വോ​ട്ടെടുപ്പ്​ ദിനത്തിലും തമ്മിലടിച്ച്​ ജോസ്​-ജോസഫ്​ വിഭാഗങ്ങൾ

കോട്ടയം: ഉപതെരഞ്ഞെടുപ്പ് ദിനത്തിലും കേരള കോൺഗ്രസിൽ ജോസ്​-ജോസഫ്​ വിഭാഗങ്ങളുടെ തമ്മിലടി. യു.ഡി.എഫ്​ നേതാക്കള ുടെ സാന്നിധ്യത്തിൽ തയാറാക്കിയ എല്ലാ ഒത്തുതീർപ്പ്​ വ്യവസ്​ഥകളും ലംഘിച്ചുള്ള പ്രവർത്തനങ്ങളാണ്​ ജോസഫ്​ വിഭാഗ ം നേതാക്കൾ തെരഞ്ഞെടുപ്പ്​ ദിനത്തിൽ നടത്തിയതെന്ന്​ ജോസ്​ വിഭാഗം നേതാക്കൾ ആരോപിച്ചു.
ജോസഫ്​ വിഭാഗം നേതാക ്കൾക്കെതിരെ ജോസ്​ പക്ഷം യു.ഡി.എഫ്​ നേതൃത്വത്തിന്​ പരാതി നൽകി. ഉപതെരഞ്ഞെടുപ്പിൽ പാർട്ടിയിൽ എല്ലാവരും ഒറ്റക്ക െട്ടായി നിന്നിട്ടില്ലെന്ന് ജോസഫ് പക്ഷത്തെ ജോയ് എബ്രഹാം വോട്ട്​ രേഖപ്പെടുത്തിയ ശേഷം ആരോപിച്ചതാണ്​ മറുപക്ഷത്തെ ചൊടിപ്പിച്ചത്​. ‘മാണി സാറിന്​ കുശാഗ്രബുദ്ധിയായിരുന്നു-തന്ത്രശാലിയുമായിരുന്നു. എന്നാൽ, മറ്റ് ചിലർക്ക് കുടിലബുദ്ധിയും കുതന്ത്രങ്ങളുമേയുള്ളൂ, നേതാക്കൾ പക്വതയില്ലാത്തവരും’. അതൊക്കെ തെരഞ്ഞെടുപ്പ് പ്രചാരണത്തിൽ പ്രതിഫലിച്ചിട്ടുണ്ടെന്നും ജോയ് എബ്രഹാം കുറ്റ​െപ്പടുത്തി.

ഇതോടെ​ നേതാക്കൾ പരസ്യപ്രതികരണവുമായി രംഗത്തെത്തി. തെരഞ്ഞെടുപ്പ് ദിവസംതന്നെ ഇത്തരമൊരു പ്രസ്താവന വന്നതിൽ കടുത്ത അതൃപ്തി രേഖപ്പെടുത്തിയ ജോസ് വിഭാഗം യു.ഡി.എഫിന് പരാതി നൽകിയതോടെ ഉമ്മൻ ചാണ്ടി ഇടപെട്ടു. യു.ഡി.എഫ്​ നേതാക്കൾ പി.ജെ. ജോസഫിനെ ​പ്രതിഷേധവും അറിയിച്ചു. ഇതോടെ പ്രസ്​താവന ലഘൂകരിച്ച്​ ജോസഫ്​ പക്ഷത്തെ മോൻസ്​ ജോസഫ്​ മാധ്യമപ്രവർത്തകരെ കണ്ടു. വേ​ാ​ട്ടെടുപ്പ്​ ദിനത്തിലെ അനാവശ്യ പ്രസ്​താവന ഗൗരവമായി കാണുന്നുവെന്നും യു.ഡി.എഫ്​ നേതൃത്വം ഇടപെട​ട്ടേയെന്നും ജോസ്​ കെ. മാണിയും വ്യക്തമാക്കി. കെ.എം. മാണിയുടെ പിന്തുടർച്ചാവകാശം ഒരു കുടുംബത്തിനല്ല, കേരള കോൺഗ്രസ് പാർട്ടിക്കാണെന്നും ഇപ്പോഴത്തെ പ്രശ്നങ്ങളെല്ലാം അതി​​െൻറ അടിസ്ഥാനത്തിലാണെന്നും വ്യക്​തമാക്കിയ ജോയ്​ എബ്രഹാം പാലായിൽ ഒന്നിച്ചുള്ള പ്രവർത്തനം ഉണ്ടായോയെന്ന്​ പറയേണ്ടത് കോൺഗ്രസാണെന്നും വ്യക്​തമാക്കിയിരുന്നു. തങ്ങൾ യു.ഡി.എഫ് വിടുന്ന പ്രശ്നമില്ലെന്നും ജോയ് എബ്രഹാം പറയുന്നു.

യു.ഡി.എഫിലെ യഥാർഥ ഘടകകക്ഷി പി.ജെ. ജോസഫ് നേതൃത്വം നൽകുന്ന കേരള കോൺഗ്രസാണ്. അതിന് ജോസ് കെ. മാണി വിഭാഗത്തി​​െൻറ അംഗീകാരമൊന്നും ജോസഫിന് വേണ്ട. പാർട്ടിയിലെ ബഹുഭൂരിപക്ഷവും ജോസഫിനൊപ്പമാണെന്നും ജോയ് എബ്രഹാം കൂട്ടിച്ചേർത്തു. പ്രചാരണം തീരുംവരെ യു.ഡി.എഫ് ഒറ്റക്കെട്ടായിരുന്നെന്നും വോട്ട്​ ചെയ്​ത്​ വരുംവഴി കാമറ ​െവച്ചുനീട്ടിയപ്പോൾ എന്തെങ്കിലും പറഞ്ഞതാകുമെന്നും ഉമ്മൻ ചാണ്ടി പ്രതികരിച്ചു.