അഞ്ചിടങ്ങളിൽ നവംബറിൽ ഉപതെരഞ്ഞെടുപ്പിന്​ സാധ്യതയെന്ന്​ ടിക്കാറാം മീണ

തിരുവനന്തപുരം: കേരളത്തില്‍ മഞ്ചേശ്വരമടക്കം ഒഴിഞ്ഞുകിടക്കുന്ന അഞ്ച്​ നി​യമസഭ മണ്ഡലങ്ങളിൽ നവംബറില്‍ ഉപതെരഞ ്ഞെടുപ്പ് നടന്നേക്കുമെന്ന് മുഖ്യ തെരഞ്ഞെടുപ്പ് ഓഫിസര്‍ ടിക്കാറാം മീണ. ഒക്​ടോബറിൽ വിജ്ഞാപനമിറങ്ങാനാണ്​ സാധ ്യത. അവസാന തീരുമാനം ​െതര​െഞ്ഞടുപ്പ്​ കമീഷ​​െൻറ വിവേചനാധികാരമാണ്​. നവംബറിനുള്ളിൽ തീർച്ചയായും ഉപതെരഞ്ഞെടുപ്പ ്​ നടന്നിരിക്കും. ആറ് മാസത്തിനുള്ളില്‍ തെരഞ്ഞെടുപ്പ് നടക്കേണ്ടതിനാലാണ് പാലായില്‍ മാത്രം ആദ്യം ഉപതെരഞ്ഞെടുപ ്പ് പ്രഖ്യാപിച്ചത്. ഒരിടത്ത് മാത്രം ഉപതെരഞ്ഞെടുപ്പ് പ്രഖ്യാപിച്ചതിൽ ദുരുദ്ദേശമോ മറ്റു അസ്വാഭാവികതയോ ഇല്ല. ഇതിൽ ഗൂഢാലോചനയുണ്ടെന്ന് പറയുന്നവര്‍ ആത്മപരിശോധന നടത്തണമെന്നും രാഷ്​ട്രീയ നേതാക്കള്‍ക്ക് എന്തും പറയാമെന്നു ം വാർത്തസമ്മേളനത്തിൽ മീണ വ്യക്തമാക്കി.

കെ.എം. മാണിയുടെ നിര്യാണത്തെ തുടർന്ന്​ പാലാ സീറ്റ്​ ഏ​പ്രിൽ മുതൽ ഒഴിഞ്ഞുകിടക്കുകയാണ്​. ഒക്​ടോബറിൽ ആറ്​ മാസം പൂർത്തിയാകും. ചട്ടപ്രകാരം ആറ്​ മാസത്തിനുള്ളിൽ ഉപ​െതരഞ്ഞെടുപ്പ് ​ നടത്തണം. അതുകൊണ്ടാണ്​ നേരത്തേ ​പ്രഖ്യാപിച്ചത്​. മഞ്ചേശ്വ​രം ഉൾപ്പെടെ അഞ്ചിടങ്ങളാണ്​ പിന്നീട്​ ഒഴിഞ്ഞുകിടക്കുന്നത്​. ഇതിൽ മഞ്ചേശ്വരം ഒഴികെ മറ്റ്​ നാലിടങ്ങളിൽ ലോക്​സഭ തെരഞ്ഞെടുപ്പിനെ തുടർന്ന്​ എം.എൽ.എമാർ രാജിവെച്ചതിനാൽ ​ജൂണിലാണ്​ സീറ്റുകൾ ഒഴിവ്​ വന്നത്​.

മഞ്ചേശ്വരത്ത്​ വൈകാൻ കാരണം​
മഞ്ചേശ്വരത്തെ ​സ്ഥിതി വ്യത്യസ്​തമാണ്​. അവിടെ എം.എൽ.എയുടെ നിര്യാണത്തെ തുടർന്ന്​ സീറ്റ്​ ഒഴിവ്​ വന്നത്​ ​കഴിഞ്ഞ ഒക്​ടോബറിലാണ്​. എന്നാൽ, ബി.ജെ.പി സ്ഥാനാർഥി​ കെ. സ​ുരേന്ദ്രൻ നേരത്തേ ഹൈകോടതിയിൽ കേസ്​ നൽകിയിരുന്നു. കോടതിയിൽ കേസുണ്ടായിരുന്നതിനാൽ ഒക്​ടോബർ മുതൽ സമയപരിധി കണക്കാക്കാൻ കഴിയില്ല. 2019 ജൂണിലാണ്​ അദ്ദേഹം കേസ്​ പിൻവലിക്കാനുള്ള അപേക്ഷ നൽകുകയും ഇത്​ സംബന്ധിച്ച കോടതി വിധിയുണ്ടാവുകയും ചെയ്​തത്​. ​ഇൗ സാഹചര്യത്തിൽ ജൂൺ മുതലാണ്​ മഞ്ചേശ്വരം സീറ്റ്​ ഒഴിവ്​ വന്നതായി പരിഗണിക്കുക. അതായത്​ നവംബർ വരെ സാവകാശമുണ്ട്​്​.

