പാലായിൽ ഒന്നിച്ചുപ്രവർത്തിക്കാനുള്ള സാഹചര്യമില്ല -ജോസഫ്​ വിഭാഗം

കോട്ടയം: നിലവിൽ ഒന്നിച്ച്​ പ്രവർത്തിക്കാനുള്ള സാഹചര്യമല്ല പാലായിലെന്ന്​ കേരള കോൺഗ്രസ്​ ജോസഫ്​ വിഭാഗം. കോ ൺഗ്രസ് നേതാക്കൾ ഇടപെ​ട്ടെന്നും അതിന്​ ശേഷം തീരുമാന​മുണ്ടാവുമെന്നും ജോസഫ്​ പക്ഷത്തെ പ്രമുഖനായ ജോയ്​ എബ്രഹ ാം വ്യക്​തമാക്കി. ചർച്ചക്കായി മോൻസ് ജോസഫിനെയും തന്നെയും പി.ജെ. ജോസഫ്​ ചുമതലപ്പെടുത്തിയെന്നും ജോയ്​ എബ്രഹാം അറിയിച്ചു. യു.ഡി.എഫ്​ നേതാക്കളുമായി നടത്തുന്ന ചർച്ചകൾക്ക് ശേഷം മതി പാലായിൽ സമാന്തര പ്രചാരണമെന്നും പി.ജെ. ജോസഫ് കോട്ടയം ജില്ല കമ്മിറ്റിക്കും നിർദേശം നൽകി.

ഞായറാഴ്​ച മുതൽ പാലായിൽ സമാന്തര പ്രചാരണത്തിനായിരുന്നു തീരുമാനം. എന്നാൽ, കോൺ​ഗ്രസ് നേതൃത്വത്തി​​െൻറ ഇടപെടലിനെ തുടർന്ന്​ ജോസഫ് വിഭാ​ഗം പിന്മാറി. ഉമ്മൻ ചാണ്ടിയും രമേശ്​ ചെന്നിത്തലയും ​േജാസഫിനെ ഫോണിൽ ബന്ധ​െപ്പട്ട്​ അനുനയനീക്കം നടത്തുകയും ചെയ്​തു. ജോസ് കെ. മാണിയോടും നേതാക്കൾ സംസാരിച്ചിരുന്നു. സമാന തീരുമാനമാണ് അദ്ദേഹവുമെടുത്തത്​. പരസ്യപ്രസ്താവനകൾ ജോസ് വിഭാ​ഗം നടത്തില്ല. പാലായിൽ ഒന്നിച്ച്​ പ്രവർത്തിക്കാനുള്ള സാഹചര്യം ഉണ്ടാക്കുമെന്ന്​ റോഷി അഗസ്​റ്റിനും വ്യക്​തമാക്കി.