പത്മശ്രീ വിവാദം: മന്ത്രി ബാലൻ പരസ്യമായി മാപ്പു പറയണമെന്ന് കേന്ദ്രമന്ത്രി

ന്യൂഡൽഹി: പത്മശ്രീ വിവാദത്തിൽ മന്ത്രി എ.കെ. ബാലനെതിരെ കേന്ദ്ര ആദിവാസി ക്ഷേമമന്ത്രി ജുവൽ ഓറം. പത്മശ്രീ ജേതാവ് ലക്ഷ്മികുട്ടി അമ്മക്കെതിരായ പരാമർശത്തിൽ മന്ത്രി ബാലൻ പരസ്യമായി മാപ്പു പറയണമെന്ന് ജുവൽ ഓറം ആവശ്യപ്പെട്ടു. 

വിവാദ പരാമർശത്തിലൂടെ മന്ത്രി ബാലൻ ലക്ഷ്മികുട്ടി അമ്മയെ അപമാനിച്ചിരിക്കുകയാണ്. ഇത് അപലപനീയമാണ്. പരമ്പരാഗത വൈദ്യത്തിലുള്ള മികവിനാണ് ലക്ഷ്മികുട്ടി അമ്മക്ക് പുരസ്കാരം നൽകിയത്. ആദിവാസി വിഭാഗത്തിൽ നിന്നുള്ള സ്ത്രീക്ക് പത്മശ്രീ ലഭിച്ചതിൽ അഭിമാനിക്കുകയാണ് വേണ്ടിയിരുന്നതെന്നും ജുവൽ ഒാറം വ്യക്തമാക്കി.