വോട്ടർ പട്ടിക പ​ുതുക്കില്ല
2019 പൊതുതെ​രഞ്ഞെടുപ്പിന്​ വേണ്ടി തയാറാക്കിയ വോട്ടർ പട്ടിക അടിസ്ഥാനപ്പെടുത്തിയാണ്​ ഉ​പതെര​ഞ്ഞെടുപ്പ്​ നടക്കുക. സമീപകാലത്ത്​ ​വോട്ടർ പട്ടിക പുതുക്കാനുള്ള നടപടികൾ തെരഞ്ഞെടുപ്പ്​ കമീഷൻ പ്രഖ്യാപിച്ചിരുന്നു. പക്ഷേ, സംസ്ഥാനത്ത്​ കലക്​ടർമാരും ഉദ്യോഗസ്ഥരുമെല്ലാം പ്രളയ ദുരിതാശ്വാസ-പുനരധിവാസ പ്രവർത്തനങ്ങളുടെ തിരക്കിലാണ്​. ഇൗ സാഹചര്യത്തിൽ ശ​ിപാർശ പരിഗണിച്ച്​ വോട്ടർ പട്ടിക പുതുക്കൽ കേ​ന്ദ്ര ഇലക്​ഷൻ കമീഷൻ മാറ്റിവെച്ചിട്ടുണ്ട്​. ഉപതെരഞ്ഞെടുപ്പ്​ എപ്പോൾ നടത്തണം എന്ന്​ ശിപാർശ ​െചയ്യാൻ തനിക്ക്​ കഴിയില്ല. സാഹചര്യങ്ങൾ എങ്ങനെയാണ്​, ഏത്​ മാസമാണ്​ അനു​േയാജ്യം, അവധികൾ, പ്രശ്​നങ്ങൾ എന്നീ കാര്യങ്ങൾ കമീഷൻ ആരായാറുണ്ട്​. അഭിപ്രായം കൃത്യമായി അറിയിക്കുകയും ചെയ്യും.​ പ​േക്ഷ, ആറ്​ മാസമെന്നത്​ ചട്ടമാണ്​. അതിനുള്ളിൽ എപ്പോഴും നടത്താം.

ഉപതെരഞ്ഞെടുപ്പിന്​ സജ്ജം
പാലാ ഉപതെരഞ്ഞെടുപ്പിന്​ കമീഷൻ സജ്ജം. വി.വി പാറ്റ്​, ഇ.വി.എം അടക്കം ആവശ്യമായ എണ്ണം കൈവശമ​ുണ്ട്​. ഉദ്യോഗസ്ഥർ മാറിയതുകൊണ്ട്​ കുറച്ച്​ പേർക്ക്​ പരിശീലനം നൽകേണ്ടി വരും. പെരുമാറ്റച്ചട്ടം കോട്ടയത്ത്​ നിലവിൽ വന്നിട്ടുണ്ട്​. സർക്കാറി​​െൻറ മറ്റ്​ പരിപാടികളെ ഇത്​ ബാധിക്കില്ല. എന്നാൽ, പുതിയ നയപരമായ തീരുമാനങ്ങൾ പ്രഖ്യാപിക്കാൻ പാടില്ല. പാലായി​െല വോ​െട്ടണ്ണലിന്​ പിന്നാലെ മറ്റിടങ്ങളിലെ വിജ്ഞാപനം വരു​േമാ എന്നത്​ ഇപ്പോൾ പറയാനാകില്ല. മാതൃക പെരുമാറ്റച്ചട്ടത്തിൽ പറഞ്ഞ കാര്യം വീണ്ടും ആവർത്തിക്കും. അതിൽ പുതുമയില്ല. അത്​ ത​​െൻറ കടമയാണ്​. എന്നാൽ, വിശ്വാസത്തി​​െൻറ കാര്യം വിവാദമാക്കേണ്ട കാര്യമില്ല. അമ്പലത്തി​​​െൻറയോ ​പള്ളിയുടെയോ ജാതിയുടെയോ പേര് ഉപയോഗിക്കാനോ സൗഹാർദാന്തരീക്ഷം തകർക്കാനോ രാഷ്​ട്രീയ പാർട്ടികളുടെ ഭാഗത്ത്​ ശ്രമങ്ങളുണ്ടാകാൻ പാടില്ല. കഴിഞ്ഞ തെരഞ്ഞെടുപ്പിൽ എല്ലാ രാഷ്​ട്രീയ പാർട്ടികളും സഹകരിച്ചു. ഇപ്പോഴും ആ സഹകരണം ​പ്രതീക്ഷിക്കുന്നു. രാഷ്​ട്രീയ പാർട്ടികളുടെ യോഗം വിളിക്കും.

