ഉമ്മൻ ചാണ്ടിക്കെതിരെ പണം നൽകി ‘തെളിവുകൾ’ സൃഷ്ടിച്ചു; പൊളിച്ചടുക്കി സി.ബി.ഐ

തി​രു​വ​ന​ന്ത​പു​രം: സോ​ളാ​ർ പീ​ഡ​ന​ക്കേ​സി​ൽ മു​ൻ മു​ഖ്യ​മ​ന്ത്രി ഉ​മ്മ​ൻ ചാ​ണ്ടി​യെ കു​ടു​ക്കാ​ൻ പ​രാ​തി​ക്കാ​രി പ​ല​ർ​ക്കും പ​ണം വാ​ഗ്ദാ​നം ചെ​യ്തി​രു​ന്ന​താ​യി സി.​ബി.​ഐ. പ​രാ​തി​ക്കാ​രി​യു​ടെ ഡ്രൈ​വ​റാ​യി​രു​ന്ന ശ്രീ​ജി​ത്ത്, ടീം ​സോ​ളാ​ർ ക​മ്പ​നി ഉ​ദ്യോ​ഗ​സ്ഥ​ൻ രാ​ജ​ശേ​ഖ​ര​ൻ നാ​യ​ർ എ​ന്നി​വ​ർ​ക്കാ​ണ്​ ത​നി​ക്ക് അ​നു​കൂ​ല​മാ​യി മൊ​ഴി ന​ൽ​കി​യാ​ൽ പ​ണം ന​ൽ​കാ​മെ​ന്ന് അ​റി​യി​ച്ച​ത്. ഇ​ത​നു​സ​രി​ച്ച് ക്രൈം​ബ്രാ​ഞ്ചി​ൽ ഉ​മ്മ​ൻ ചാ​ണ്ടി​ക്കെ​തി​രെ മൊ​ഴി ന​ൽ​കി​യ ഇ​വ​ർ പി​ന്നീ​ട് സി.​ബി.​ഐ​ക്ക് മു​ന്നി​ൽ കു​റ്റ​സ​മ്മ​തം ന​ട​ത്തു​ക​യാ​യി​രു​ന്നു.

2012 സെ​പ്​​റ്റം​ബ​ർ 19ന് ​ക്ലി​ഫ് ഹൗ​സി​ൽ ഉ​മ്മ​ൻ ചാ​ണ്ടി ത​ന്നെ പ്ര​കൃ​തി​വി​രു​ദ്ധ പീ​ഡ​ന​ത്തി​ന് ഇ​ര​യാ​ക്കി​യ കാ​ര്യം ഡ്രൈ​വ​റും സു​ഹൃ​ത്തു​ക​ളു​മാ​യ ശ്രീ​ജി​ത്ത്, സ​ന്ദീ​പ് എ​ന്നി​വ​രോ​ട് നേ​രി​ട്ടും ഓ​ഫി​സ് ജീ​വ​ന​ക്കാ​രാ​യി​രു​ന്ന രാ​ജ​ശേ​ഖ​ര​ൻ നാ​യ​രോ​ട് ഫോ​ണി​ലും അ​റി​യി​ച്ചെ​ന്നാ​യി​രു​ന്നു പ​രാ​തി​ക്കാ​രി ക്രൈം​ബ്രാ​ഞ്ചി​നും സി.​ബി.​ഐ​ക്കും ന​ൽ​കി​യ മൊ​ഴി. എ​ന്നാ​ൽ, ക്രൈം​ബ്രാ​ഞ്ചി​ന് മു​ന്നി​ൽ സ​ന്ദീ​പ് പ​രാ​തി​ക്കാ​രി​യു​ടെ മൊ​ഴി നി​ഷേ​ധി​ച്ചു. താ​ൻ ക്ലി​ഫ് ഹൗ​സി​ൽ പോ​യി​ട്ടി​ല്ലെ​ന്നും ഉ​മ്മ​ൻ ചാ​ണ്ടി​യെ ക​ണ്ടി​ല്ലെ​ന്നും വാ​ർ​ത്താ​മാ​ധ്യ​മ​ങ്ങ​ളി​ലൂ​ടെ​യാ​ണ് പീ​ഡ​ന​വി​വ​രം അ​റി​യു​ന്ന​തെ​ന്നു​മാ​യി​രു​ന്നു ഇ‍യാ​ൾ സി.​ബി.​ഐ​യോ​ട് വി​ശ​ദീ​ക​രി​ച്ച​ത്.

