖലയിൽ കാട്ടാനയെത്തുന്നത് നാട്ടുകാരെ ഭീതിയിലാഴ്ത്തുകയാണ്.

പിടിസെവനെ പിടികൂടി ആശ്വാസമണയും മുൻപ് വീണ്ടും കാട്ടാനയിറങ്ങിയതോടെ ഉറക്കം നഷ്ടപ്പെട്ട അവസ്ഥയിലാണ് നാട്ടുകാർ. ശാശ​്വത പരിഹാരം കാണണമെന്നാണ് പൊതുആവശ്യം.