നിയമോപദേശമുണ്ട്​, വട്ടിയൂർ​ക്കാവിൽ പ്രശ്​നമേയില്ല
വട്ടിയൂർക്കാവിൽ ഉപതെരഞ്ഞെടുപ്പ്​ പ്രശ്​നമേയില്ല. തെരഞ്ഞെടുപ്പ്​ ഫലത്തെ വെല്ലുവിളിക്കുന്ന റിട്ട്​ പെറ്റീഷൻ അല്ല കോടതിയിലുള്ളത്​. അത്​ സ്വത്ത്​ വിവരം സംബന്ധിച്ച പരാതിയാണ്​. ഉപതെരഞ്ഞെടുപ്പ്​ നടത്താൻ തടസ്സമില്ലെന്നാണ്​ നി​യമോപദേശം കിട്ടിയത്​. ഇക്കാര്യം കേന്ദ്ര ഇലക്​ഷൻ കമീഷനെ അറിയിച്ചിട്ടുണ്ട്​. കേരള കോൺഗ്രസിലെ രണ്ടില ചിഹ്നവുമായി ബന്ധപ്പെട്ട കാര്യം മുഖ്യ തെരഞ്ഞെടുപ്പ്​ ഒാഫിസറുടെ മുന്നിലില്ല. വിഷയത്തിൽ കേന്ദ്ര തെരഞ്ഞെടുപ്പ്​ കമീഷൻ തീരുമാനമെടുക്കുമെന്നും അവരാണ്​ ​നിലപാട്​ പറയേണ്ടതെന്നും മീണ പറഞ്ഞു.

സുരേന്ദ്രനും 42,000 രൂപയും
നിലവിലെ സാഹചര്യത്തിൽ മ​േഞ്ചശ്വരമടക്കം അഞ്ചിടത്തും ഒരുമിച്ചായിരിക്കും ഉപതെരഞ്ഞെടുപ്പ്​ നടക്കുക. ചെറിയൊരു സ​ാ​േങ്കതിക തടസ്സം മാത്രമാണ്​ അവശേഷിക്കുന്നത്​. മ​േഞ്ചശ്വരം കേസി​​െൻറ വിധിന്യായത്തിൽ 42,000 രൂപ ചെലവിനത്തിൽ കെ. സുരേന്ദ്രൻ അടക്കണമെന്നുണ്ടായിരുന്നു. ഇ.വി.എം, വി.വി പാറ്റ് എന്നിവ മഞ്ചേശ്വരത്തു​നിന്ന്​ എറണാകുളത്തേക്കും തിരിച്ചും എത്തിച്ചതിനുള്ള ​ഗതാഗത ചെലവിനത്തിലാണിത്​. 42,000 രൂപയിൽ കുറച്ച്​ തുക സുരേന്ദ്രൻ അടച്ചു. ഇനിയ​ും കുറച്ച്​ പണം​ അടക്കാനുണ്ട്​. വിധിന്യായം പൂർണമായും നടപ്പിലാകാൻ ഇൗ ചെറിയ സാ​േങ്കതിക തടസ്സം മാത്രമാണുള്ളത്​.