എ​ന്നാ​ൽ, സ​രി​ത​യു​ടെ​യും ബി​ജു രാ​ധാ​കൃ​ഷ്ണ​ന്‍റെ​യും ഉ​റ്റ സു​ഹൃ​ത്താ​യ ശ്രീ​ജി​ത്തും രാ​ജ​ശേ​ഖ​ര​ൻ നാ​യ​രും മൊ​ഴി​യി​ൽ ഉ​റ​ച്ചു​നി​ന്നു. ക്രൈം​ബ്രാ​ഞ്ചും സി.​ബി.​ഐ​യും മൊ​ഴി​യെ​ടു​ക്കാ​ൻ വി​ളി​ച്ച ദി​വ​സ​വും അ​തി​ന് മു​മ്പും ശേ​ഷ​വും നി​ര​വ​ധി ത​വ​ണ പ​രാ​തി​ക്കാ​രി ശ്രീ​ജി​ത്തി​നെ ഫോ​ണി​ൽ ബ​ന്ധ​പ്പെ​ട്ടി​രു​ന്ന​താ​യും അ​ന്വേ​ഷ​ണ ഉ​ദ്യോ​ഗ​സ്ഥ​ർ​ക്ക് ന​ൽ​കേ​ണ്ട മൊ​ഴി എ​ങ്ങ​നെ​യാ​ക​ണ​മെ​ന്ന് പ​ഠി​പ്പി​ക്കാ​ൻ നേ​രി​ൽ ക​ണ്ടി​രു​ന്ന​താ​യും സി.​ബി.​ഐ ക​ണ്ടെ​ത്തി. ഇ​തു​സം​ബ​ന്ധി​ച്ച് ശ്രീ​ജി​ത്തി​നെ വി​ശ​ദ​മാ​യി ചോ​ദ്യം ചെ​യ്ത​പ്പോ​ഴാ​ണ് മൊ​ഴി ന​ൽ​കാ​ൻ പ​രാ​തി​ക്കാ​രി 5000 രൂ​പ ന​ൽ​കി​യ​താ​യി വെ​ളി​പ്പെ​ടു​ത്തി​യ​ത്.

ഉ​മ്മ​ൻ ചാ​ണ്ടി​ക്കെ​തി​രെ മൊ​ഴി ന​ൽ​കാ​ൻ പ​രാ​തി​ക്കാ​രി പ​ണം വാ​ഗ്ദാ​നം ചെ​യ്തി​രു​ന്നെ​ങ്കി​ലും പി​ന്നീ​ട് കു​റ്റ​ബോ​ധം വേ​ട്ട​യാ​ടി​യ​തോ​ടെ സ​ത്യം വെ​ളി​പ്പെ​ടു​ത്താ​ൻ രാ​ജ​ശേ​ഖ​ര​ൻ നാ​യ​ർ ത​യാ​റാ​യ​താ​യി സി.​ബി.​ഐ റി​പ്പോ​ർ​ട്ടി​ലു​ണ്ട്. ക്ലി​ഫ് ഹൗ​സി​ലെ പീ​ഡ​നം നേ​രി​ൽ ക​ണ്ടെ​ന്ന് പ​റ​യ​ണ​മെ​ന്നാ​വ​ശ്യ​പ്പെ​ട്ട് പൂ​ഞ്ഞാ​ർ എം.​എ​ൽ.​എ​യാ​യി​രു​ന്ന പി.​സി. ജോ​ർ​ജി​നെ​യും പ​രാ​തി​ക്കാ​രി സ​മീ​പി​ച്ചു. എ​ന്ത് മൊ​ഴി ന​ൽ​ക​ണ​മെ​ന്ന് ജോ​ർ​ജി​ന് പേ​പ്പ​റി​ൽ എ​ഴു​തി ന​ൽ​കി. പേ​പ്പ​ർ വാ​ങ്ങി​വെ​ച്ച് 10,000 രൂ​പ​യും ന​ൽ​കി​യാ​ണ് ജോ​ർ​ജ് പ​രാ​തി​ക്കാ​രി​യെ യാ​ത്ര​യാ​ക്കി​യ​ത്. പ​രാ​തി​ക്കാ​രി ആ​വ​ശ്യ​പ്പെ​ട്ട മൊ​ഴി ജോ​ർ​ജ് കോ​ട​തി​യി​ൽ ന​ൽ​കി​യി​ല്ല. പ​ക​രം ഈ ​പേ​പ്പ​ർ സി.​ബി.​ഐ​ക്ക് മു​ന്നി​ലും കോ​ട​തി​യി​ലും ഹാ​ജ​രാ​ക്കി.